Læknablaðið - 01.06.1977, Qupperneq 6

86
LÆKNABLAÐIÐ
ÚR ÝMSUM ÁTTUM
NÁMSKEIÐ FRÆÐSLUNEFNDAR
Að venju verður námskeið fyrir héraðs-
lækna og aðra starfandi lækna haldið dag-
ana 12.—15. sept. n.k.
í tilefni alþjóða gigtarársins fjallar nám-
skeið þetta eingöngu um gigtarsjúkdóma
og verður fjallað um flestar hliðar þessa
efnis.
Fyrirlesarar verða bæði erlendir og inn-
lendir. Prentuð dagskrá verður send út
bráðlega.
LÆKNAÞING L.í.
Aðalviðfangsefni læknaþings 15.—17.
sept. n.fk. verður siðfræði í læknisfræði og
siðareglur lækna.
Af því tilefni verða fyrirlestrar um þessi
efni haldnir síðdegis þann 15. sept. og þann
16. sept, verða hringborðsumræður um
sama efni.
Áætlað er, að fá erlenda fyrirlesara og
sömuleiðis fyrirlesara frá heimspeki- og
lagadeild Háskóla íslands.
AÐALFUNDUR L.í.
Aðalfundur Læknafélags íslands verður
haldinn í Domus Medica 15.-17. sept. 1977.
Auk venjulegra aðalfundarstarfa verða um-
ræður um kjaramál, framhaldsmenntun
lækna o.fl.
Aðalefni fundarins verða siðareglur
lækna og lög L.Í., og verða lagðar fram til
umræðu tillögur endurskoðunarnefndar.
Nánari upplýsingar verða sendar út síð-
ar í bréfi, til svæðafélaga og til einstakra
lækna.
Stjórnin.
HEIÐURSFÉLAGI
Á aðalfundi Félags yfirlækna, 3. febrúar
1977, var Óskar Þórðarson einróma kosinn
heiðursfélagi.
í bréfi stjórnarinnar til hans er m.a.
þannig komist að orði: „Þáttur þinn í stofn-
un og viðgangi félagsins, sívakandi áhugi á
starfsemi þess og störfum og stöðu yfir-
lækna í spítala'kerfinu eru augljós rök.“
DOKTORSV ÖRN
26. maí 1977 varði Lárus Helgason dokt-
orsritgerð við læknadeild Háskóla íslands.
Nefnist hún „Psychiatric Services and
Mental Illness in Iceland".
Ritgerðin fjallar um alla nýja sjúklinga
er leituðu til geðlækna á íslandi árin 1966
og 1967.
Ritgerðin hefir verið gefin út sem fylgi-
rit Acta Psychiatrica Scandinavica.