Læknablaðið - 15.11.1996, Page 7

LÆKNABLAÐIÐ 1996; 82
759
veröa að vita sín takmörk. Ekki er þó rétt undir
neinum kringumstæðum að hlífa sér við álagi
og erfiðleikum til þess að sleppa „billega“ sjálf-
ur. Ef skurðlæknirinn hefur eitthvað mikilvægt
að færa sjúklingi sínum, ber honum að láta þá
þjónustu í té skilyrðislaust þótt hann taki
áhættu um eigin heilsu og þrek.
Barnahjartaskurðlækningar eru oft á tíðum
áhættusamar og ganga nærri öllum sem við þær
fást, bæði á skurðstofu og utan hennar. En
hver sigur er sætur og skilningur okkar batnar
stöðugt á því hvernig betur megi lagfæra með-
fædda galla á unga aldri. Petta er gert í góðri
samvinnu við barnahjartalyflækna sem leggja
til nákvæma og mikilvæga sjúkdómsgreiningu
og meðferð ýmiskonar, til dæmis með aðstoð
hjartaþræðinga og ómsjár.
Okkur eykst stöðugt skilningur á því hvernig
forðast megi skerta starfsemi æðaþels (æða-
slökun) eftir súrefnisskort í hjartaskurðaðgerð
og aukið gegndreypi háræða eða leka út í milli-
frumurýmið; hvernig ráða megi við samspil
hvítra blóðkorna og æðaþels og starfstruflun
æða eftir súrefnisskort í eðlilegum líkamshita
eða við mikla líkamskælingu, sem svo oft er
notuð við hjartaskurðaðgerðir á börnum og
hvernig einstofna mótefni (monoclonal anti-
bodies) gætu hugsanlega hindrað þetta.
Hvernig bólguframkallandi þættir eins og
virkjuð hjástoð (activated complement) C5a,
platelet activating factor (PAF), tumor necrosis
factor (TNF), interleukin-1 (IL-1) og leukotrine
B4 losna og skemma ekki aðeins hjartað, held-
ur einnig heila, mænu og aðra vefi; hvernig
hvítar frumur geta tekið upp á því að losa
highly reactive oxygen free radicals og hvernig
megi forðast það eða verjast þessum hættulegu
efnum.
Barnahjartaskurðlækningar eru lækningar
þar sem saman fer allt það besta sem læknis-
fræðin hefur upp á að bjóða í dag og til næstu
framtíðar, hvort sem viðfangsefnin verða
börn, ungabörn, nýburar eða fóstur. Allt líf á
rétt á því að fá að njóta þess að verða frískir og
glaðir einstaklingar ef því verður við komið og
það eru forréttindi að fá að taka þátt í því að
svo megi verða.
Bjarni Torfason
hjartaskurðlæknir Landspítalanum