Dagblaðið Vísir - DV - 04.05.2007, Qupperneq 14

föstudagur 4. maí 200714 Fréttir DV
Mælingar Landbúnaðarstofnunar hafa
sýnt sýklalyf í íslenskum landbúnaðar-
afurðum síðustu ár. Sérfræðingar segja
það ekki geta verið gott, sama í hversu
litlum mæli, þar sem slíkt ógni einstakl-
ingum með ofnæmi fyrir sýklalyfjum og
geti jafnframt myndað óþol hjá öðrum.
Sýklalyf í kjötinu mælingar hafa
sýnt sýklalyf í afurðum íslensks
landbúnaðar og slíkt getur haft
alvarlegar afleiðingar.
SÝKLALYF Í KJÖTI OG MJÓLK
Sýklalyf hafa ítrekað mælst í ís-
lenskum landbúnaðarafurðum,
kjöti og mjólk, á undanförnum
árum.
Landbúnaðarstofnun sér um
mælingarnar og hefur ekki tekist
með óyggjandi hætti að útiloka
að sýklalyf finnist í afurðunum. Í
kjölfarið hefur verið hert á mæl-
ingum stofnunarinnar þar sem
hvert sýni er tvöfalt til að geta
sannreynt niðurstöður ef upp
kemur grunur um að sýklalyf sé
að finna. Sigurður Örn Hansson,
forstöðumaður Landbúnaðar-
stofnunar, staðfestir að sýklalyf
hafi mælst en hann telur ástandið
almennt gott. Hann segir tvöfalda
mælingu hafa verið tekna upp í
kjölfar þess að grunur um sýklalyf
í lambakjöti kom upp. „Það hafa
mælst tilvik þar sem sýklalyf hafa
reynst yfir leyfilegum mörkum.
Sá grunur hefur reglulega komið
upp en það hefur ekki almenni-
lega fengist staðfest. Það hefur
því hvorki tekist að slá það af eða
á með óyggjandi hætti hvort um
sýklalyf sé að ræða í kjötinu og því
ekki náðst að útiloka það,“ seg-
ir Sigurður Örn. „Almennt tel ég
ástandið hins vegar í lagi. Mæl-
ingar okkar fara algjörlega eftir
Evrópustöðlum.“
Sama hversu lítið er
Brynhildur Briem, lyfjafræð-
ingur og matvælafræðingur hjá
Umhverfisstofnun, bendir á al-
varlegar afleiðingar þess að
sýklalyf leynist í landbúnaðaraf-
urðum, sama í hversu litlu magni
það er. Hún segir næringargildi
þó ekki skerðast. „Þetta hefur
væntanlega engin áhrif á nær-
ingargildi afurðanna. Það er hins
vegar ekki æskilegt að að sýklalyf
leynist í matvælum og þar eiga
þau ekki að vera. Þegar við erum
að kaupa kjöt þá erum við ekki
að kaupa okkur sýklalyf. Neyt-
andinn á þann rétt að fá kjöt án
sýklalyfs,“ segir Brynhildur.
„Sama í hversu litlu magni
sýklalyfin eru þá er þetta mjög
óæskilegt fyrir þá sem hafa til
dæmis ofnæmi fyrir slíkum lyfj-
um. Einnig er vont fyrir líkamann
að fá sýklalyf reglulega í smáum
skömmtum því þá getur hann
myndað óþol,“ segir Brynhildur.
Við eigum einfaldlega rétt á því
að fá landbúnaðarafurðir án
sýklalyfja og í þeim á ekki að
mælast neitt. Sýklalyfin viljum
við taka þegar við verðum veik
og taka þau þá markvisst.“
Ekki nógu öruggt
Mímir Arnarsson, sérfræð-
ingur hjá Lyfjastofnun, segir
ákveðnar reglur gilda um hversu
langur tími megi líða eftir að dýr-
um hafa verið gefin lyf þar til af-
urðir af þeim eru nýttar. Hann
segir mikilvægt að farið sé eftir
þessum reglum til að tryggja ör-
yggi afurðanna.
„Hvort sem verið er að nýta
kjöt eða mjólk þarf að fara eftir
settum reglum. Það er ekki gott
ef sýklalyf finnast í kjötinu og
þannig á það ekki að vera. Það er
hlutverk yfirdýralæknis að fylgj-
ast vel með þessu,“ segir Mím-
ir. „Þetta á náttúrulega ekki að
mælast hér því sá tími sem þarf
að líða frá því að lyfið er gefið og
þar til afurðin er nýtt er vel þekkt-
ur. Miðað við að sýklalyf mælist
er útlit fyrir að menn séu ekki að
fara rétt með í notkun lyfja. Þeir
eiga að vita allt um notkunina
og eiga ekki að nýta afurð fyrr að
leyfilegum tíma lokn-
um. Samkvæmt þessu
er ekki nógu vel farið
eftir reglum og vinnslan
ekki nógu örugg.“
Getur ekki verið gott
Ragnar Wessman,
matreiðslumeistari og
kennari við matvælasvið
Menntaskólans í Kópa-
vogi, kannast við mælingar
þar sem sýklalyf hefur mælst
í kjöti hér á landi. Hann segir
það ekki geta verið gott fyr-
ir neytendur. „Ég hef heyrt af
þessu. Í Danmörku hafa þeir
lent í miklum vandræðum
þar sem er ótæpilegt magn
af sýklalyfjum hefur mælst
í kjötinu og fyrir vikið hef-
ur til dæmis salmonella orðið
ónæm fyrir lyfjunum. Sýkla-
lyf geta varla talist góð fyr-
ir venjulegt og heilbrigt fólk,“
segir Ragnar. „Smám sam-
an getur einstaklingurinn orð-
ið ónæmur fyrir sýklalyfjunum í
gegnum neyslu kjöts með lyfjum.
Það getur varla verið heilbrigt og
gott. Við þurfum að passa okk-
ur á þessu og megum ekki missa
tökin á þessu. Það segir sig sjálft
að sýklalyfin geta ekki verið góð
því líklegast er að þau berist í fólk
með þessum hætti. Það getur
bara ekki verið gott.“
„Við eigum einfaldlega
rétt á því að fá landbún-
aðarafurðir án sýklalyfja
því þau viljum við taka
þegar við verðum veik.“
TrauSTi hafSTEinSSon
blaðamaður skrifar: trausti@dv.is
Gætu myndað óþol sýklalyf
sem rata inn í líkamann í
smáum skömmtum geta orðið
til þess að óþol myndast hjá
neytandanum, segir Brynhildur
Briem lyfjafræðingur.