Nýtt S.O.S. - 01.07.1960, Blaðsíða 8

höfðum þráspurt hann leysti hann loks frá skjóðunni, hann játaði, að
hann hefði skipun um að koma vítisvélinni um borð í Morro Castle!“
„Af hverju einmitt Morro Castle?"
„Ef til vill vegna þess, að skipið yðar er fallegasta og nýjasta skip
Bandaríkjanna. Kannski er ástæðan sú, að þér hafið lestað skipið með
yðar mönnum og þarineð framið verkfallsbrot. Það hefðuð þér ekki átt
að gera. Það hefði verið betra fyrir yður að skilja bílana\ og farþegana
eftir í Havanna."
„Jæja, ef þér geymið karlinn bak. við járnrimlana, þá ætti eiginlega
ekkert að geta skeð.“ Wilmott hló góðlátlega. „Eg er ekki vanur að taka
þessa dinti ykkar hérna mjög alvarlega."
„Þér gleymið bara einu atriði, herra Senor skipstjóri.“ Pei'eira leit
óttasleginn til gluggans, eins og einhver gæti staðið utan við hann og
hlustað á samtalið. „Þennan Cuzigno, eða hvað liann nú heitir karl-
fjandinn, höfum við raunar í varðhaldi. Að minnsta kosti þangað til
Morro Castle lætur úr höfn. En þér þekkið ekki inn á þessi mál, herra
skipstjóri. Þó einn sé gripinn, kemur bara annar í hans stað. Leyfið þér,
að ég sendi lögreglumenn um borð í skipið?“
„Eg treysti betur yfirmönnum skips míns en útsendurum yðar,“ svar-
aði skipstjórinn. „Kemur ekki til mála. Morro Castle er mjög fullkomið
skip. Ef þér óskið að vita það, herra lögregluforingi, þá höfum við sjálf-
virk tæki, sem láta vita um eldsvoða eða reyk, 73 slökkvitæki og 42
brunahana. Vatnsþéttum skilrúmum lokum við frá stjórnpallinum. Allar
hurðir skipsins eru opnaðar með rafmagni og lokað á sama liátt. Yfir-
byggingin er öll af stáli og getur ekki brunnið. Ef einhverjum þjónanna
dytti í hug, að kveikja sér í vindlingi í klefa sínum í óleyfi, þá tilkynnir
reykttækið það yfirmanni þeim, sem er á vakt í brúnni! Þér sjáið því,
að við þurfum ekki að óttast negrasprengjur yðar, jafnvel þótt eitthvað
kynni að vera satt í sögu yðar. Þessháttar árás mundi verða kæfð áður
en tíu mínútur væru liðnar, án þess að farþegarnir hefðu hugmynd um
hana.“
Kúbumaðurinn reis á fætur og tók innilega í hönd skipstjórans.
„Nú er mér rórra, herra skipstjóri, já, nú er ég fullkomlega rólegur.
Eg þakka yður fyrir upplýsingamar, herra skipstjóri. Eg hef gert skyldu
mína, ekkert nema skyldu mína. Um sólarlag munu verkfallsmenn hverfa
til heimkynna sinna. Eg mun halda uppi reglu með mínum mönnum.
8
N$tt S O S