Kjarninn - 03.10.2013, Síða 13

08/10 kjarninn Fimm ár Frá hruni
línur um það hvernig upplýsingagjöf til al-
mennings yrði hagað. Við fundum vel fyrir
þörfinni og henni var mætt með því að birta
jafnóðum allar upplýsingar sem áttu erindi
við almenning á vefnum island.is og með
því að stórefla borgaraþjónustu utanríkis-
ráðuneytisins. Þangað var fyrirspurnum
beint og þeim svarað eftir bestu getu. Þess
utan var mikill metnaður fyrir því að veita
fjölmiðlum, bæði innlendum og erlendum,
góðar upplýsingar og var það meðal annars
gert með blaðamannafundum í Iðnó og síðar
Ráðherrabústaðnum.
Var öruggur í framkomu
Forsætisráðherra kom þar fram af miklu
öryggi og gat vegna þekkingar sinnar á
efnahagsmálum og tungumálakunnáttu
rætt við fjölmiðlamenn frá öllum löndum,
marga á þeirra eigin tungu. Eftir einn blaða-
mannafundinn í Iðnó fór Geir til dæmis í
viðtöl á sex erlendum tungumálum. Sérstök
þjónustu miðstöð var opnuð fyrir erlenda
fjölmiðlamenn í Miðbæjarskólanum og
reynt að auðvelda þeim störf sín eftir
fremsta megni.
Þrátt fyrir alla þessa viðleitni held ég að
gera hefði mátt enn betur í upplýsingagjöf
því eftirspurnin var ómæld.
Ég skráði því miður ekki skipulega hjá
mér það sem ég upplifði haustið 2008 og
margt hefur orðið gleymskunni að bráð.
Álagið gleymist ekki
Álagið þessa daga og vikur gleymist þó ekki
eða andrúmsloftið sem þrungið var vitneskj-
unni um það hvað var undir og hversu miklu
skipti að vel tækist til. Einnig eru eftirminni-
legir sumir bjargvættirnir sem bönkuðu
upp á í forsætisráðuneytinu og vildu selja
þjónustu sína í ýmsum myndum – einhverjir
sjálfsagt af góðum hug. Nokkrir buðust til
að hafa milligöngu um fyrirgreiðslu og einn
sagðist meira að segja geta reddað láni frá
Hugo Chavez. Skyldi staðan vera önnur ef
maður hefði fylgt því eitthvað eftir?
Fimm ár frá hruni – Gréta Ingþórsdóttir
Smelltu til að horfa á ávarp
Geirs h. haarde í sjónvarpi
6. október 2008