Læknablaðið - 01.02.1973, Síða 54

32
LÆKNABLAÐIÐ
ÁSTALÍF OG SKEGGVÖXTUR
Ónafngreindur bréfritari skrifaði tíma-
ritinu Nature og kvaðst hafa sýnt fram á
breytingar á skeggvexti sínum, er fylgni
hefði við sveiflur í kynlífi.
Um tveggja ára skeið hafði hann
vegna vinnu sinnar verið einangraður á
eyju einni nokkrar vikur í senn. Stöku
sinnum fékk hann frí og hélt til megin-
landsins. Hann uppgötvaði, að daginn áð-
ur en hann hélt til lands hljóp vöxtur í
skegg hans og náði vaxtarkippurinn há-
marki fyrstu tvo dagana, sem hann var í
landi. Meðal íbúa á meginlandinu var
a. m. k. ein kona, sem var manninum eftir-
lát. N. N. grunaði, að tilhugsunin um kyn-
mök og ástundun þeirra eftir langt einlifi
ylli aukinni skeggsprettu. Leitaðist hann
nú við að sanna kenningu sína.
Hann rakaði sig með rafmagnsrakvél
daglega og vigtaði uppskeruna á degi
hverjum. Auk þess hélt hann dagbók, í
hverja hann færði mismunandi stig lík-
amlegrar og andlegrar áreynslu, svefns,
kynhvatar og fullnægingar hennar. Má þar
t. d. sjá, að 4., 18., 19. og 20. janúar 1969
voru sæludagar á meginlandinu og skegg-
gróska hans þá daga fylgdi áðurnefndu
mynztri.
N. N. telur þennan kynhvatarmæli sinn
nógu næman til að fullyrða: „Jafnvel nær-
vera vissrar kvenpersónu, þótt ekki væri
um kynmök að ræða, dugði til að hleypa
greinilegum vexti í skegg mitt.“
Mánuði eftir að greinin birtist, réðu
gagnrýnendur ríkjum í lesendadálki Nat-
ure. Einum þeirra hafði dottið í hug, að
N.N. heíði e. t. v. látið freistast til að raka
sig betur, þegar hann átti í vændum endur-
fundi við vinkonu sína og því hlotið ríku-
legri uppskeru en ella. Annar spurði: ,,Hef-
ur N. N. gert þá mikilvægu ,,kontrol“ til-
raun að bjóða vinkonu sinni út til eyjar-
innar?“ Enn einn stakk upp á því, að
margnefnd kona, í þágu vísindanna, reyndi
endrum og eins að neita N. N. um blíðu
sína.
Ef draga má lærdóm af frásögn þess-
ari, virðist ritstjórn Læknablaðsins hann
helzt þessi:
„Viljirðu spara rakblöð, skaltu gerast
munkur."
SPAKLEGA MÆLT
Þótt læknum sé stundum hallmælt að
ósekju, er það jafnalgengt, að þeim sé
þakkað meira en þeir eiga skilið. Þeir hafa
því ekki yfir neinu að kvarta.
James Jackson (1777-1867).
Letters to a Young Physician. 1855.
— • —
A neurotic is the man who builds a
castle in the air. A psychotic is the man
who lives in it. And a psychiatrist is the
man who collects the rent.
Lord Robert Webb-Johnston (1879-).
Sannur læknir er listamaður og sálu-
sorgari, búinn vísindaþekkingu.
Nonnenbruch.
Læknavísindin sjálf eru ekki takmarkið
heldur heilbrigði fólksins.
Kollath.
— • —
Sir William Osler er eignuð þessi at-
hugasemd: „Hvötin til að taka inn meðul
er ef til vill það, sem helzt aðskilur mann-
skepnuna frá öðrum dýrum.“