Læknablaðið - 01.06.1971, Page 35

LÆKNABLAÐIÐ
97
„Aðalfundur L.í. 1969 beinir þeim tilmælum til st.iórnar L.í. að
skipa nefnd til þess að athuga og gera tillögur um endurskipulagningu
á fyrirkomulagi og greiðslum fyrir læknisþjónustu.“
„Aðalfundur L.í. 1969 beinir þeim tilmælum til stjórnvalda, að
nú þegar verði gaumgæfilega athugað, hvort ekki sé hagkvæmt og
gerlegt að sameina sjúkratryggingar undir stjórn fárra aðila, héraðs-
sambanda eða jafnvel eins aðila, Tryggingastofnunar ríkisins."
„Aðalfundur L.í. 1969 beinir þeim tilmælum til menntamálaráð-
herra, að hann hlutist til um, að gerð verði svofelld breyting á Háskóla-
lögum:
Fyrsta málsgrein 14. gr. 1.6. 1957 hljóði svo: „Hver háskóladeild
heldur fundi eftir þörfum. Deildarforseti boðar fundi, og eiga þar
sæti prófessorar, dósentar og lektcrar, svo og forstöðumenn sérsviða-
stofnana, er lúta að deildinni, og er þeim skylt að sækja fundi. Enn
fremur eigi þar sæti tveir fulltrúar stúdenta, tilnefndir af stúdenta-
félagi viðkomandi deildar.“
Þá beinir fundurinn þeim tilmælum til menntamálaráðherra, að
hann hlutist til um, að allar kennarastöður við Háskóla íslands verði
auglýstar opinberlega."
„Aðalfundur L.í. 1969 fagnar því, að læknadeild Háskólans vinn-
ur nú að bættum kennsluháttum í deildinni og endurbótum á reglugerð
um veitingu lækningaleyfis og sérfræðileyfa.
Fundurinn fagnar því einnig, að afnumdar hafa verið takmarkanir
um inngöngu í læknadeild, sem fyrirhugaðar voru síðastliðið vor.
Fundurinn bendir á, að mjög alvarlegur læknaskortur ríkir nú
í sumum landshlutum, en meðan þannig er ástatt, ber að efla lækna-
deildina svo, að hún geti veitt kennslu þeim stúdentum, sem áhuga
hafa á læknanámi og hæfileika til þess að stunda það. Verði nauð-
synlegt af þjóðfélagslegum ástæðum að takmarka tölu læknanema, þá
er eðlilegast að læknadeildin annist þá takmörkun, en ekki mennta-
skólarnir með tiltekinni stúdentsprófseinkunn."
„Aðalfundur L.í. 1969 beinir þeirri áskorun til heilbrigðismála-
ráðherra, að hann hlutist til um, að nú þegar verði hafizt handa um
stofnun læknastöðva á þeim stöðum, þar sem grundvöllur er fyrir
rekstri þeirra. Enn fremur, að gerð verði áætlun um stofnun og stað-
setningu slíkra stöðva um land allt.
Gera verður ráð fyrir, að læknamiðstöðvar verði sums staðar
starfræktar í sjúkrahúsum. Er því nauðsynlegt að tengja áætlun
læknamiðstöðva við áætlunargerð um staðsetningu, byggingu og endur-
nýjun sjúkrahúsa. Áætlanir þessar verði gerðar minnst fimm ár fram
í tímann, en endurskoðaðar árlega og þá færðar eitt ár fram.“
„Aðalfundur L.í. 1969 telur, að daggjöld sjúkrahúsa þurfi að
miða við þá þjónustu, sem viðkomandi sjúkrahús á að veita. Við
ákvörðun daggjalds fyrir yfirstandandi ár kom fyrir, að deildarskipt
og óskipt sjúkrahús voru sett í sama flokk. Virðist þannig í sumum
tilfellum, að sjúkrahús hafi goldið þess, að hagkvæmni hafi verið
gætt í rekstri."
„Aðalfundur L.f. 1969 skorar á fjármálaráðherra, að hann hlutist
til um, að sett verði á fjárlög árlegt framlag til þess að greiða kostnað