Læknablaðið - 01.04.1970, Page 27

LÆKNABLAÐIÐ
49
aðferðinni. Þó virðist, þegar athuguð eru þau sjúkdómstil-
felli, sem skýrt hefur verið frá, að árangurinn sé þar engu
betri, t. d. urðu óstarfhæfir þrír af fimm leiðurum, sem
skildir voru eftir innan lífhimnu af Jose.13
3. „Plastik“ alls konar hefur verið reynd, t. d. hrottnám, þeg-
ar þrengslin hafa verið stutt, og „end-to-end“-tenging; einn-
ig Boari-plastik (flipi frá þvagblöðru), þegar anastomosan
er mjög neðarlega í leiðara. Þá má og gera pelvo- eða
uretero enterovesico-stomia og fleira.
4. Nephro- eða pyelostomia er sú meðferð, sem í mörgum til-
fellum er heppilegust sem fyrsta aðgerð vegna þess, að:
a) aðgerðin er lítið álag fyrir sjúkling, miðað við stæm
plastískar aðgerðir. En þessir sjúklingar eru einmitt í byrj-
un mjög veikir, og má þá hugsa sér plastískar aðgerðir á
þvagleiðara síðar meir.
b) mörg nýru í R.F. eru þegar orðin mjög léleg eða ónýt
og fara aldrei í gang aftur; en að raun um það kemst mað-
ur ekki fyrr en síðar, og þá er að sjálfsögðu út í hött að vera
að gera stóraðgerðir á þvagleiðara.
c) oft er erfitt að losa þvagleiðarann úr örvefnum og hætta
á, að hlóðrás hans sé eyðilögð, meðan á því stendur, og drep
fylgi í kjölfarið í þeim hluta.
d) sjálfkrafa bati er algengur. Hægt er að fylgjast með
rennslinu frá nýranu og niður í blöðru með „antegrad“
pyelografi. Með i.v.p. og „antegrad“ pyelografi má komast
að raun um starfshæfni nýrans og hvort rennslishindrun
hafi horfið. Þannig er oft komizt lijá því að gera stærri og
oft tvísýnar aðgerðir.
Séu báðir leiðarar flæktir í örvefsberðið, má gjarnan gera mið-
línuskurð og samtímis lagfæra báðum megin gegnum þennan eina
skurð.
UMRÆÐUR OG ORSAKIR
Orsakir eru óljósar. Kendall telur líklegt,14 að þessi samsteypa
af breytingum finnist í sambandi við ýmsa sjúkdóma eða séu
breytingar af ýmsum uppruna.
Ónæmiskenningin. Hjá framangreindum sjúklingi eru nokk-
ur atriði, sem eru verð þess að athuga nánar í sambandi við or-
sakaleit. Eftir tveggja vikna slappleika veikist sjúklingur skyndi-
legg með háum hita og mjög mikjlli almennri vanlíðan. Sökk er