Árbók Læknafélags Íslands - 01.01.1935, Blaðsíða 19

19
aði sínu og gegna hverjum þeim, sem leitar þeirra í lækniserindum.
Aðkallandi sjúkravitjunum eru þeir skyldir til að gegna hvenær sem
eftir því er leitað, að nóttu sem degi (sbr. þó 4. gr.), nema þeir
séu hindraðir af öðrum embættisverkum, sem eru meira aðkallandi,
eða sjálfir sjúkir.
Ef annar læknir hefir sjúkling til meSferSar. Héraðslæknir
verður þó ekki skyldaður til að vitja sjúklings, sem annar læknir
hefir til meðferðar, nema eftir ósk þess læknis eða í brýnni nauð-
syn, ef ekki næst til læknis sjúklingsins.
3. gr. HéraSslækni er heimilt aS hafa ákveSna viStalstíma. Hér-
aðslækni er heimilt að auglýsa viðtalstíma, þó eigi styttri en 1%
klukkustund á hverjum degi, og eiga þá þeir, sem búsettir eru á
sama stað og héraðslæknirinn (í sama kaupstað eða kauptúni eða
í svipuðu nágrenni) ekki heimtingu á afgreiðslu hjá honum utan
þess tíma, nema í aðkallandi nauðsyn.
A helgidögum og almennum frídögum eiga aðkomumenn ekki
heldur heimtingu á afgreiðslu heima hjá héraðslækni utan hins aug-
lýsta viðtalstíma, nema í aðkallandi nauðsyn.
HéraSslæknum er heimilt aS auglýsa, aS um sjúkravitjun skuli
beSiS í tæka tíS. Á sama hátt er héraðslækni heimilt að auglýsa
að fyrir ákveðinn tíma dags, er eigi sé þó fyrr á degi en kl. 4 síð-
degis, skuli beðið um sjúkravitjanir í nágrennið. Nú æskja þeir, sem
auglýsingin nær til, síðar á degi læknisvitjunar, og eiga þeir þá ekki
heimtingu á henni fyrr en næsta dag, nema í aðkallandi nauðsyn.
4. gr. Þátttaka héraSslækna í læknaverSi. Þar sem fleiri
læknar en héraðslæknir eru búsettir, er héraðslækni heimilt að taka
þátt í samkomulagi um, að læknarnir skipti með sér að gegna sjúkra-
vitjunum á nóttum, á helgidögum og almennum frídögum, eftir
nánari reglum, er landlæknir staðfestir.
5. gr. Skylda héraðslæknis aS gegna utanhéraSssjúklingum.
Nú er héraðslæknis vitjað úr öðru læknishéraði en sínu til konu í
barnsnauð eða í annari mjög brýnni nauðsyn, fyrir þá sök, að hæg-
ara er að ná til hans en viðkomandi læknis, og hefir hann þá sömu
skyldur til að vitja sjúklingsins sem héraðsbúi hans ætti í hlut.
Nú vitjar sjúklingur, búsettur utanhéraðs, héraðslæknis á heim-
ili hans eða annarsstaðar, þar sem hann er staddur innanhéraðs, og
hefir hann þá sömu skyldur til að sinna honum sem héraðsbúi hans
ætti í hlut.
6. gr. Ef margir vitja héraSslæknis i senn. Ef tveir eða
fleiri vitja héraðslæknis í senn eða annað embættisstarf kallar að
á sama tíma, sem hans er vitjað, metur hann, að fengnum upplýs-
ingum, hver nauðsyn kallar að í hverju tilfelli, og gegnir jafnan
fyrst því erindinu, sem bráðastrar afgreiðslu þarfnast. Þó má hann