Dagblaðið Vísir - DV - 17.04.2007, Blaðsíða 2

þriðjudagur 17. apríl 20072 Fréttir DV
Meirihluti Íslendinga vill herða reglur um innflytjendur. Helga Ólafs, upplýsingafull-
trúi Alþjóðahúss, og Eiríkur Bergmann Einarsson stjórnmálafræðingur telja að fræða
þurfi almenning um gildandi innflytjendalöggjöf. Guðjón A. Kristjánsson, formaður
Frjálslynda flokksins, telur niðurstöðuna stuðningsyfirlýsingu við flokk sinn.
StrangaSta löggjöfin

„Ísland er með ströngustu innflytj-
endalöggjöf í hinum vestræna heimi.
Það er bara þannig og ég er ekkert viss
um að almenningur viti það nógu vel.
Stjórnvöld hafa gjörsamlega brugðist
í upplýsingaskyldu sinni og hluti af
stjórnmálalífinu hefur haldið því fram
að innstreymi hingað væri óheft. Þær
blekkingar hafa líklega náð í gegn,“
segir Eiríkur Bergmann Einarsson
stjórnmálafræðingur.
Í lok síðasta árs voru skráðir yfir
þrjátíu þúsund innflytjendur hér á
landi. Fjöldi þeirra hefur tæplega
tvöfaldast frá aldamótunum. Nærri
helmingur fjöldans er áætlaður frá
þjóðum Austur-Evrópu. Þó nokkur
spenna hefur verið í kringum mál-
efni innflytjenda eftir að Frjálslyndi
flokkurinn ákvað að leggja áherslu á
þau í kosningabaráttunni og hlaut
nokkra gagnrýni fyrir. Samkvæmt
nýlegri skoðanakönnun Gallups vill
meirihluti landsmanna herða reglur
um heimildir útlendinga til að setj-
ast að hér á landi. Nánast enginn
munur var í afstöðu kynjanna.
Upplýsinga er þörf
Helga Ólafs, upplýsingafulltrúi
Alþjóðahúss, tekur undir og hefur
áhyggjur af því að almenningur sé
ekki nægjanlega upplýstur í umræð-
unni um innflytjendamál. Hún bend-
ir á að í raun sé enn skortur á fólki á
íslenskum vinnumarkaði. „Það er
greinilegt að fólkið í landinu er ekki
nægilega upplýst um hve reglurnar
eru harðar. Það má ekki gleyma því að
það þurfa allir að sýna fram á fram-
færslu til að fá dvalarleyfi og hér er
enn skortur á fólki. Í raun er ekki hægt
að herða reglurnar nema að segja
upp EES-samningnum,“ segir Helga.
„Lagabókstafurinn um útlendinga-
mál er flókinn og því spurning hverju
það skilar að spyrja einfaldra spurn-
inga um flókin mál. Útlendingastofn-
un sér um að framfylgja útlendinga-
lögunum en hlutverk Alþjóðahúss
er fyrst og fremst að fræða og upp-
lýsa þá innflytjendur sem eru hér á
landi, sem og að upplýsa Íslendinga.
Að því sögðu er greinilegt að það þarf
að upplýsa landann betur um stöðu
mála og þær reglugerðir sem eru í
gildi um innflytjendur.“
Skynsamlegar áherslur
Guðjón A. Kristjánsson, formað-
ur Frjálslynda flokksins, lítur á nið-
urstöðuna sem stuðningsyfirlýsingu
við málflutning flokksins. Hann tel-
ur eðlilegt að velta upp þeirri spurn-
ingu hvort Ísland ráði við þann
mikla fjölda innflytjanda sem hing-
að hefur verið að koma undanfarin
ár. „Ég blæs algjörlega á þessa for-
dómaumræðu sem skapast hefur
og gef ekki mikið út á það sem hef-
ur dregið hana inn á þá braut. Við
höfum verið að benda á það hversu
erfitt getur verið að höndla þennan
mikla fjölda innflytjenda sem hing-
að kemur og teljum mikilvægt að
horfast í augu við það. Þessar nið-
urstöður sýna að fólki finnst okkar
áherslur skynsamlegar,“ segir Guð-
jón. „Ég held að almenningur skynji
þessi mál mjög svipað því sem við
höfum verið að benda á. Það verð-
ur að tryggja að innflytjendur geti
sem best aðlagast samfélaginu og
að tryggt sé að þeir hljóti þau kjör
sem lögleg eru. Það er að sjalfsögðu
fínt að kynnast menningu annarra
þjóða en við verðum að passa að
hér skapist ekki samfélag andstæðra
hópa. Lærum af mistökum
Eiríkur segir brýnt verkefni fram-
undan að aðlaga samfélagið að
auknum fjölda innflytjenda. Hann
segir þessa þróun nýja af nálinni hér
á landi. „Þróunin hér á landi er ná-
kvæmlega eins og í öðrum Evrópu-
löndum, hún er bara að gerast miklu
seinna. Við erum því heppin að geta
lært af mistökum sem gerð voru
annars staðar. Gríðarlegar opinber-
ar framkvæmdir skýra hinn mikla
fjölda sem hingað hefur komið og sá
fjöldi hefur skapað þennan ótta við
innrás. Stór hluti þessa fólks mun
fara af landi brott að framkvæmd-
unum loknum og hluti þess verður
áfram,“ segir Eiríkur. „Verkefni okkar
snýr að því að taka á móti þeim sem
eftir verða og aðlaga þá að íslensku
samfélagi. Það er svo ekki síður mik-
ilvægt að aðlaga íslenskt samfélag að
þeim. Ég er ekki viss um að fólk vilji
taka á þessum málum með neikvæð-
um hætti og því sé fólk að svara án
þess að vita nógu vel hvernig málin
standa.“
TrAUSTi HAfSTEinSSon
blaðamaður skrifar: trausti@dv.is
„Það er greinilegt að
fólkið í landinu er ekki
nægilega upplýst um hve
reglurnar eru harðar.“
fólk á ferli Flestir landsmenn vilja að
reglur um innflytjendur verði hertar. þær
eru nú þegar þær ströngustu í hinum
vestræna heimi að sögn Eiríks Berg-
manns Einarssonar stjórnmálafræðings.
Dæmdur fyrir
skattsvik
Fyrrverandi framkvæmda-
stjóri tveggja fyrirtækja, var í
Héraðsdómi Reykjavíkur í dag,
dæmdur í sex mánaða fangelsi,
skilorðsbundið í tvö ár, fyrir brot
gegn lögum um virðisaukaskatt,
staðgreiðslu opinberra gjalda og
almennum hegningarlögum.
Brot mannsins eru talin stór-
felld, þar sem um verulegar fjár-
hæðir er að ræða en heildarvan-
skil mannsins á virðisaukaskatti
og afdreginni staðgreiðslu nema
rúmum fjórum milljónum króna.
Til viðbótar skilorðsbundnu refs-
ingunni var maðurinn dæmdur til
þess að greiða sekt upp á átta og
hálfa milljón króna í ríkissjóð inn-
an fjögurra vikna ella sæta fangelsi
í fjóra mánuði.
Yfirdrátturinn
eykst enn
„Vanskil sem slík eru ekki að
aukast hjá þeim sem leita til Ráð-
gjafarstofu en yfirdráttar- og kred-
itkortaskuldir hafa aukist og þær
skuldir bera svipaða vexti og lán í
vanskilum, eða um og yfir 20%. Því
erum við hér farin að líta á þessar
skuldir sem dulin vanskil,“ segir
Elna Sigrún Sigurðardóttir, hjá
Ráðgjafarstofu um fjármál heim-
ilanna.
Hún segir að nóg sé að gera hjá
Ráðgjafarstofu, bæði við almenna
ráðgjöf og svo hafa fræðsluverk-
efni aukist síðustu ár. „Unga fólkið
virðist lítið vita um fjármál. Hing-
að kemur alls konar fólk en þrátt
fyrir góða menntun margra þeirra
sem hingað leita, sýnist mér þörf á
átaki í fjármálafræðslu.“
lán í óláni
Guðmundur Guðlaugsson,
sveitastjóri í Skagafirði, var stadd-
ur í Osló borg í Noregi þegar at-
burðurinn áttu sér stað á Sauðár-
króki í fyrradag. Hann kallar það
mikið mildi að enginn skildi slas-
ast aurskriðunni. „Víst að svona fór
verð ég að telja það góðar fréttir
að ekki urðu slys á fólki. En mikið
starf hefur verið unnið frá því að
skriðan féll og mér skilst að það sé
bara einhver fínhreinsun eftir, alla-
veganna í bili“, sagði Guðmundur. fjöldi innbrota
Þrír piltar, fimmtán, sautján og
nítján ára gamlir, voru handteknir
aðfaranótt laugardags grunaðir
um innbrot í fyrirtæki í austur-
borginni.
Engu var stolið en svo virðist
sem styggð hafi komið á þjófana
þegar öryggiskerfi fyrirtækisins
fór í gang þegar þeir reyndu að
athafna sig innandyra svo þeir létu
sig hverfa. Þeir voru þó handteknir
skömmu síðar.
Brotist var inn í fimm fyrir-
tæki við sömu götu í Kópavogi um
helgina en mismiklu stolið. Þá var
tölvu og myndavél stolið úr kjall-
araíbúð í Breiðholti og í Háleitis-
hverfi var fjórum dekkjum stolið
úr geymslu. Þrjú innbrot í bíla
eru til rannsóknar en úr þeim var
stolið fartölvum og Ipod-spilara.
InnlendarFréttIr
ritstjorn@dv.is
Glæpagengi dæmt fyrir skotárás, líkamsárás og íkveikjutilraun:
Glæpagengi hundeltir húsráðanda
Guðni Guillermo Gorozpe var
í gær dæmdur í tveggja ára fang-
elsi fyrir skotáras á hús í Hafnarfirði
ásamt tilraun til íkvekju á sama húsi,
líkamsárás með kúbeini og fleiri
brot. Tveir aðrir menn voru dæmdir
fyrir aðild sína að óhæfuverkunum.
Annar hlaut fimmtán mánaða fang-
elsi, hinn níu mánaða.
Afbrotahrina félaganna hófst með
því að aðfararnótt miðvikudagsins
21. júní í fyrra braust Guðni inn í hús
við Bergþórugötu í Reykjavík og réðst
þar að húsráðanda með kúbeini.
Húsráðandinn kallaði til lögreglu og
var þá með skurð á höfði. Guðni og
húsráðandinn þekktust.
Að morgni sama dags skutu félag-
arnir tveimur skotum úr haglabyssu
að raðahúsi við Burknavelli í Hafn-
arfirði. Annað skotið fór inn um eld-
húsglugga og hinu var beint inn um
glugga á útidyrahurð. Högl úr byss-
unni fóru meðal annars í höfuð og
handlegg fyrrnefnds húsráðanda á
Bergþórugötu, en hann var nú stadd-
ur í Hafnarfirði. Ekki bar mönnunum
saman um það hver þeirra hleypti úr
byssunni.
Til verkanna notuðu glæpa-
mennirnir bifreið sem þeir höfðu
fengið til reynslu á bílasölu í Reykja-
vík. Bifreiðin var af Grand Cherokee
gerð og reynist vera einn þeirra bíla
sem Jón Gerald Sullenberger að-
stoðaði Jón Ásgeir Jóhannesson við
að flytja til landsins. Bíllinn rataði
í 37. ákærulið Baugsmálsins. Í stað
þess að skila bílnum að reynslu-
akstri loknum notuðu Guðni og fé-
lagar hann til erinda, víðs vegar um
borgina.
Guðni var einnig sakfelldur fyr-
ir að henda bensínsprengju inn um
glugga á áðurnefndu húsi við Burkn-
avelli. Dómurinn telur einsýnt að
Guðni hafi ætlað sér að kveikja í hús-
inu, en mildi var að ekki var nóg af
auðbrennanlegum efnum við glugg-
ann. Kviknaði í rimlagardínum og
pappaspjaldi, en eldurinn slokknaði
af sjálfu sér. Guðni var þá einn á ferð
og á öðrum stolnum bíl. Mennirn-
ir þrír voru einnig sakfelldir fyrir að
aka undir áhrifum alsælu og amfet-
amíns. sigtryggur@dv.is
Hafnarfjörður Á sama sólarhringnum réðist glæpagengi á mann með kúbeini,
reyndi að skjóta hann og að lokum kveikja í húsi þar sem hann dvaldist.