Dagblaðið Vísir - DV - 03.04.2007, Blaðsíða 14

neytendur
þriðjudagur 3. apríl 200714 Neytendur DV
Ný lakkríspáska-
egg frá góu
Við erum með ný lakkrísegg.
Þetta eru súkkulaðiegg með
lakkrísbitum í sem sjást inní
súkkulaðinu,“ segir Helgi Vil-
hjálmsson hjá Góu-Lindu.
Helgi segir að þessi egg séu
nýlunda hjá fyritækinu og hafi
salan gengið vel. Lakkrís og
súkkulaði er blanda sem hefur
áður slegið í gegn á Íslandi. „Ís-
lendingar eru bara svo miklir
sælkerar að þeir vilji súkkulaði
frekar en gulrót, og svo passar
súkkulaði og lakkrís einstaklega
vel saman,“ segir Helgi. Lakkrí-
segginn bjóðast í fimm stærðum.
Stöð 2 hækkar áskriftarverð
„Fullt verð á stakri áskrift að Stöð 2 hefur hækkað um 5,2%
eða um 270 krónur. annars hafa engar breytingar átt sér
stað á grunnverði annarra áskriftarstöðva 365 miðla,“ segir
pálmi guðmundsson sjónvarpsstjóri Stöðvar 2. í kjölfarið
hefur verið tekið upp nýtt afsláttarkerfi fyrirtækisins þar
sem veittur er afsláttur frá grunnverði ef fleiri stöðvar eru
keyptar. Verð á stakri áskrift Stöðvar 2 er nú 5.390 krónur.
egg úr sjaldgæf-
um kakóbauNum
„Við erum að búa til egg úr
sjaldgæfustu kakóbaunum í
heimi,“ segir Ásgeir Sandholt,
kondítor Sandholts bakarís.
Baunateg-
undin heitir
Griolo og telur
einungis um
þrjú prósent
heimsfram-
leiðslunnar.
Eggin fást í
tveimur stærð-
um og er sú
minni sem stendur uppseld í
bakaríinu. Baunin er endurrekj-
anleg á akurinn og hafa súkk-
ulaðiframleiðendur keypt upp
akrana og séð til þess að ekki séu
börn notuð við ræktunina auk
þess sem gæðaeftirlit hefur verið
eflt. „Kíló af venjulegu súkkulaði
kostar rúmar 300 krónur en ég er
að borga um 2.000 krónur fyrir
kílóið,“ segir Ásgeir sem bendir
á að innan súkkulaðiheimsins er
talað um Griolo-baunirnar eins
og gæðavín meðal vínunnenda.
Fjöldi húsbíla hefur aukist gríðarlega hér á landi síðustu árin. Algengast er að hús-
bíllinn sé annar eða þriðji bíll heimilisins. Iðgjöld eru lág því gert er ráð fyrir að
bíllinn sé einungis í notkun í fjóra til fimm mánuði á ári.
kaNNar verð í
mötuNeytum
Neytendastofa hefur sent bréf
til sveitarstjórna með beiðni um
að stofnuninni verði sendar upp-
lýsingar um hvert sé hlutfall ann-
ars kostnaðar en hráefniskostn-
aðar í gjaldtöku fyrir seldan mat í
grunnskólum landsins.
Fyrirspurnin kemur í kjölfar
fjölda ábendinga um verðhækk-
anir eftir lækkun virðisaukaskatts
á matvæli. Við nánari athugun
hjá Neytendastofu hefur komið í
ljós að framangreind þjónusta er
rekin beint af grunnskólunum,
ýmist að öllu leyti eða að hluta
og vill stofan að sveitarstjórnirn-
ar skýri verðmyndunina ekki síð-
ar en 1. maí næstkomandi.
Tryggingar á húsbýla geta kost-
að á bilinu 66 til 83 þúsund krónum
samkvæmt svörum fulltrúa þriggja
tryggingarfélaga í gær. Þá er miðað
við að fleiri bílar séu á heimilinu og
húsbíllinn aðeins notaður hluta úr
ári. Þannig verður tryggingin ódýr-
ari en ella væri.
„Kaup á húsbílum hafa auk-
ist jafnt og þétt síðan 2001, þeg-
ar fyrstu umboðin opnuðu,“ segir
Þrúðmar Karlsson framkvæmda-
stjóri Ferðavals í Lundi við Vestur-
landsveg. Þrúðmar segir að þróun-
in hér á landi sem mjög svipuð og
í Evrópu, en auk þess hafa bættar
samgöngur og veðurfar hér á landi
haft mikil áhrif. „Í dag er krafa um
að bílarnir séu lágþekjur og rúmin
niðri svo kúnninn geti lagt sig fyrir-
varalaust.
„Markhópurinn okkar er 45
ára og eldri en fer lækkandi,“ segir
Þrúðmar og bendir á að fólkið sem
kaupi nýju bílana sé eldra og efn-
aðra sem svo aftur selji bílinn not-
aðann til yngra fólks. Í lok mars
2007 voru skráðir tæplega 2.100
húsbílar á landinu. Kjarninn í flota
landsmanna hefur að sögn Þrúð-
mars verið fluttur inn til landsins
síðustu fjögur eða fimm árin.
Sérstakar húsbílatryggingar
í áratug
Sérstakar húsbílatryggingar hafa
staðið til boða í meira en áratug hjá
sumum tryggingafélaganna. Fyrir
um tuttugu árum voru fyrstu hús-
bílarnir flutti inn af einstaklingum.
Ástrós Guðmundsdóttir, sérfræð-
ingur í ökutækjatryggingum hjá
VÍS, segir að algjör bylting hafi orð-
ið í kaupum á húsbílum síðastliðin
tvö ár. „Fyrst komu tjaldvagnarnir,
svo fellihýsin en nú eru það hús-
bílarnir sem eru hvað vinsælastir,“
segir Ástrós. Hún benti einnig á að
hún hefði heyrt að mikil aukning
meðlima hafi átt sér stað í húsbíla-
félögunum.
Algengast er að tryggingafyr-
irtækin geri ráð fyrir að húsbíll
sé ekki aðalbíll fjölskyldunnar og
því er iðgjald hans lægra. Í raun
er einnig gert ráð fyrir að bifreiðin
sé einungis notuð í fjóra eða fimm
mánuði á ári. Ef aftur á móti húsbíll
er skráður sem eini fjölskyldubíll-
inn er greitt af honum iðgjald eins
og af öðrum bílum sömu stærðar.
Allur gangur er á hversu dýrir bílar
eru og þess eru dæmi að ódýrir bíl-
ar séu ekki kaskótryggðir.
Tilboð tryggingafélaganna
„Ef einungis er greitt fyrir
ábyrgðartryggingu og kaskó húsbíls
er venjulegt iðgjald hjá Trygginga-
miðstöðinni um 83 þúsund krón-
ur á ári,“ segir Erna Kristjánsdóttir
vörustjóri einstaklingstrygginga hjá
TM. Ef eigandinn er með TM öryggi
lækkar iðgjaldið niður í um 38 þús-
und krónur á ári. Ef aftur á móti eig-
andi er ekki með sínar trygginar hjá
TM fer iðgjaldið upp í 120 þúsund
krónur á ári án allra afslátta. „Flest-
ir sem eru að taka þessar trygging-
ar eru með annan bíl í tryggingu
hjá fyrirtækinu,“ segir Erna. Því má
sjá að mikill afsláttur er í boði fyr-
ir húsbílaeigendur sem eru kúnnar
hjá fyrirtækinu.
Ástrós Guðmundsdóttir, sér-
fræðingur í ökutækjatryggingum
hjá VÍS, segir að húsbíll sé oftast
annar eða þriðji bíll fjölskyldu. Við
útreikninga á iðgjaldi er gert ráð
fyrir að bíllinn sé einungis notað-
ur yfir sumarmánuðina, eða fjóra til
fimm mánuði á ári. „Grunniðgjald
húsbíls að verðmæti sex milljóna
króna eru rúmar 30 þúsund krónur,
en ef kaskótrygging bætist við fer
gjaldið upp í um 66 þúsund krón-
ur,“ segir Ástrós og bendir á að VÍS
bjóði öllum kúnnum sínum sama
verð, hvort sem þeir eru með trygg-
ingapakka hjá fyrirtækinu eða ekki.
„Miðað er við að eigandi húsbíls
sé með einn bíl í tryggingu hjá okk-
ur til að fá húsbílatryggingu.“ segir
Ingvar Hjálmarsson sölu- og mark-
aðsstjóri einstaklingssviðs hjá Sjó-
vá. Ábyrgðartrygging húsbíls Sjó-
vá kostar tæpar 30 þúsund krónur á
ári, en kaskótrygging er um 42 þús-
und, eða um 72 þúsund krónur og
eru þau iðgjöld án afsláttar.
„Listinn verður birtur áfram en
ekki hefur verið tekin ákvörðun
um hvenær né hvort birtingu skuli
hætt,“ segir Jóhannes Gunnarsson
formaður Neytendasamtakanna.
Samtökin hafa birt á heima-
síðu sinni lista yfir þá birgja sem
bæði hafa hækkað og lækkað verð.
Listinn yfir hækkanir er langur og
telur 37 fyrirtæki en sá er nær yfir
lækkanir telur einungis þrjú fyrir-
tæki. Listinn var upphaflega birtur
í lok janúar þegar Neytendasam-
tökin bjuggust við verðhækkunum
fyrir virðisaukaskattslækkanirnar
sem tóku gildi 1. mars síðastliðinn.
Listinn er uppfærður þegar nýj-
ar upplýsingar um verðhækkanir
berast samtökunum. „Frá áramót-
um hefur krónan styrkst um fimm
prósent og við höfum viljað sjá
lækkanir í kjölfarið,“ segir Jóhann-
es og bendir á að tilgangur listans
sé að upplýsa almenning.
Mestu hækkanirnar eru hjá Bé
Bé sem selur hreinlætisvörur frá
Frigg, Mjöll og fleirum. Þar hafa
ýmsar vörur hækkað frá þremur
upp í tólf prósent. Góa-Linda hef-
ur hækkað verð á sælgæti frá sex til
tæplega ellefu prósenta. Auk þess
hefur Kólus lakkrísgerð hækkað
verð á sælgæti um rúm átta pró-
sent.
Einnig eru á listanum birt nöfn
fyrirtækja og vara þeirra sem hafa
lækkað. Ásbjörn Ólafsson, Innes
og Íslensk-Ameríska hafa lækkað
verð á fjölda vara á bilinu tvö til
þrjú prósent.
„Ég bið alla að hugsa sinn gang
áður en þeir demba inn verðhækk-
unum,“ segir Jóhannes ennfremur
að lokum.
Nokkur muNur á
verði tryggiNga
Einungis þrír birgjar hafa lækkað verð upp á síðkastið:
37 birgjar á tossalista Neytendasamtakanna
Jóhannes Gunnarsson. Við bætum við listann þegar upplýsingar um hækkanir og
lækkanir berast.
Húsbílar gömul uppfinning sem hefur slegið í gegn á íslandi.
blaðamaður skrifar: skorri@dv.is
Skorri GíSlaSon