Fréttatíminn - 04.10.2013, Blaðsíða 76
Í takt við tÍmann Sigurmon Hartmann SigurðSSon
Róar hugann með innhverfri íhugun
Sigurmon Hartmann Sigurðsson er 24 ára tónlistarmaður í hljómsveitinni Kajak. Hann og frændi hans, Hreinn
Elíasson, skipa sveitina og sendu frá sér myndband við lagið Cold Crowned Eagle á dögunum. Þeir stefna á út-
gáfu breiðskífu fyrir jól og koma fram á Airwaves. Sigurmon horfir á Breaking Bad og gengur í Timberland-skóm.
Staðalbúnaður
Ég nýti mér oftast tækifærið þegar ég ferðast til útlanda að
kaupa mér föt, til dæmis í London eða Stokkhólmi. Það er
reyndar orðið svolítið síðan ég gerði það síðast. Svo eru
margar sniðugar síður á internetinu sem ég nota. Ég er
voða týpískur strákur, geng mikið í skyrtum, gallajökkum
og leddurum. Og brúnum Timberland-skóm, þeir hafa nýst
mér vel. Ég er böðull á skó og þarf eitthvað sterkbyggt eins
og Timberland.
Hugbúnaður
Þegar ég fer niður í bæ kíki ég oftast á Harlem
eða einhvern annan eðalstað sem hefur
nóg rými til að dansa. Maður verður
að týna sér í dansinum. Ég panta mér
oftast þetta klassíska á barnum, bjór
á krana. Eða rauðvín ef ég vil gera vel
við mig. Ég á nú ekki oft lausan tíma
en þegar það gerist finnst mér gott
að tjilla heima í stofu með góðum
vinum og hafa það notalegt. Ég
er svolítill bíómynda ofstækis-
maður og reyni að leyfa mér ekki
of mikið. Annars myndi ég detta
harkalega inn í minn eigin heim.
Uppáhalds sjónvarpsþættirnir
mínir eru Breaking Bad og It’s Always Sunny in Philadelphia.
Ég datt inn í þá í sumar og hef ekki getað hætt.
Vélbúnaður
Við Hreinn erum með 27 tommu iMac í hljóðverinu sem við
vinnum tónlistina á. Svo þjáist ég af alvarlegri græjufíkn
eins og margir aðrir tónlistarmenn og sanka að mér hljóð-
gervlum og trommuheilum. Þar með er græjuþörfinni
svalað. Síminn minn er til að mynda algert drasl, ég held að
hann sé ódýrasti Nokia-síminn.
Aukabúnaður
Ég geri svolítið af því að elda, mest ítalskan mat
eins og lasagna eða „spicy“ pasta. Svo klikkar
góð pítsa aldrei. Ég byrjaði að stunda inn-
hverfa íhugun í byrjun þessa árs og það hef-
ur skilað sér mjög vel. Þarna næ ég að róa
hugann í tuttugu mínútur tvisvar á dag. Ég
nota bara lappirnar þegar ég ferðast um
borgina og stundum fer ég í strætó. Það
er fínt að halda þessu umhverfisvænu. Í
sumar fór ég til Flateyjar og held mikið
upp á hana eftir það. Það er ótrúlega fal-
legur staður sem situr fast í minning-
unni. Eftir áramót er svo planið að fara
á túr með hljómsveitinni í Evrópu, það
verður eitthvað spennandi.
Sigurmon og frændi hans, Hreinn Elíasson,
stefna að því að fyrsta plata hljómsveitarinnar
Kajak komi út fyrir jólin. Ljósmynd/Hari
appafengur
„How to
tie a tie“
Ég ákvað að fara út
fyrir mitt persónulega
áhugasvið í þetta skiptið
og leitaði á netinu að
hugmyndum. Fann
loks þetta fína app sem
sérstaklega er ætlað
karlmönnum og kennir
þeim að gera fjöldann
allan af bindishnútum.
Raunar getur þetta líka
gagnast konum því ég
hef nokkrum sinnum
verið beðin um aðstoð
við að binda bindishnút
en hef þurft að biðjast
undan öllu slíku. Þar
til nú.
How to tie a tie býður
upp á einfalda og skýra
kennslu í að gera fjölda
bindishnúta, þar á
meðal hinn sívinsæla
Windsor, auk þess sem
fólki er leiðbeint við að
binda slaufur og brjóta
vasaklúta í brjóstvas-
ann. Eitt það skemmti-
legasta við appið er að
það nýtir myndavélina
á iPhone-símanum sem
spegil þar sem þú fylgir leiðbein-
ingum meðan þú horfir í spegilinn.
Einnig er hægt að horfa á stutt sýnis-
myndbönd til að gera bindishnútana,
auk þess að sjá teiknaðar myndir
og lesa skrifaðar leiðbeiningar. Nú
hafa karlmenn enga afsökun til að
sleppa bindinu næst þegar þeir mæta
í veislu og þeir geta meira að segja
skartað nýjum hnúti í hvert sinn.
Erla Hlynsdóttir
erla@frettatiminn.is
76 dægurmál Helgin 4.-6. október 2013