Árbók Læknafélags Íslands - 01.01.1935, Blaðsíða 22
22
Héraðslæknir, sem óskar að víkja frá héraði sínu í mánuð eða um
skemmri tíma til dvalar eða ferðalaga innanlands, leitar samþykkis
landlæknis. Brottfararleyfið veitist aðeins með því skilyrði, að hér-
aðslæknir sjái héraðinu fyrir viðunandi læknisþjónustu, að dómi
landlæknis, á meðan hann er f jarverandi.
Leyfi til fjarvistar héraðsslxknis lengur en mánuð og til utan-
farar. Héraðslæknir, sem óskar að víkja frá héraði sínu um lengri
tíma en mánuð eða til utanfarar, leitar samþykltis ráðherra. Slíkt
brottfararleyfi veitist aðeins með því skilyrði, að héraðslæknir sjái
héraðinu fyrir þjónustu læknis, er landlæknir tekur gildan á meðan
hann er fjarverandi.
18. gr. Réttur héraðslækna til leyfa. Héraðslæknar eiga
kröfu á allt að mánaðarleyfi frá héraðslæknisstörfum á hverju ári,
gegn því að þeir sjái héraðinu fyrir þjónustu læknis, er landlæknir
tekur gildan, á meðan þeir eru fjarverandi.
19. gr. Bann við launuðum aukastörfum héraðslækna. Hér-
aðslæknum er óheimilt nema með sérstöku leyfi ráðherra að takast
á hendur önnur föst, launuð störf en þau, sem við koma læknis-
starfi þeirra.
Bann við of víðtækum sjúkrahússtörfum héraðslæknis. Hér-
aðslæknir má veita forstöðu eða starfa við almennt sjúkrahús við
hæfi héraðs síns, en víðtækari sjúkrahússtörfum má hann ekki
gegna nema með sérstöku leyfi ráðherra.
20. gr. Skylda héraðslæknis að gegna nágrannahéraði. Hér-
aðslækni er skylt að taka við skipun um að annast þjónustu ná-
grannahéraðs gegn hálfum byrjunarlaunum þess héraðs.
21. gr. Skylda héraðslækna að gæta ráðdeildar fyrir hönd
ríkissjóðs. Héraðslæknum er skylt að gæta fyrir hönd ríkissjóðs
ýtrustu sparsemi og ráðdeildar við framkvæmd opinberra heilbrigðis-
ráðstafana. Þeir gera sér ekki ferðir til slíkra framkvæmda eða
eftirlits nema í brýnni þörf og, þegar unnt er, í samráði við land-
lælcni.
Fyrirskipað eða nauðsynlegt eftirlit, sem unnt er að fram-
kvæma við tækifæri, leitast héraðslæknir við að leysa af hendi, er
hann á ferð þar um, er eftirlitsins er þörf, en gerir sér ekki sér-
staka ferð til þess, nema annað sé óhjákvæmilegt.
22. gr. Sérstök ákvæði um héraðslækni í Reykjavík. Héraðs-
læknir í Reykjavík er undanþeginn að sinna sjúkravitjunum nema
eftir sérstökum fyrirmælum ráðherra.
Hann aðstoðar stjórnarvöld við millilandasóttvarnir og veitir
forstöðu sóttvarnarhúsi ríkisins án sérstaks endurgjalds.
Honum er heimilt að vera yfirlæknir við farsóttahús Reykjavík-
ur eða tilsvarandi stofnun, en óheimilt að gegna víðtækari sjúkra-
hússtörfum.