Læknablaðið - 01.04.1970, Qupperneq 52

62
LÆKNABLAÐIÐ
urðu að sinna. Menntunarskilyrði voru léleg, þar á meðal ekkert lækn-
isfræðilegt bókasafn á háskólaspitalanum.
Óhætt er að segja, að uppsagnir lækna 1962 og 1965 og baráttan,
sem fylgdi í kjölfar þeirra, hafi á ýmsan veg haft heilladrjúg áhrif
í heilbrigðismálum þjóðarinnar. Þessar aðgerðir ýttu við forystumönn-
um heilbrigðismála og áhugi vaknaði á þeim meðal leikra og lærðra.
Ráðherra skipaði í desember 1965 nefnd lækna til að kanna lækn-
isþjónustuna á spítölum og gera tillögur til úrbóta. Skilaði hún ýtar-
legu áliti eftir gagngerðar athuganir og skýrslnasöfnun. Flýtt var
byggingu Landspítalans. Byggð var viðbót við Hjúkrunarskólann.
Haldnar voru ráðstefnur um heilbrigðismál. Læknar hafa fengið betri
starfsaðstöðu á sjúkrahúsum. Bókasafn er komið á Landspítalann.
Nýjar rannsóknadeildir hafa tekið til starfa. Síðast, en ekki sízt hafa
verið stofnuð læknaráð við spítalana, þar sem allir læknar hlutaðeig-
andi sjúkrahúsa eiga sæti og geta fylgzt með málum og haft áhrif.
Nefndir eru teknar til starfa á vegum þessara ráða, sem eiga að gera
tiilögur um og vinna að ýmsum málum, s. s. auknum og bættum sam-
skiptum milli deilda, fræðslumálum lækna, skynsamlegri og hnit-
miðaðri þróun í byggingamálum hlutaðeigandi stofnunar, hverjar
lágmarkskröfur skulu gerðar til sjúkrahúsþjónustu o. s. frv. Eftir
stofnun þessara læknaráða var gamla yfirlæknaráðið lagt niður.
Um öll þessi mál var fjallað meira og minna í kröfugerð lækna
1965—66, en mörg veigamikil atriði eru ótalin. Má þar nefna stofnun
vísindasjóðs við spítalana, sem gerði læknum kleift að gefa sig að
rannsóknum og úrvinnslu ýmissa verkefna, sem hafa hrúgazt upp á
undanförnum árum. Læknar gengu frá reglugerð fyrir slíkan sjóð við
Landspítalann árið 1968, en tekjuöflunarleiðir fengust ekki samþykkt-
ar, og málið strandaði.
Væntanlegir samningar
Nýir samningar við stjórnarnefnd ríkisspítalanna og Reykjavík-
urborg standa nú fyrir dyrum.
Læknafélag Reykjavíkur hefur sett fram samningsuppkast, sem
á að túlka það meginsjónarmið, að launakjör sjúkrahúslækna nú verði
hlutfallsleg við þau, sem náðust 1966, þó að lagt sé til, að samning-
arnir verði nú að sumu leyti öðruvísi uppbyggðir.
Áformað er að gera sams konar samning við báða þessa aðila.
Launaákvæði ríkisspítalasamningsins eru lögð til grundvallar föstum
launum, þó þannig, að vinnueiningum (eyktum) fækkar úr 15 niður
í 12 á viku fyrir þessi laun, og hækkar því greiðslan fyrir hverja eykt.
Um leið væri ákvæðið um allt að 50 klst. vinnuviku í eldri samningn-
um afnumið.
Lagt er til, að læknar fái laun í orlofi og námsferðum til útlanda.
Samið skuli sérstaklega um greiðslu kostnaðar vegna námsferða
til útlanda. Greiðslu fyrir bundnar vaktir verði breytt í annað horf
en verið hefur, t. d. samið verði um fastar greiðslur, en þá jafnframt
settar skorður við of miklu vinnuálagi á vaktinni.