Fréttatíminn - 19.07.2013, Page 8

Í búar á þéttbýlasta svæði landsins, suðvesturhorn-inu, hafa flestir fengið sig
fullsadda á veðurfari þessa
sumars – og raunar vorsins líka.
Rigningar sumar með hráslaga
fylgdi í kjölfar kalds vors. En
er það svo í raun? Í upphafi júlí
birti Veðurstofa Íslands yfirlit
yfir veðurfarið og þar sagði að
hlýtt hefði verið í júní og tíðarfar
hagstætt að því undanskildu að
sólarlítið hefði verið um landið
suðvestavert og úrkoma þar yfir
meðallagi.
Íbúar höfuðborgarsvæðisins
eru tveir þriðju Íslendinga og
því að vonum að raddir þeirra
séu háværar vegna hinnar
þrálátu rigningar – og þeirra
tíðinda sem birt voru í vikubyrj-
un að stórbreytinga væri ekki
að vænta það sem eftir lifir júlí.
Í viðtali við Morgunblaðið sagði
Óli Þór Árnason, veðurfræð-
ingur hjá Veðurstofu Íslands, að
reikna mætti með áframhald-
andi suðlægum áttum og vætusömu
sunnan- og vestantil á landinu.
Líkt við alræmt sumar
En hver er staða þessa rigningasum-
ars, að minnsta kosti á höfuðborgar-
svæðinu, sem langminnugir eru jafn-
vel farnir að líkja við alræmt sumar
ársins 1955 þegar nánast stytti
ekki upp. Svo slæmt er ástandið
að vísu ekki núna og tölur Veður-
stofunnar segja okkur að meðalhiti
júní í Reykjavík, sem íbúum þótti
rakur og kaldur, hafi mælst 9,9 stig,
0,9 stigum ofan við meðaltal áranna
1961 til 1990.
Er þá ekkert að marka tilfinningu
okkar fyrir veðri? Jú, ef síðustu tíu
júnímánuðir eru skoðaðir kemur í
ljós að hitinn í þeim nýliðna er 0,6
stigum undir því meðaltali. Íbúar
höfuðborgarsvæðisins hafa nefnilega
búið við glettilega gott sumarveður
undanfarinn áratug. Höfuðborgarbú-
ar og nágrannar þeirra eru því orðnir
góðu vanir og finna því fyrir þrálátri
rigningunni nú. Fyrrnefndur veður-
fræðingur segir enda að sumarið nú
sé ekki óvenjulegt. Það hafi komið
áður og muni koma aftur.
Óvenju hlýtt var hins vegar á Akur-
eyri í júní. Meðalhitinn hefur ekki
verið hærri í júní í höfuðstað Norður-
lands í heil sextíu ár, eða frá árinu
1953. Einnig var mjög hlýtt um landið
austanvert sem og á hálendinu.
Úrkoma mældist 65,6 mm í Reykja-
vík í júní og er það 30 prósent um-
fram meðallag. Það er því von að höf-
uðborgarbúar finni fyrir bleytunni.
Dagar þegar úrkoma mældist 1 mm
eða meira voru 14 og eru það 3 um-
fram meðallag áranna 1961 til 1990,
en 6 umfram meðalfjölda síðustu tíu
ára. Úrkomudagar hafa ekki verið
fleiri í júní í Reykjavík síðan 2003.
Það er hins vegar þetta gula
á himninum sem hefur vantað
sunnan heiða. Óvenju sólarlítið var í
Reykjavík í júní. Sólskinsstundirnar
mældust aðeins 121,7 og er
það 40 stundum undir meðal-
lagi áranna 1961 til 1990 en
90 stundum undir meðaltali
júnímánaða síðustu tíu ára. Svo
sólarlítið hefur ekki verið í júní
í Reykjavík síðan 1995, en tíu
sinnum hafa sólskinsstundir
mánaðarins þó orðið færri frá
upphafi samfelldra sólskinsmæl-
inga í Reykjavík 1923.
Ekki ljúga tölur Veður-
stofunnar
Hvað svo sem höfuðborg-
arbúum finnst um veðrið segir
Veðurstofan – og styðst við bein-
harðar tölur – að bærilega hlýtt
hafi verið í veðri í borginni
fyrstu sex mánuði ársins, meðal-
hiti í Reykjavík þessa mánuði er
4,2 stig og er það 1,1 stigi yfir
meðallagi áranna 1961 til 1990
en 0,1 stigi undir meðallagi
síðustu tíu ára. Þetta er 16. hlýj-
asti fyrri hluti árs frá upphafi
samfelldra mælinga í Reykjavík
1871. Hvað svo sem tölfræðin segir
finna höfuðborgarbúar það á eigin
skinni og skapferli að það rignir
nánast upp á hvern einasta dag – og
framhald virðist ætla að verða þar á.
Lægðir allar hafa ákveðið að taka sér
far yfir landið bláa þetta sumarið og
koma upp að því sunnan- og vestan-
verðu með tilheyrandi úrfelli. Í slíku
árferði er ekki um annað að ræða
fyrir íbúa höfuðborgarsvæðisins en
setja undir sig hausinn og sjóhatt á
þann sama líkamspart.
Ástandið hefur svo versnað, ef
eitthvað er, í júlí. Haraldur Ólafsson
veðurfræðingur greindi frá því í við-
tali við Ríkisútvarpðið að fyrri hluti
mánaðarins hefði ekki aðeins verið
blautur heldur líka kaldur. Meðalhit-
inn í Reykjavík var 9,6 gráður.
En ágúst er að sönnu allur eftir.
Það má alltaf lifa í voninni.
Jónas Haraldsson
jonas@frettatíminn.is
S kemmtiferðaskipið Queen Elisabeth mun koma til Íslands
á mánudaginn og hafa viðkomu á
Akureyri, Ísafirði og í Reykjavík.
„Queen Elisabeth þykir mjög
glæsilegt og virðulegt skip og er
gjarnan kölluð drottning skemmti-
ferðaskipanna. Það er því sérlega
skemmtilegt og mikill heiður að fá
það hingað til lands,“ segir Jóhann
Bogason, deildarstjóri hjá TVG-
Zimsen, sem þjónustar Queen
Elisabeth á meðan skipið er í höfn
á Íslandi.
Þetta er í fyrsta skipti sem hin
nýja Queen Elisabeth siglir til Ís-
lands en skipið var smíðað árið
2010 og leysti þá forvera sinn af
hólmi. Elísabet Bretadrottning gaf
skipinu nafn við virðulega athöfn
árið 2010. Skipið er 92 þúsund
tonn og tekur rúmlega tvö þúsund
farþega.
Queen Elisabeth er mjög
glæsilegt skip í alla staði og það
væsir ekki um farþega um borð. Í
skipinu er m.a. konunglegur dans-
salur, tennisvellir, sundlaugar,
líkamsræktarstöð, heilsulind og
fjöldi verslana. Þá er einnig fjöldi
glæsilegra veitingastaða um borð
í skipinu.
„Sumarið hefur gengið mjög
vel miðað við allt umfangið,” segir
Jóhann, „en við erum að sjá met í
komum ferðamanna með skemmti-
ferðaskipum hingað til lands nú í
sumar.“ - jh
Drottning skemmtiferðaskip-
anna til Íslands á mánudag
 Siglingar glæSiSkipið Queen eliSabeth
Talsvert minni umferð var um
Hellisheiði fyrstu tvær vikurnar í
júlí miðað við sömu vikur í júlí árið
2012, eða sem nemur 7,3%, að því er
Vegagerðin greinir frá. Virðist sam-
drátturinn aðallega vera vegna minni
umferðar um helgar og á föstudögum.
Mun minni samdráttur er á öðrum
vikudögum. Umferðin hefur að meðal-
tali dregist saman um tæp 13% um
helgar, að meðtöldum föstudögum,
en 1,5% á öðrum dögum. Það sem
af er sumri eða frá 1. júní er sam-
drátturinn hins vegar um 1,3%.
Aðeins meiri umferð var aftur á
móti um Hvalfjarðargöng fyrstu
tvær vikurnar í júlí borið saman við
sömu vikur árið 2012 eða tæplega
hálfu prósentustigi meiri. Ólíkt
Hellisheiði virðist sá vöxtur fyrst og
fremst verða til á virkum dögum, að
frátöldum föstudögum. Umferðin
hefur að meðaltali dregist saman
um 1,3% um helgar og föstudögum
en aukist um 2,1% á virkum dögum.
Það sem af er sumri eða frá 1. júní,
hefur umferðin aukist um tæplega
1,5%. - jh
Minni umferð um Hellisheiði í júlí
 rigningarSumar tölur og tilfinning fyrir veðri eru Sitt hvað
Þolanlegar hitatölur
en þetta gula vantar
Íbúum höfuðborgarsvæðisins finnst sumarið hafa verið blautt og kalt. Veðurstofan viðurkennir
bleytuna en trauðla kuldann – fyrr en nú í júlí.
Sumarið í ár er smám saman að festa
sig í sessi sem rigningarsumar
sunnan- og vestanlands.
www.volkswagen.is
Volkswagen Caddy
Caddy er áreiðanlegur, sparneytinn og þægilegur
í allri umgengni. Lipur vinnuþjarkur með frábæra
aksturseiginleika og ríkulegan staðalbúnað.
Hann er fáanlegur með bensín-, dísil- og metan-
vélum frá framleiðanda.

*Miðað við Caddy TSI bensín, 86 hestöfl, beinskiptur.
Aukahlutir á mynd, álfelgur og þokuljós.
Góður
vinnufélagi
Atvinnubílar
Til afgreiðslu strax
Fæst einnig fjórhjóladrifinn
Caddy* kostar aðeins frá
3.090.000 kr.
(2.642.151 kr. án vsk)
HEKLA · Laugavegi 170-174 · Reykjavík · sími 590 5000 · hekla.is · umboðsmenn um land allt:
Höldur Akureyri · Bílasala Selfoss · Bílás Akranesi · HEKLA Reykjanesbæ · Heklusalurinn Ísafirði
Þetta er í fyrsta skipti sem hin nýja Queen Elisabeth siglir
til Íslands en skipið var smíðað árið 2010.
Elísabet drottning um borð í nöfnu sinni
en hún gaf skipinu nafn.
8 fréttir Helgin 19.-21. júlí 2013