Dagblaðið Vísir - DV - 03.04.2007, Blaðsíða 4

Styrkja kaup á
fíkniefnahundi
„Mikilvægt er að byrgja
brunninn áður en barnið dettur í
hann,“ segir Anna Jónsdóttir, for-
maður Kvenfélags Eyrarbakka.
Lögregluembættið á Selfossi
fékk nýverið ávísun frá Kvenfé-
lagi Eyrarbakka upp á eitt hundr-
að þúsund krónur. Upphæðin er
merkt kaupum á fíkniefnahundi
fyrir embættið. Að mati stjórn-
enda kvenfélagsins er mikilvægt
að hindra útbreiðslu fíkniefna til
barna sem endurspegli þá um-
hyggju félagskvenna fyrir hag og
heilsu barna.
„Ég er hrærður vegna þeirra
sterku viðbragða sem ég hef
fundið frá samfélaginu á Suður-
landi. Söfnunin er ævintýri sem
allt velviljað fólk gleðst yfir en
fíkniefnasalarnir óttast,“ segir
Ólafur Helgi Kjartansson, sýslu-
maður á Selfossi.
þriðjudagur 3. arríl 20074 Fréttir DV
InnlendarFréttIr
ritstjorn@dv.is
„Ég veit til að unnið sé með nem-
endalýðræði í öðrum skólum á eins
formlega hátt og hjá okkur. Haldið er
formlegt málþing nemenda þar sem
rætt er um sýn nemenda á skólastarf-
ið og þar hafa nemendur tækifæri og
vettvang til að setja fram rökstudd-
ar tillögur fyrir skólastjórn varðandi
skipulag skólastarfs,“ segir Sigurður
Arnar Sigurðsson, deildarstjóri ungl-
ingastigs Grundaskóla á Akranesi.
Nemendafélag Grundaskóla stóð
fyrir öðru málþingi sínu á skólavetr-
inum í síðustu viku. Þar komu saman
tuttugu og sex kjörnir fulltrúar nem-
enda í 7. – 10. bekk og ræddu málin.
Vikuna á undan höfðu allir nemend-
ur skólans tekið þátt í undirbúningi
málþingsins með umræðum í sínum
bekkjum. Niðurstöður þessara um-
ræðna voru síðan færðar inn á mál-
þingið af fulltrúum bekkjanna. Líf
Lárusdóttir, formaður Nemendafé-
lags Grundaskóla, er verulega ánægð
með málþingin. Hún segir margar
skemmtilegar hugmyndir hafa kom-
ið fram. „Krakkarnir komu vel und-
irbúin inn á þingið og stóðu sig vel í
umræðunum. Ég er mjög ánægð með
hvernig til tókst. Nú er bara að fylgja
tillögum og ályktunum þingsins eft-
ir og koma þeim í framkvæmd. Það
er ekki til neins að halda málþing ef
menn ætla ekki að hlusta á tillögurn-
ar,“ segir Líf.
Guðbjartur Hannesson, skóla-
stjóri Grundaskóla, er ánægður með
framtakið og telur það aðeins verða
til þess að bæta skólastarfið. „Það var
sérstaklega gaman að hlusta á hug-
myndir nemenda og tillögur á mál-
þinginu. Ég hef oft bent á að við nýt-
um okkur ekki nógu vel sjónarmið
nemenda, hlustum ekki alltaf nógu
vel á hvað þeir hafa fram að færa
og tökum leiðsögn frá þeim í skóla-
starfinu. Með enn auknum áhrifum
nemenda getum við náð enn betri
árangri í skólastarfinu,“ segir Guð-
bjartur. trausti@dv.is
Nemendur í Grundaskóla taka virkan þátt í skólastarfinu:
Nemendalýðræði á Akranesi
Taka virkan þátt unglingar í grundaskóla á akranesi halda málþing þar sem þeir fá
tækifæri til að setja mark sitt á skólastarfið. um er að ræða virkt nemendalýðræði og
segir skólastjóri grundaskóla það til þess fallið að bæta starfið.
Íhuga stofnun
Breiðavíkursamtaka
Fyrirhugað er að stofna
samtök fyrir þá sem voru vist-
aðir á heimilum í æsku en um
er að ræða Breiðavík, Kumb-
aravogur og fleiri heimili.
Búið er að koma á fót stjórn
en ekki er búið að stofna
samtökin opinberlega. Það
verður að öllum líkindum gert
eftir páskana en fólkið hittist
reglulega í Laugarneskirkju.
Annars verður heimildar-
mynd um Breiðavík frumsýnd
á Hvítasunnu á Patreksfirði.
Geir skipar
Breiðavíkurnefnd
Geir H. Haarde skipaði í
gær nefnd sem kanna á starf-
semi vist- og meðferðarheim-
ila fyrir börn. Ákvörðun um
að skipa nefndina var tekin
eftir að málefni Breiðavíkur og
fleiri vistheimila komust í há-
mæli fyrr á árinu, einkum fyrir
illa meðferð sem mörg börn
máttu þola.
Róbert R. Spanó, prófessor
í lögfræði við Háskóla Íslands,
er formaður nefndarinnar.
Með honum í nefndinni eru
Sigrún Júlíusdóttir, prófess-
or í félagsráðgjöf, Jón Friðrik
Sigurðsson, yfirsálfræðingur
á Landspítalanum og Ragn-
hildur Bjarnadóttir, dósent í
sálfræði við Kennaraháskóla
Íslands. Nefndinni er í fyrstu
ætlað að kanna starfsemi
Breiðavíkur.
„Leikvöllur barnanna er eitt af fáum
grænum svæðum sem eru eftir,“ segir
Hildur Björg Hafstein, formaður for-
eldrafélags Langholtsskóla. Reykja-
víkurborg íhugar að byggja tvö sam-
býli fyrir geðfatlaða á grænum reit í
austanverðum Laugardalnum, við
Holtaveg. Svæðið er eitt af fáum
grænum svæðum sem eru ekki inn-
an girðingar íþróttafélaga í Laugar-
dalnum. Samkvæmt Hildi hefur borg-
in þegar skilgreint svæðið sem eitt
mikilvægasta græna útivistarsvæðið í
borginni. Þess vegna furðar hún sig á
því að borgaryfirvöld íhugi að byggja
þar nú.
Hugsanlegt deiliskipulag ligg-
ur fyrir hjá Reykjavíkurborg um að
byggja sambýli fyrir geðfatlaða á
grænum reit í austanverðum Laug-
ardalnum við Holtaveg. Sambýlin
myndu verða tvö og vera um 450 fer-
metrar hvort. Formanni foreldrafé-
lags Langholtsskóla Hildi Björgu Haf-
stein þykir þetta ótækt enda svæðið
nýtt fyrir íþróttaiðkun og fleira hjá
skólanum. Hægt er að gera athuga-
semdir við deiliskipulagið til 13. apríl
en óvíst er hvernig framhaldinu verði
háttað. Að sögn Hildar hefur borgin
sjálf skilgreint svæðið sem eitt mikil-
vægasta útivistarsvæði borgarinnar í
aðalskipulagi.
Kofaborg og markaður
„Svæðið er mikið notað og má þar
nefna að kofaborgir eru reistar þar á
sumrin, útimarkaður er starfræktur
þar auk þess sem börnin í hverfinu
nýta það undir leiki,“ segir Hildur um
hinn mikla missi ef ákveðið verður að
leggja svæðið undir byggð. Hún seg-
ir svæðið vera eitt af örfáum í hverf-
inu sem ekki er búið að leggja undir
íþróttafélög og annað eins. Í raun eru
afar fá svæði eftir sem ekki eru afgirt
að sögn Hildar. Hún telur það mikla
synd ef þetta svæði verður einnig lagt
undir byggð því þá má spyrja hvar
borgin myndi herja næst. Hún óttast
að ekkert verði eftir að lokum.
Krefst sambýlis fyrir geðfatlaða
Ljóst er að mikil þörf er á sambýl-
um fyrir geðfatlaða. Fyrirhuguð sam-
býli myndu vera fyrir þá sem þurfa á
sólarhrings umönnun að halda. Því er
um allnokkra bót að ræða.
„Sem íbúi í Reykjavík þá krefst ég
þess að borgin byggi sambýlin, en
ekki á eina græna svæðinu í hverfinu,“
segir Hildur, sem er mikið í mun að
borgin hlúi að geðfötluðum og þeim
sem minna mega sín. Hún segir sam-
býli sem þessi vissulega tímabær en
menn verða að velja staðinn kost-
gæfilega og með þeim orðum vill hún
alls ekki meina að sambýlið sem slíkt
sé ekki velkomið í hverfið.
130 manna fundur
Á fimmtudagskvöld var haldinn
130 manna fundur í hverfinu vegna
málsins. Fyrir hönd borgarinnar
mætti Hanna Birna Kristinsdóttir,
borgarfulltrúi Sjálfstæðisflokksins. Á
fundinum kom fram að Reykjavík-
urborg væri nýbúin að styrkja Lang-
holtsskóla um hálfa milljón króna.
Það fé átti að nýta fyrir verkefnið, úti-
kennsla í túnfætinum, sem á að stað-
setja á hinu græna svæði. Sjálfri finnst
Hildi þetta heldur undarlegt útspil hjá
borginni ætli hún sér að leggja svæðið
undir sambýli geðfatlaðra.
Borgaraleg óhlýðni
„Við erum ekki alveg búin að
ákveða hvað tekur núna við, að sjálf-
sögðu munum við gera athugasemd-
ir við skipulagið og kannski beita fyr-
ir okkur borgaralegri óhlýðni þótt það
sé allt óákveðið,“ segir Hildur, sem er
bjartsýn á að svæðið græna verði nýtt
áfram undir kofaborgir barnanna.
Skipulagið liggur fyrir hjá Reykja-
víkurborg og geta íbúar gert athuga-
semdir við það til 13. apríl. Einnig má
nálgast baráttumál og áherslur íbúa í
Laugardalnum á slóðinni laugardal-
ur.blog.is.
Ekki náðist í Hönnu Birnu þrátt
fyrir ítrekaðar tilraunir.
Umdeilt deiliskipulag liggur fyrir hjá Reykjavíkurborg þar sem fyrirhugað er að byggja
sambýli fyrir geðfatlaða á leiksvæði barna í Laugardalnum. Formaður foreldrafélags
Langholtsskóla Hildur Björg Hafstein segir það óásættanlegt að byggja á svæðinu enda
er það mikið nýtt af skólanum sem og börnum og fleirum í hverfinu.
Vilja leikSVæði
undir geðfatlaða
valur greTTisson
blaðamaður skrifar: valur@dv.is
„Svæðið er mikið notað og má þar nefna
að kofaborgir eru reistar þar á sumrin,
útimarkaður er starfræktur þar auk þess
sem börnin í hverfinu nýta það undir leiki.“
Deiluefnið Hildur Björg Hafstein formaður
foreldrafélags langholtsskóla vill ekki sambýli fyrir
geðfatlaða á eina græna reitinn í hverfinu.