Dagblaðið Vísir - DV - 17.04.2007, Qupperneq 6

hafi unnið að málinu síðan í haust og
reynt að finna lausnir svo ekki þyrfti að
grípa til þessara ráðstafana. Halldóra
segir ljóst að töluverður munur sé
á þessum styrk og þeim greiðslum
sem fáist með óbreyttu fyrirkomulagi.
„Ég skil vel að þetta sé óþægilegt fyrir
konur sem búnar voru að gera ráð
fyrir þessu,“ segir Halldóra.
Halldóra segir að reynt hafi ver-
ið að skýra vanda FOS fyrir launa-
greiðendum en ekkert útlit sé fyrir að
meira fjármagn fáist.
Jafnréttislögin snerust í
höndunum á okkur
Kærunefnd jafnréttismála hefur
komist að þeirri niðurstöðu að
FOS hafi ítrekað brotið lög með því
fyrirkomulagi að aðeins konum sé
greitt til viðbótar fæðingarorlofi.
„Þannig að það bættist við slæma
fjárhagsstöðu að karlar í félaginu
gerðu athugasemdir við að þeir fengju
ekki líka þennan mismun greiddan.
Jafnréttislögin, sem upphaflega voru
sett til þess að rétta hlut kvenna, hafa
snúist í höndunum á okkur. Þetta var
það eina sem konur höfðu umfram
karla. Í lögunum er líka kveðið á
um að kynbundinn launamunur sé
ólöglegur en það er ekkert gert í því,“
segir Halldóra.
FOS á yfir höfði sér málshöfðun
vegna styrkveitinga úr sjóðnum þar
sem einn karlkyns félagi hefur ráðið
sér lögfræðing til að láta reyna á
jafnréttislögin fyrir dómstólum. „Við
ætlum ekki að brjóta jafnréttislögin
lengur og greiðum því til beggja kynja
með nýja fyrirkomulaginu.“
Óréttlátar lagabreytingar
Halldóra segir lagabreytingarnar
á fæðingarorlofinu almennt vera
óréttlátar. Mikið nær hefði verið að
miða greiðslur úr Fæðingarorlofssjóði
út frá síðustu fjórtán mánuðum
fyrir fæðingu barns, eins og var,
heldur en að miða við síðustu tvö
skattaár. Það komi illa út fyrir flesta á
barneignaraldri því það sé oft fólk sem
er að skríða upp launastigann auk þess
sem launaskrið hafi verið í landinu.
Þá fer fólk oft út í barneignir fljótlega
eftir að námi lýkur og það hafi veruleg
áhrif sé svo langur tími notaður til
útreikninga á fæðingarorlofi.
„Við vorum ein fárra sem líka
vorum á móti því að þak yrði sett á
greiðslur úr Fæðingarorlofssjóði því
ef það þykir siðferðislega rétt að borga
fólki mjög há laun hlýtur að vera rétt
að borga þeim hátt fæðingarorlof. Við
hugsum ekki út í hvað fólk hefur í laun
þegar það veikist,“ segir Halldóra. Hún
segir frekar að þeir sem hafi mjög há
laun hugsi hvort þeir þurfi jafn mikið
á greiðslum úr Fæðingarorlofssjóði að
halda og þeir sem lægri laun hafa.
þriðjudagur 17. apríl 20076 Fréttir DV
Skrifa vandann
á Stjórnvöld
Fjölskyldu- og styrktarsjóður BHM, BSRB
og KÍ hættir brátt að greiða mæðrum það
sem vantar upp á full laun í fæðingar-
orlofi. Ástæðan er lagabreyting Alþingis
um fæðingarorlof og kröfur feðra til að fá
sömu greiðslur. Sjóðurinn hefur ítrekað
brotið gegn jafnréttislögum. Formaður
BHM undrast að sett sé út á þetta á meðan
ekkert sé gert í kynbundnum launamuni
sem sé líka brot á jafnréttislögum.
„Við höfum horft fram á það
síðan í haust að Fjölskyldu- og
styrktarsjóðurinn er að borga meira
út en kemur inn í hann vegna
breytinga á lögum um fæðingarorlof.
Viðmiðunartíminn var lengdur og
farið var að miða við tvö síðustu
skattaár,“ segir Halldóra Friðjónsdóttir,
formaður Bandalags háskólamanna,
um ástæður þess að FOS, Fjölskyldu-
og styrktarsjóður BHM, BSRB og
KÍ, hafi ákveðið að hætta að greiða
mæðrum það sem upp á vantar til
að fæðingarorlof samræmist fullum
launum þeirra.
Í janúarbyrjun árið 2005 tóku
lagabreytingar um fæðingarorlof
gildi og farið var að reikna orlofið
út frá áttatíu prósentum af launum
síðustu tveggja almannaksára fyrir
fæðingu barns. Þannig fá foreldrar
barna fæddra í janúar nýjustu laun
sín metin inn í greiðslurnar en ekki
foreldrar sem eignast barn seinna á
árinu. Með þessu lækkuðu greiðslur
Fæðingarorlofssjóðs til foreldra og
til að konur, sem aðild eiga að FOS,
fengju greiðslur sem samsvara fullum
launum í fæðingarorlofi þurfti FOS því
að brúa stærra bil en áður. Sjóðurinn
hefur greitt mismun á greiðslum
til mæðra reiknaðan út frá launum
síðustu sex mánaða fyrir fæðingu
og fyrstu þrjá mánuðina er greitt að
fullu, svo heildargreiðslur samræmist
bæði dag- og yfirvinnu, en seinni
þrjá mánuðina er aðeins miðað við
dagvinnu.
„Stjórnvöld fóru að spara og
tóku ekki tillit til okkar. Alþingi ber
ábyrgð á þessum breytingum og við
vorum tilneydd til þess að breyta
fyrirkomulaginu hjá okkur,“ segir
Halldóra.
Fjárhagsstaða sjóðsins leyfði
ekki lengri fyrirvara
Frá og með 1. júní munu
nýbakaðar mæður í BHM, BSRB og
KÍ ekki fá greitt það sem vantar upp
á full laun í fæðingarorlofi heldur
verða bæði konum og körlum í
félaginu greiddar 170 þúsund krónur
í styrk við fæðingu barns. Þetta var
tilkynnt 1. mars og er fyrirvarinn því
þrír mánuðir. „Auðvitað hefðum
við viljað hafa fyrirvarann lengri en
fjárhagsstaða sjóðsins leyfði það ekki
og við gátum ekki tekið tillit til þeirra
sem þegar voru barnshafandi þegar
breytingarnar voru ákveðnar,“ segir
Halldóra. Hún bendir á að stjórn FOS
HJördís rut sigurJÓnsdÓttir
blaðamaður skrifar: hrs@dv.is
„Stjórnvöld fóru að
spara og tóku ekki tillit
til okkar. Alþingi ber
ábyrgð á þessum breyt-
ingum og við vorum til-
neydd til þess að breyta
fyrirkomulaginu hjá
okkur,“ segir Halldóra.
Barnshafandi Bráðlega fá bæði karla og konur í BSrB, BHM og Kí greiddan styrk við
fæðingu í stað þess að mæður fengu viðbótargreiðslur ofan á fæðingarorlof.
Halldóra Friðjónsdóttir, formaður
BHM Hún segir sett út á að greiðslur úr
Fjölskyldu- og styrktarsjóðnum séu bara
til kvenna en ekkert sé gert í kynbundn-
um launamuni.