Fréttatíminn - 19.07.2013, Page 54

Það eru tvö
hundruð
áttatíu og
þrjár sem
heita Olga
á Íslandi
og ég vona
að þær taki
vel í þetta.
Ég fer fljótlega
til Bandaríkj-
anna í viðtöl
vegna 2 Guns
og eins og
staðan er núna
fer Everest að
fara í gang.
V egur Baltasars Kormáks vex jafnt og þétt í Hollywood og
leikstjórinn er hlaðinn verkefnum.
Hann fann þó smá glufu í dag-
skránni í júní og hvílist nú í faðmi
fjölskyldunnar á Hofi í Skaga-
firði. Fer í útreiðartúra og nýtur
þess að vera fjarri skarkalanum.
Hann segir fríið þó vera innan
gæsalappa og kvöldin fara mikið
í símtöl yfir hafið þar sem undir-
búningur fyrir næstu mynd hans,
Everest, er í fullum gangi.
Baltasar segist þó lítið geta
sagt til um hvernig næstu verk-
efni muni raðast en gangi allt
eftir leggur hann á Everest næst.
„Maður hefur ekki alltaf stjórn
á þessu og hvernig þetta raðast.
Verkefnin raðast svolítið upp af
sjálfu sér,“ segir leikstjórinn.
Næsta mynd Baltasars, spennu-
myndin 2 Guns með þeim Denzel
Washington og Mark Wahlberg
í aðalhlutverkum, verður frum-
sýnd í byrjun ágúst og þá fer allt
á fullt hjá Baltasar á ný. Hann tók
upp fyrsta þáttinn í sjónvarps-
þáttaröðinni The Missonary, fyrir
kapalstöðina HBO, áður en hann
kláraði 2 Guns. „Tímasetningarn-
ar gengu þannig upp að ég gerði
þáttinn og fór svo og kláraði 2
Guns. Þannig að það var ekki fyrr
en núna í júní sem ég var nokk-
urn veginn að losna, Þá komst
ég aðeins heim og er búinn að
vera fyrir norðan. Það er samt að
ýmsu að hyggja. Ég fer fljótlega
til Bandaríkjanna í viðtöl vegna 2
Guns og eins og staðan er núna
fer Everest að fara í gang.“
Baltasar gerir ráð fyrir að hann
hefjist handa við Everest fyrr en
seinna enda sé einhverjum örfáum
samningum í kringum hana ólok-
ið en allt stefni hratt í rétta átt.
Everest er byggð á bókinni Into
Thin Air eftir Jon Krakauer og
segir frá örlagaríkum leiðangri á
þennan hæsta tind veraldar 1996.
Christian Bale var til skamms
tíma orðaður við aðalhlutverkið
en leikararnir Josh Brolin og Jake
Gyllenhaal eru nú í viðræðum
um að taka að sér hlutverk undir
stjórn Baltasars. Baltasar áformar
að taka myndina að stórum hluta
upp á Íslandi og einnig í Nepal og
á Ítalíu. -þþ
 baltasar KormáKur Hleður batteríin fyrir norðan
Horfir til Everest frá Skagafirði
V ið héldum fyrstu tónleikana okkar í Hollandi og ákváðum þá að allar sem heita Olga fengju frítt inn og í
framhaldi af því kviknaði sú hugmynd að
bjóða öllum Olgum á Íslandi persónulega á
tónleika í tónleikaferðinni okkar. Það er svo
gott að búa á svona litlu landi því þá er auð-
velt að hafa uppi á heimilisföngum en við
sendum boðsbréf heim til allra sem heita
Olga,“ segir Bjarni Guðmundsson, einn
söngvara Sönghópsins Olgu en hópurinn
heldur í tónleikaferð í ágúst og hefur boðið
öllum Olgum landsins að mæta frítt á ein-
hverja af tónleikunum.
„Það eru tvö hundruð áttatíu og þrjár
sem heita Olga á Íslandi og ég vona að
þær taki vel í þetta. Hingað til höfum við
aðeins heyrt af jákvæðum viðbrögðum,“
segir Bjarni. Fjölmiðlakonan Olga Björt
Þórðardóttir er ein þeirra sem fengið hafa
boðskort á tónleika sönghópsins. „Ég fékk
þetta fína boðsbréf frá sönghópnum, undir-
ritað af þeim öllum fimm. Þetta er mjög
jákvætt framtak hjá þeim og fékk mig svo
sannarlega til að brosa,“ segir
Olga sem stefnir að því að
þiggja boð sönghópsins og
mæta á tónleika. „Það yrði
gaman að kíkja því maður
fær nú ekki svona boðsbréf
á hverjum degi. Við
erum tvær Olgurnar
sem erum systkina-
börn og heitum
eftir ömmu okkar.
Það væri gaman að
fara með henni á
tónleika með Sönghópnum Olgu.“
Sönghópinn skipa fimm söngvarar, þrír
frá Íslandi, einn frá Hollandi og einn uppal-
inn í Bandaríkjunum en af rússneskum
ættum. Allir stunda þeir nám í klassískum
söng við Tónlistarháskólann í Utrecht í Hol-
landi hjá Jóni Þorsteinssyni söngkennara.
Hópurinn flytur þjóðlagatónlist frá öllum
heimshornum og á dagskrá tónleikanna eru
lög á fimm tungumálum, íslensku, ensku,
þýsku, hollensku og rússnesku. Söng-
hópurinn heldur tónleika í Flatey 3. ágúst,
á Ólafsfirði 6. ágúst og í Djúpavogi þann átt-
unda. Tónleikaferðinni mun svo ljúka með
tvennum tónleikum í Reykjavík, þann 9.
ágúst í Áskirkju og þann 10. í Fríkirkjunni
í Reykjavík en þeir tónleikar verða hluti af
„off-venue“ dagskrá Hinsegin daga.
Dagný Hulda Erlendsdóttir
dagnyhulda@frettatiminn.is
Sönghópinn Olgu skipa Haraldur Sveinn Eyjólfsson, Gulian van Nierop, Bjarni Guðmundsson, Philip Barkubarov og Pétur Odd-
bergur Heimisson. Allir stunda þeir nám í klassískum söng við Tónlistarháskólann í Utrecth í Hollandi hjá Jóni Þorsteinssyni.
Mynd/Jonathan Alexander Ploeg.
 tónlist söngHópurinn olga Heldur í tónleiKaferð um landið
Bjóða öllum Olgum á tónleika
Meðlimir Sönghópsins Olgu kynntust í tónlistarháskólanum í Utrecht í Hollandi og halda í
tónleikaferð um Ísland í ágúst. Allar Olgur landsins, 283 talsins, hafa fengið boð á tónleikana.
Bréfin 283 sem sönghópurinn Olga sendi öllum
Olgum á landinu. Söngvararnir undirrituðu öll
boðsbréfin. Mynd/Bjarni Guðmundsson.
Fjölmiðla-
konan Olga Björt
Þórðardóttir er
ein þeirra sem
fengið hefur boð
á tónleika söng-
hópsins Olgu.
Mynd Hari.
Baltasar Kormákur fann
sér stund milli stríða
og hefur notið lífsins í
Skagafirðinum. Framundan
er hasar í kringum frum-
sýningu 2 Guns og síðan
verður lagt á Everest.
s ólóklúbburinn er félags-skapur einhleyps fólks
sem vill njóta lífsins og gera
eitthvað með öðrum án
þess að vera drifið áfram í
örvæntingarfullri makaleit.
Klúbburinn var stofnaður
2007 og meðlimir hittast
reglulega og stundum með
litlum fyrirvara til þess að
skemmta sér.
Rósa Þorleifs-
dóttir er í forsvari
fyrir klúbbinn en
hún segir hann hafa
orðið til þegar fólk
sem var orðið leitt á
að finna sér félags-
skap á Einkamál.is
hafi ákveðið að gera
eitthvað róttækt í
málinu.
„Þetta var fólk
sem notaði vefinn
bara til þess að hitta
annað fólk en ekki
til þess að finna sér
maka. Þetta hefur
alls ekkert að gera með
stefnumót eða makaleit.
Því fer fjarri.“
Tilgangurinn er ein-
faldlega að koma sér út af
heimilinu og gera eitthvað
með öðrum. „Við förum í
leikhús, út að borða, förum
í gönguferðir og höldum
matarboð. Við erum bara
félagsskapur einhleyps
fólks sem vill njóta lífsins
og gera eitthvað saman.
Gera eitthvað annað en sitja
föst við Facebook eða sjón-
varpið með fjarstýringuna í
annarri hendi og hina undir
vanga.“
Sólóklúbburinn er opinn
öllum einhleypum á aldr-
inum 25-59 ára en eins og
stendur er meðalaldurinn í
kringum fertugt.
Þótt makaleit sé ekki
málið segir Rósa að stund-
um taki ástin völdin innan
hópsins, fók nái saman og
þá verða að vonum afföll.
„Fólk hefur alveg fundið
sér maka í gegnum félagið
og í augnablikinu er
fjöldinn í lágmarki meðal
annars vegna þess að við
höfum tapað félögum sem
rugluðu saman reitum,“
segir Rósa. Þegar mest hef-
ur verið voru félagarnir um
200 en eru nú í kringum 70
að sögn Rósu.
Frekar upplýsingar og
skráning í klúbbinn eru
á heimasíðu hans www.
soloklubburinn.is. -þþ
 einHleypir sKemmta sér í sólóKlúbbnum
Ástin veldur
stundum afföllum
Laugavegi 178 ( Bolholtsmegin ) l S. 555 1516 l Kíktu á síðuna okkar
“Kryddaðu” fataskápinn með fatnaði frá
Opnunartími: Virka daga kl. 11-18 Laugard. kl. 11-16
Buxur
Háar í mittið
Regular fit,
beinar niður
1 litur: svart
Str. 34 - 56
Verð 12.900 kr.
54 dægurmál Helgin 19.-21. júlí 2013