Húsbyggingar og mannvirkjagerð 1945-1986 - 01.04.1988, Page 40

38
sem menn geta nú ávaxtað fé sitt á annan hátt, en þetta dregur úr
þörf fyrir byggingarframkvæmdir. Og í þriðja lagi á sér stað snögg
breyting á skiptingu þjóðartekna milli atvinnulífs og heimila árið
1983, sem einnig skekkir sambandið, þar sem framkvæmdir við
byggingar fylgja meir ráðstöfunartekjum heimilanna
Á mynd 4.4 er sýnt hlaupandi þriggja ára meðaltalsbreyting í
fullgerðu atvinnuhúsnæði á svipaðan hátt og meðaltalsbreytingin í
íbúðarframkvæmdum á mynd 4.3. Af þessari mynd má sjá að
niðurstöður virðast vera svipaðar og að ofan, þó er eins árs tímatöfin
ekki eins greinileg. Eftir 1980 verður sambandið mun ógreinilegra.
(b) Lánamöguleikar.
Á mynd 4.5 eru dregnir upp tveir ferlar. Annar sýnir hlaupandi
þriggja ára meðaltalsbreytingu í raungildi útlána byggingarlánasjóða
og lífeyrirssjóða til íbúðarkaupa og íbúðaframkvæmda. Hinn ferilinn
sýnir hlaupandi þriggja ára meðaltalsbreytingu í
íbúðarframkvæmdum. Af myndinni má sjá að sveiflur í
byggingarframkvæmdum fylgja mjög vel sveiflum í útlánagetu
þessara sjóða. Þetta þýðir með öðrum orðum að útlánastarfsemi hins
opinbera og lífeyrissjóða hefur veruleg áhrif á
byggingarframkvæmdir í ibúðarhúsnæði. Þá skal haft í huga að
útlánastefna hins opinbera er líklega mjög í takt við árferðið, þ.e.a.s.
við það hvernig þjóðartekjur breytast. Athyglivert er að á tímabilinu
eftir 1980 er mun greinilegra samband milli breytinga á lánum og