Fréttatíminn - 30.12.2010, Síða 58

58 dægurmál Helgin 30. desember 2010-2. janúar 2011
MIDI.IS MIÐASALA 527 2102
Miðasalan er opin
virka daga frá kl. 13-15
Sími: 527 2100
www.tjarnarbio.is Tjarnargötu 12 - 101 Reykjavík
Gjafabréf
á viðburði í Tjarnarbíói
1000 kr.
2000 kr.
3000 kr.
JANÚAR 2011
Mojito
Súldarsker
Sirkus Sóley
Ferlegheit
SÍÐUSTU
SÝNINGAR
TÓNLEIKAR
FRUM-
SÝNING 14. JAN.
16
20
Fæst á tjarnarbio.is,
midi.is og í miðasölu
Tjarnarbíós
Tilvalið í jólapakkann
16 21 23
7 15 22 29
F ærum við í leikhús til þess að læra fengjum við öfluga kennslustund á Stóra sviði Þjóð­leikhússins. Harmleikur Shakespeares um
Lé konung er eitt magnaðasta verk heimsbók­
menntanna – saga af falli, mergjuð
valdastúdía og áminning um að
maðurinn er alltaf eins. Ekki þarf
að fjölyrða um erindi eða boðskap
þessa verks á okkar tímum; hafi
einhverju sinni verið þörf á að rifja
upp söguna af Lé þá er það líklega
núna.
Leikstjórinn Benedict Andrews hefur sterka sýn
og miðlar henni í forvitnilegri uppsetningu þar sem
áherslan er á bæði harminn og húmorinn. Shake­
speare var jú annálaður húmoristi en það fara fáir
að sjá leikritið um Lé konung til þess að skella
upp úr. Ný þýðing Þórarins Eldjárns hjálpar hins
vegar áhorfendum og lesendum dagsins í dag að
skynja og skilja tvíræðni og gamansemi skáldsins.
Orðfærið allt er afar skýrt og magnað, síst upp­
hafið eða tyrfið svo enginn skyldi óttast að ná ekki
merkingunni.
Andrews berstrípar verkið í ákveðnum skilningi
og segja má að niðurstaðan sé dálítið „þýsk“ sýn­
ing, bæði nútímaleg og tryllt. Það fer lítið fyrir flúri
og slaufum, leikmynd Barkar Jónssonar er næsta
geggjuð, blöðrur og tveir kassar sem þó þjóna sínu
til fulls, lýsing Halldórs Arnar Óskarssonar var
últratöff eins og unglingarnir segja og búningar
Helgu I. Stefánsdóttur flottir og þénanlegir. Tónlist
Hildar Ingveldardóttur Guðnadóttur er síðan kapí­
tuli út af fyrir sig, algert ævintýri streymir úr þessu
óvenjulega hljóðfæri hennar.
Allt hverfist þó um aðalhetjuna, sjálfan Lé, og
það verður að segjast að það er hreint magnað að
sjá Arnar Jónsson landa þessum sturlaða risa leik­
bókmenntanna með slíkum brilljans. Arnar nálgast
sinn Lé af auðmýkt og reynslu og hefur allan skal­
ann á sínu valdi – frá ólgandi reiði til barnslegrar
einfeldni með langri viðdvöl í brjálæðinu. Hlutverk
dætranna þriggja, Góneril (Margrét Vilhjálmsdótt­
ir), Regan (Vigdís Hrefna Pálsdóttir) og Kordelíu
(Álfrún Helga Örnólfsdóttir) eru einnig bitastæð
og gaman að sjá hversu frábæra listamenn
við eigum í leikkvennastétt. Og Fífl
Ólafíu Hrannar Jónsdóttur verður lengi í
minnum haft, þótt ekki væri nema fyrir
trommuleikinn!
Af tignarmönnum öðrum vil ég helst
minnast á flotta frammistöðu Eggerts
Þorleifssonar í hlutverki jarlsins af
Glostri og son hans Játgeir (Tommi
klikk), leikinn af Atla Rafni Sigurð­
arssyni. Pálmi Gestsson virtist týndur
í hlutverki góðmennisins Kents, sem
virkaði full taugaveiklaður. Þeir félagar
Ólafur Egill og Stefán Hallur mættu
máske íhuga að taka stakkaskiptum
– það er líkt og þeir séu fastir
í sömu rullunum milli
leikára.
Það er fengur í
þessari sýningu.
Hún er í lengri
kantinum fyrir
órólega en að
sönnu upplifun
sem hægt er að
ræða, tengja
og minnast
langt fram á
nýja árið. Krist-
rún Heiða Hauks-
dóttir

Lér konungur
e. William Shakespeare
Þjóðleikhúsið
Leikstjóri: Benedict
Andrews
 Leikdómur Lér konungur
Óður leiðir blindan
... í lengri
kantinum fyrir
órólega en að
sönnu upplif-
un sem hægt
er að ræða ...
 útLönd Bestu pLötur ársins
Kanye West og Arcade Fire oftast á toppnum
t ónlistarspekingar erlendra fjölmiðla hafa undanfarnar vikur keppst við að birta
lista sína yfir bestu plötur ársins.
Þegar meðaltalið er tekið eru tvær
plötur mest áberandi: fimmta sóló­
plata Kanye West,
My Beautiful Dark
Twisted Fantasy, og
þriðja plata hljóm­
sveitarinnar Arcade
Fire, The Suburbs.
Rapparinn Kanye
West þykir ná glæsi­
legum hápunkti á
plötunni My Beautiful
Dark Twisted Fantasy og draga allt
það besta frá fyrri plötum sínum inn
í ómótstæðilega jöfnu. Sjaldan þykir
hin þunna lína á milli greindar og
bjánaskapar hafa verið fetuð af við­
líka jafnvægi – platan er
fífldjörf en gengur upp.
Textarnir eru djúprist­
andi, klámfengin nafla­
skoðun og ef lögin væru ekki svona
góð væri þetta algjört rusl! Plata
Kanye prýðir toppa fjölmargra árs­
lista, til að mynda hjá prentmiðlum
eins og Rolling Stone, Time og Spin,
og netmiðlum eins og Pitchfork, Ste-
reogum og AV Club.
Kanadíska rokkbandið Arcade
Fire var þegar búið að sanna sig fyr­
ir rokkáhugamönnum með fyrstu
plötunum sínum tveimur. Sveitin
heldur velli og vel það með nýju
plötunni, sem kom út í ágúst. Þetta
er hörkuflikki, sextán laga plata,
poppuð og aðgengileg, en um leið
„djúp“ og metnaðarfull. Platan er á
toppnum hjá Q tímaritinu enska og
einhvers staðar inni á topp 5 víðast
hvar annars staðar.
Meðal annarra platna sem poppa
upp ítrekað á árslistunum eru: This
is happening með James Murphy
og félögum í danspönkbandinu LCD
Soundsystem; High Violet, fimmta
plata bandaríska rokkbandsins The
National; platan Sir Lucious Left
Foot: The Son of Chico Dusty með
Big Boi, öðrum helmingi hiphop­
dúettsins OutKast; Teen Dream,
dreymandi popp frá bandaríska dú­
ettnum Beach House og fjórða plata
amerísku ambient­pönkaranna
í Deerhunter, Halcyon Digest. Það
er áberandi norður­amerískt yfir­
bragð á listunum
í ár. Gróskan og
framþróun rokks­
ins er greinilega
bundin við Amer­
íku í augnablik­
inu.
En gæði eru
eitt og vinsældir
annað. Engin
platnanna sem taldar
eru bestar sjást á listum yfir mest
seldu plötur ársins. Á þeim listum
er meira um fyrirbæri eins
og Susan Boyle og Justin
Bieber, en mest selda platan
er Monster­útgáfan af The Fame
með Lady Gaga. Dr. Gunni
Fimmtudagur 30. desember
Elektra Ensemble
Kjarvalsstaðir kl. 20
Áramótatónleikar. Flytjendur eru: Ástríður
Alda Sigurðardóttir, Emilía Rós Sigfúsdóttir,
Helga Björg Arnardóttir, Helga Þóra Björg-
vinsdóttir og Margrét Árnadóttir sellóleikari.
Aðgangur 1.500 kr.
Varsjárbandalagið
Café rósenberg kl. 22
Árið kvatt með virktum með Varsjárbandalag-
inu. Aðgangur 2.000 kr.
Laugardagur 1. janúar
Dikta, Blaz Roca og Cliff Clavin
nasa kl. 23.59
Seinustu tónleikar Diktu á Íslandi í einhvern
tíma. Blaz Roca flytur alla sína helstu „hittara“
þetta kvöld. Cliff Clavin er ein af efnilegustu
rokksveitum ársins 2010. Aðgangur 1.500 kr.
Á hljómgrunnur.is er að finna að-
gengilegt yfirlit yfir tónlistarviðburði
sem eru fram undan. Rokk, djass,
popp, klassík og allt þar á milli.