Fréttatíminn - 05.07.2013, Blaðsíða 46

46 langur laugardagur Helgin 5.-7. júlí 2013
 Langur Laugardagur MatarMarkaður á Lækjartorgi
Matarmarkaðir verði
hluti af menningu okkar
Reykjavíkurborg stendur fyrir matarmarkaði á Lækjartorgi næstu fjóra laugardaga. Fjölbreytt
úrval af gómsætum varningi verður í boði. Eirný Sigurðardóttir í Búrinu segir að mikil eftirspurn
sé eftir markaði sem þessum enda vilji fólk fá að spjalla við framleiðendur.
Hildur Gunnlaugsdóttir hjá Reykjavíkurborg og Eirný Sigurðardóttir í Búrinu skipuleggja matarmarkað sem verður á Lækjar-
torgi á laugardögum í júlí. Fjölbreytt úrval af gómsætum varningi verður í boði á morgun. Ljósmynd/Hari
V ið viljum að þetta verði hluti af okkar menningu,“ segir Eirný Sigurðardóttir, verslunarmaður
í ostabúðinni Búrinu. Eirný er einn
skipuleggjenda matarmarkaðar sem
starfræktur verður á Lækjartorgi á
laugardögum í júlí. Það er umhverfis- og
skipulagssvið Reykjavíkurborgar sem
stendur fyrir markaðinum. Sá fyrsti
er á morgun, laugardaginn 6. júlí, frá
klukkan 11-16.
Um 12-15 söluaðilar verða á markað-
inum alla laugardaga. Meðal þess sem
fólk getur nælt sér í eru grillaðar súr-
deigssamlokur frá Sandholti, sæluostar
úr sveitinni, íslenskt hunang, harðfiskur
frá Flateyri og popp með lakkríssalti frá
Saltverki svo fátt eitt sé nefnt. Nokkrir
aðilar selja vörur sínar allar helgar en
aðrir skiptast á þannig að eitthvað nýtt
og spennandi verður í boði um hverja
helgi. „Enda nær fólk ekki að borða allt
á einni helgi,“ segir Eirný.
Eirný hefur reynslu af skipulagningu
matarmarkaða við verslun sína, Búrið í
Nóatúni. Síðustu tvö ár hefur hún verið
með velheppnaðan markað þar fyrir
jólin. „Fyrstu jólin mættu um fjögur
þúsund manns en við áætlum að í fyrra
hafi alla vega fimm þúsund mætt. Í fyrra
tóku 36 framleiðendur þátt,“ segir hún.
Og þú heldur að það sé eftirspurn eftir
þessu í miðborginni?
„Já, fólkið vill þetta. Því finnst gaman
að spjalla við framleiðendurna og hitta
annað fólk og spjalla.“
Eirný segir að vandamálið við skipu-
lagningu markaðar sem þessa sé að
hann rúmist illa innan íslenskra laga og
reglna. Ekki megi „færa eldhúsið út,“
eins og hún orðar það. „Þannig að við
erum að reyna að vinna innan ramm-
ans, í samstarfi við Heilbrigðiseftirlitið.
En við verðum að breyta þessu kerfi svo
svona markaðir geti orðið hluti af okkar
menningu og ferðaþjónustunni.“
Eruð þið búnar að leggjast á bæn og
óska eftir skaplegu veðri á laugardaginn?
„Nei, nei. Veðrið stoppar ekki Ís-
lendinga.“
Höskuldur Daði Magnússon
hdm@frettatiminn.is
Það er langur laugardagur í miðborg-
inni þessa helgina og nóg um að vera.
Ekki er nóg með að matarmarkaður
hefji göngu sína á Lækjartorgi, eins og
fjallað er um hér að neðan, heldur verð-
ur markaðsdagur á Laugaveginum.
„Þetta veit á útimarkaði, tilboð, tón-
list og gleði,“ segir á Facebooksíðu
Miðborgarinnar okkar sem stendur
að markaðsdeginum. „Kaupmenn og
veitingamenn eru búa sig undir að vera
sýnilegir utan dyra, a.m.k. með hluta
af starfsemi sinni og ætla að „tjalda“,
„flagga“ , „tónvæða“ eða finna upp á ein-
hverju sem getur lífgað upp á daginn.“
 Langur Laugardagur SteMning á LaugaVegi
Alvöru markaðsdagur í miðborginni
Lokað
er fyrir
bílaum-
ferð um
bróðurpart
Laugavegs
og þar
verður
götu-
markaðs-
stemning
á löngum
laugardegi.
Laugavegur 58 S. 551 4884 still@stillfashion.is stillfashion.is

ÚTSALAN
HAFIN
Þú nnur okkur á Facebook
undir “Fatabúðin”
Skólavörðustíg 21a 101 Reykjavík S. 551 4050
Úrval af gæða sængurfatnaði til
brúðargjafa
Laugavegi 53 Sími 552 3737 opið mán.-fös. 10-18, lau. 10-17
Vor/sumar
2013
Útsalan
er han
Laugavegi 8 S. 552 2412
FALLEGAR GJAFAVÖRUR
L a n g u r L a u g a r d a g u r !
M i k i ð ú r v a l
a f t i l b o ð s v ö r u m !