Nýtt S.O.S. - 01.07.1960, Blaðsíða 38

bátana, ef við höldum þessum hraða. Ætlið þér að láta farþegana farast
í eldinum? Þér eruð erkiasni!“
„Bara áfram!“ sagði Warms með háðslegum svip. „Kannski hafa ein-
hverjir áhuga fyrir því seinna, að vita hvernig á því stóð, að yfirvélstjór-
inn er framá skipinu í stað þess að vera á sínum stað í vélarrómi og
framleiða gufu fyrir slökkvidælurnar."
Ekki varð úr frekari orðaskiptum milli yfirmannanna, því í þessari
andrá kom Alagna og dró Rogers með sér, sem var hálfmeðvitundarlaus.
„Eg verð ekki lengur með í þessum leik!“ hrópaði Abott. „Eg fer fyrir
borð!“
„Farið þér til fjandans!“ öskraði Warms. Svo gaf hann merki upp í
brúna: „Stöðva báðar vélar!“
Loksins!
Rétt í sama bili kom strandgæzluskipið „Tampa“ á vettvang.
„Kastlínu!" hrópaði skipstjórinn á Tampa.
Warms fór alveg fram á stefni, beygði sig yfir skjólborðið og hrópaði:
„Nemið staðar! Enga línu! Við látum ekki draga okkur til hafnar.
Við borgum ekkert. Við setjum farþegana í bátana og förum til New
York með eigin vélaafli.“
Hansen heyrði, hvað Warms ætlaðist fyrir.
„Það væri réttast að neyða Warms með vopnavaldi til þess að láta
stjórnina af hendi.“ Hann var mjög reiður.
Warms stóð í sömu sporum, rólegur á svip, hann sveið í augun af reyk
og liita, en skipanir hans voru skýrar og ákveðnar. Það virtist fastur á-
setningur hans að koma farþegunum í bátana og halda svo áfram. Han-
sen hafði gripið um skammbyssu sína, en svo féllust honum hendur.
„Hverskonar erkifífl er þetta!“ kallaði skipstjórinn á Tampa í hátlara.
„Við tilheyrum strandgæzlunni. Við drögum ykkur í höfn fyrir ekki
neitt! Skjótið línunni!"
En fyrsti stýTÍmaður hristi höfuðið og fór upp í brú.
Hásetarnir, sem höfðu undirbúið allt til þess að koma dráttartaug
milli skipanna, krossbölvuðu og tvístruðust í ýmsar áttir. Þeim var ó-
skiljanlegt, að sá maður, sem bar ábyrgð á lífi þeirra og farþeganna,
skyldi neita þverlega allri aðstoð.
Þeir snéru til bátanna til þess að hjálpa farþegunum, sem þrengdu sér
að til þess að komast í sfðustu björgunarbátana. Þeir voru sannir sjó-
Nýtt S O S