Húsbyggingar og mannvirkjagerð 1945-1986 - 01.04.1988, Page 23

21
3. TALNAEFNI SKÝRSLUNNAR
í þessum kafla verður annars vegar fjallað um skipulag
talnaefnisins og hins vegar um það hvað talnaefnið segir.
3.1 Skipulag talnaefnisins.
Eins og fram kemur í töfluhluta skýrslunnar skiptist talnaefnið í
meginatriðum í tvennt, þ.e. í íbúðarhúsnæði annars vegar og
atvinnuhúsnæði og opinberar byggingar hins vegar. Tölur um
íbúðarhúsnæði ná yfir tímabilið 1954-1986, en tölur um
atvinnuhúsnæði ná yfir nokkru skemmra tímabil eða frá 1960. í
grein 2.3 hér á undan er lýst tilraun til þess að raða saman eldra
talnaefni um íbúðar- og atvinnuhúsnæði, þannig að samfellt yfirlit
fáist um báðar raðirnar allt aftur til ársins 1945.
Flokkun efnisins eftir landshlutum er með þrennu móti. í fyrsta
lagi eru yfirlitstöflur, sem sýna skiptingu milli höfuðborgarsvæðisins
og landsbyggðarinnar (töflur 1.1 til 1.7). Með höfuðborgarsvæðinu er
átt við sveitarfélögin frá Hafnarfirði til og með Kjalarnesi og Kjós. í
öðru lagi er birt kjördæmaskipting (töflur 2.1-2.13), og í þriðja lagi
er skipting eftir sýslum, kaupstöðum og stærri kauptúnahreppum
innan kjördæma (töflur 3.1-3.3).
Sú flokkun sem hér hefur verið lýst og birt er í töflum 1.1 til
3.3 er byggð á skýrslusöfnun Þjóðhagsstofnunar, sem lýst var í grein
2.2.
í framhaldi af þessu er svo í fjórða hluta talnaefnisins (töflur
4.1-4.3) birtar tölur sem Þjóðhagsstofnun hefur unnið upp úr
gögnum Fasteignamats ríkisins, s.s. úr svonefndri Framlagningarskrá,
eða Heildarskrá Fasteignamatsins.
Sá meginmunur er á gögnum Fasteignamatsins og
Þjóðhagsstofnunar, að tölur Þjóðhagsstofnunar sýna viðbótina eða
framkvæmdina við byggingar og mannvirki á hverju ári, en tölur
Fasteignamatsins sýna aftur á móti stöðutölur, þ.e. stærðir og
matsverð eigna á skrá í lok hvers árs, eða raunar 1. desember hvert
ár. Að því gefnu að matsverð eigna sé sambærilegt hjá báðum aðilum
ætti mismunur tveggja samliggjandi árslokatalna Fasteignamatsins að
vera jafn reiknaðri viðbót Þjóðhagsstofnunar. Að þessu sinni verður
þó ekki lagt út í samanburð af þessu tagi. Tilgangurinn með
úrvinnslu úr tölum Fasteignamatsins er hér tvíþættur. Annars vegar
er ætlunin að fá yfirlit um matsverð og rúmmál fasteigna samkvæmt
skýrslum Fasteignamatsins og hins vegar er ætlunin að flokka
eignirnar á skrá Fasteignamatsins eftir atvinnugreinum og
rekstrarformi fyrirtækja, þ.e.a.s. í einstaklingsfyrirtæki, hlutafélög,
samvinnusamtök og svo framvegis. Öllum íbúðarhúsum er þó haldið
utan við þessa flokkun og þau talin til flokksins "utan
atvinnurekstrar". Hins vegar er útihúsum í sveitum sleppt í þessari
vinnslu þar sem endurstofnverð þeirra kemur ekki fram.