Húsbyggingar og mannvirkjagerð 1945-1986 - 01.04.1988, Page 21

19
2.3.3 Bygging fbúðarhúsa 1945-1959.
Upplýsingar um byggingu íbúðarhúsa á árunum 1945-1953 í
yfirlitum Framkvæmdabankans eru sagðar traustar hvað varðar
Reykjavík. Upplýsingar frá kaupstöðum eru taldar sæmilegar flest
árin. Sum árin eru upplýsingar um rúmmál þó sagðar af skornum
skammti og þá gripið til áætlunar með hliðsjón af yngri vitneskju.
Fullgerðar íbúðir í Reykjavík og kaupstöðum eru á þessum tíma
meira en tveir þriðju af fullgerðum íbúðum á landinu. Skekkjur eru
því varla mjög miklar þegar á heildina er litið.
Upplýsingum um fullgerðar íbúðir í kauptúnum er sagt
ábótavant, einkum á þetta við um hin smærri kauptún. Um
fullgerðar íbúðir I sveitum árin 1945-1947 var stuðst við
lánveitingaskýrslur Búnaðarbankans. Rúmmál fullgerðra íbúða í
sveitum var áætlað með hliðsjón af upplýsinum Fjárhagsráðs og
Innflutningsskrifstofunnar.
Samandregið yfirlit Framkvæmdabankans um fullgerðar íbúðir
árin 1945-1953 er birt í töflu 7.2 í töfluhluta.
2.3.4 Útihús f sveitum 1945-1953.
Samkvæmt yfirliti Framkvæmdabankans um fullgerðar byggingar
árin 1945-1953 virðist miklu minna byggt af útihúsum í sveit á þessu
tímabili en hin síðari ár, sem skýrslusöfnun
Innflutningsskrifstofunnar nær til. Verður að ætla að munurinn stafi
að nokkru af of lágri áætlun í yfirliti Framkvæmdabankans. í
inngangi að yfirlitinu segir m.a. um þetta efni:
"Rúmmetrafjöldi votheyshlaða og þurrheyshlaða, sem byggðar
voru árin 1945-1948 er fenginn úr búnaðarskýrslum Hagstofunnar. Á
sama hátt er rúmmetrafjöldi safnþróa, haughúsa og haugstæða
fenginn fyrir þessi ár.
Fjós, fjárhús og vélageymslur hafa aldrei verið styrkhæfar
byggingar og því erfitt að fá upplýsingar um byggingu þeirra fyrr á
árum eða áður en Innflutningsskrifstofan tók að safna slíkum
skýrslum. Rúmmetrafjöldi fjósa, sem byggð voru 1945-1948 var
áætlaður þannig, að gert var ráð fyrir að byggt væri yfir helming
nautgripafjölgunarinnar og reiknað með að hver gripur þurfi 18
rúmmetra."
Hér er sýnilega afar lágt áætlað og hætt við að aðrar áætlanir um
byggingu útihúsa hafi einnig verið lágar. Fyrir 30-40 árum voru
útihús í sveit miklum mun óvandaðri en síðar varð og meira að segja
töluvert af þeim úr torfi og grjóti. Endurnýjunarþörf þessara húsa
hlýtur því að hafa verið sérlega mikil á þessum árum. Með hliðsjón
af þessu hefði til dæmis verið eðlilegra að gera ráð fyrir byggingu
yfir tvöfalda nautgripafjölgunina ár hvert en helming hennar. Engar
slíkar leiðréttingar hafa þó verið gerðar hér fyrir þessi ár og eru
tölur Framkvæmdabankans birtar óbreyttar í töflu 1.1. Þar kemur
einnig fram rúmmál fullgerðra útihúsa ár hvert síðustu fjóra áratugi.