Dagblaðið Vísir - DV - 17.05.2007, Qupperneq 56

Í ár eru tíu ár liðin frá því að stórsöngvarinn
Jeff Buckley drukknaði, en hann dó langt fyrir ald-
ur fram. Árið 2002 tók Franz nokkur Gunnarsson
sig til, ásamt vel völdum tónlistarmönnum og hélt
sérstaka minningartónleika til heiðurs söngvaran-
um. Nú fimm árum síðar hefur hópurinn aftur tek-
ið saman þó með nokkrum mannabreytingum og
hyggst halda tónleika þann 29. maí, sem er dánar-
dægur söngvarans. Blaðamaður náði tali af Krist-
ófer Jenssyni, söngvara hljómsveitarinnar Lights
On The Highway og söngvara á Jeff Buckley-tón-
leikunum, og spurði hann út í Buckley og tónleik-
ana.
Missir fyrir tónlistarlífið
„Jeff Buckley var náttúrulega með svo ótrúlega
sérstakan og flottan stíl sem söngvari. Raddsviðið
hans var líka gríðarlega breitt auk þess sem hann
var mjög einlægur söngvari,“ segir Kristó sem heill-
aðist mikið af söngvaranum um leið og hann heyrði
fyrst í honum. „Það var mikill missir fyrir tónlistar-
heiminn að hann skyldi deyja svo ungur því hann
var ekki bara snillingur sem söngvari heldur var
hann mjög vanmetinn sem gítarleikari.“ Kristó seg-
ir Franz félaga sinn vera manninn sem kynnti hann
fyrir Buckley. „Þegar Grace-platan hans kom út var
Franz að vinna í Skífunni og fékk þannig diskinn
í hendurnar. Hann varð svo hrikalega hrifinn að
hann keypti nokkur eintök af diskinum sem hann
dreifði til vina og kunningja til að kynna Jeff Buck-
ley fyrir sem flestum,“ segir Kristó.
Orðnir viðurkenndir minningartónleikar
Einn helsti munurinn frá því að tónleikarn-
ir voru haldnir fyrst er áræðanlega sá að í dag eru
tónleikarnir orðnir að viðurkenndum Jeff Buck-
ley minningartónleikum. „Nú erum við farnir að
halda tónleikana í samstarfi við opinbera heima-
síðu söngvarans, jeffbuckley.com, og ekki nóg með
það heldur hefur mamma Buckleys lagt blessun
sína yfir tónleikana.“ Kristó segir Franz hafa kynnst
mömmunni á South by Southwest tónleikum fyr-
ir nokkrum árum. „Síðan hefur hann bara verið
í sambandi við hana en hún sér í dag um öll mál
tengd söngvaranum. Til stóð að bjóða henni á tón-
leikana en sökum þess að tónleikarnir eru haldn-
ir á dánardegi söngvarans eru minningartónleikar
um allan heim og erfitt fyrir hana að velja einn stað
frekar en annan.“
Einvala lið gestasöngvara
Kristó segir tónleikana sem haldnir voru í Þjóð-
leikhúskjallaranum fyrir fimm árum hafa heppnast
vonum framar. „Það var alveg troðið út úr dyrum
og það þurfti meira að segja að vísa fólki frá því það
var orðinn húsfyllir. Þetta voru einir eftirminnileg-
ustu tónleikar sem ég hef spilað á og stemningin
var gríðarlega góð.“ Í ár verða tónleikarnir haldnir í
Austurbæjarbíói og ásamt Kristó mun Sverrir Berg-
mann túlka Jeff Buckley. Auk þeirra mun einvala lið
gestasöngvara þenja raddböndin. „Það er hægt að
nálgast miða á midi.is en það fer að sjálfsögðu eft-
ir eftirspurninni hvort haldnir verði aukatónleikar
eða hvað. Það er allavega mjög gaman að taka þátt
í þessu,“ segir Kristó kátur að lokum. krista@dv.is
fimmtudagur 17. maí 200756 Helgarblað DV
TónlisT
Hljómsveitin Future Future boðar til
tilefnislausrar hljóm- og sjónveislu
í Galleríi Kling og Bang á laugardag
klukkan fjögur. Ekkert aldurstakmark
er inn í veisluna, sem verður eins og
nafnið gefur til kynna sambland af
veislu fyrir bæði augu og eyru.
Á meðan hljómsveitin mun leika
í forgrunni geta gestir augum bar-
ið stór myndlistarverk eftir Sigurð
Oddsson söngvara hljómsveitarinn-
ar. Verkin eru prent sem unnin voru
í hönnunarferlinu í kringum um-
slag plötunnar Insight, sem kom út
í fyrra.
Árni Hjörvar Árnason bassaleikari
segir gesti og gangandi í miðbæn-
um sem stinga munu inn nefjum á
laugardag geta átt von á því að upp-
lifa óvænta hluti. Sveitin leikur flók-
ið, framúrstefnulegt rokk og hefur
frumraun þeirra Insight, víðast feng-
ið góðar viðtökur.
„Við héldum aldrei eiginlega útgáfu-
tónleika þegar Insight kom út, svo
það er dálítið seint að fara að gera
það núna. Við vildum ekki kalla þetta
útgáfutónleika og því ákváðum við að
halda algjörlega tilefnislausa hljóm-
og sjónveislu í staðinn. Það verður
viss myndlistarsýningarfílingur yfir
þessum tónleikum.“
Hljómsveitn mun leika plötuna In-
sight í heild sinni á tónleikunum og
verður ókeypis inn í veisluna.
valgeir@dv.is
Vantaði
umboðsmann
að sögn Johnny marr, gítarleikara
hljómsveitarinnar the Smiths, hefði
hæglega verið hægt að koma í veg fyrir
að the Smiths hættu að spila saman.
Hljómsveitin hætti árið 1987 og hafa
meðlimir hennar eytt meirihluta
síðustu tuttugu ára í rifrildi við hver
annan. marr segir það eina sem hefði
þurft til að bjarga sveitinni vera að hafa
almennilegan umboðsmann. Hann
segir hæfari umboðsmann hefðu
getað hjálpað meðlimunum að sættast
eftir rifrildi og þannig væri hin ástsæla
sveit the Smiths enn að spila í dag.
Tónlistarakademía DV segir
Hlustaðu á þessa!
Back to Black með amy Winehouse
Volta með Björk
Sky Blue Sky með Wilco
realese the Stars með rufus Wainwright
god Save the Clientele með the Clientele
Exodus á
minnislykli
í ár eru þrjátíu ár liðin frá útgáfu
plötunnar Exodus eftir reggísnillinginn
Bob marley. í tilefni
þess hefur verið
ákveðið að
endurútgefa plötuna
á nýju formi,
semsagt á uSB-
minnislykli og micro
Sd-minniskorti. Platan er sú fyrsta sem
er gefin út á þennan hátt og mun hún
vera fáanleg frá og með 28. maí.
Einungis verða gefin út fjögur þúsund
eintök af minnislyklinum og tvö
þúsund eintök af minniskortinu og
koma þau til með að innihalda meðal
annars myndbönd og fleira aukaefni.
Sjötta platan?
miklar vangaveltur eru nú uppi um það
hvort hljómsveitin Weezer sé að vinna
að sjöttu plötunni. grunurinn vaknaði
þegar tónlistartímaritið rolling Stone
fékk ábendingu um það að ef prófað
væri að slá inn lénið albumsix.com
flytti það mann yfir á opinbera
heimasíðu sveitarinnar. Eftir útkomu
fimmtu plötu sveitarinnar, make
Believe settist söngvari sveitarinnar
rivers Cuomo á Háskólabekk og var
talið að ekki væri von á nýju efni á
næstunni. Hins vegar lak upptaka af
einstaklingsverkefni söngvarans á
netið svo aðdáendur fóru að vonast til
þess að hann væri hvergi hættur að
syngja þrátt fyrir að vera orðinn
námsmaður.
Algjört tilefnisleysi
Einvala lið tónlistarmanna ætlar að túlka lög Jeffs Buckley í Austurbæjarbíói þann 29.
maí. Þá eru tíu ár frá því söngvarinn ungi dó langt fyrir aldur fram.
Mamma Buckley
samþykk tónleikunum
Future Future Hljómsveitin boðar til hljóm- og sjónveislu í galleríi Kling og Bang á
laugardag klukkan fjögur.
Kristófer Jensson
túlkar lög Jeffs
Buckley.
Future Future boðar til veislu í Kling og Bang á laugardag: