Húsbyggingar og mannvirkjagerð 1945-1986 - 01.04.1988, Page 17

15
1) Fjós
2) Áburðargeymslur
3) Hlöður
4) Fjárhús
5) Verkfærageymslur
6) Hænsna- og svínahús
7) Grænmetisgeymslur
8) Loðdýrahús
Heimildirnar um framkvæmdir við útihús í sveitum eru eins og
áður skýrslur byggingarfulltrúa á hverjum stað um stærð þess
húsnæðis sem byggt er. En þetta á þó fyrst og fremst við um fjós og
fjárhús. Aðrar byggingarframkvæmdir, svo sem hlöður,
verkfærageymslur, áburðargeymslur o.fl., eru styrkhæfar, og safnar
Búnaðarfélagið skýrslum um þær. Þjóðhagsstofnun fékk síðan aðgang
að þeim skýrslum og áætlaði verðmæti framkvæmdanna á grundvelli
ýmissa upplýsinga um áætlað kostnaðarverð framkvæmda á hvern
rúmmetra. Nú fær Þjóðhagsstofnun þessar upplýsingar einnig frá
byggingarfulltrúum á hverjum stað.
Framangreind upptalning gefur til kynna þau gögn, sem ættu að
vera tiltæk, ef skýrslugjöfin hefur verið með þeim hætti, sem ætlast
var til. Þessum upplýsingum hefur verið safnað árlega frá öllum
byggingarfulltrúum á landinu.
Eins og ráða má af framanrituðu er höfuðáherslan lögð á
viðbótina á árinu, þ.e. fjármunamyndunina. Þær upplýsingar sem
berast eru hins vegar einungis um byggingarástand eða byggingarstig
fasteignar eins og það er um hver áramót. Þjóðhagsstofnun hefur
umreiknað þessi byggingarstig sem ákveðinn hundraðshluta af
fullgerðu húsnæði og með samanburði milli ára fengið tölur um
"framkvæmt á árinu" í rúmmetrum eins og þær birtast í töfluhluta
þessarar skýrslu, sbr. töflur 1.5 og 2.5. Við þann umreikning hefur í
aðalatriðum verið fylgt eftirfarandi aðferðum varðandi íbúðarhús og
önnur vönduð hús:
1) "Grunnur" telst 10% af fullgerðu
2) "Uppsteypt" telst 20% af fullgerðu
3) "Fokhelt" telst 40% af fullgerðu
4) "Tilbúið undir tréverk" telst 64% af fullgerðu
5) "Tilbúið undir málningu" telst 70% af fullgerðu
6) "Ófullgert en í notkun" telst 82% af fullgerðu
7) "Lokið" telst 100% af fullgerðu
Þegar um óvönduð hús og ódýr er að ræða er "fokhelt" eða
skemmra á veg komið eðlilega hærri hundraðshluti af fullgerðu.
Hér er vissulega um ágiskanir að ræða og að baki þeim liggja
engar nákvæmar athuganir. í sumum tilvikum hefur þó verið höfð
hliðsjón af byggingarvísitölunni og þeirri skiptingu