Flóra: tímarit um íslenzka grasafræði - 01.06.1968, Síða 74

geta borið þær saman við íslenzku eintökin. Að þessu Ieyti hefur gjöf Áskels ómet-
anlega þýðingu fyrir framhald grasafræðilegra rannsókna á safninu.
Þetta er hin höfðinglegasta gjöf, sem safninu hefur hlotnazt, síðan er Jakob
Karlsson gaf fuglasafn sitt, og stofnaði þarrneð náttúrugripasafnið.
Þá hafa safninu verið gefin um 300 eintök, af um 250 tegundum íinnskra
plantna. Gefandi er Grasasafnið í Helsinki. Hluti af þessu safni er óupplímdur,
en sumt frágengið og mörg eintök virðast vera úr exsiccötum, svipuðum því sem
áður var lýst. Oll eru eintökin vandlega nafngreind, af ýmsum færustu grasafræð-
ingum Finna. Forgöngu um gjöfina mun prófessor Lindberg hafa haft. Er þetta
hin ágætasta gjöf, og hafa Finnar þar enn sýnt vináttu sína til íslands, sem al-
kunnug er.
Árið 1966 gaf Þórir Sigurðsson menntaskólakennari safninu um 40 eintök
grænlenzkra plantna, er hann hafði safnað það sumar á eyjunni Kulusuk á suð-
austurströndinni.
Sama ár gaf Kristján Rögnvaldsson garðyrkjumaður safninu um 30 eintök
norskra plantna, er hann safnaði i Þrændalögum og í Jötunheimum sumarið 1964.
Bergþór Jóhannsson grasafræðingur hefur gefið safninu allmargar tegundir
mosa. Hjörleifur Kristinsson bóndi Gilsbakka í Skagafirði hefur gefið nokkrar teg-
undir úr Austurdal, Guðmundur Sigurðsson bóndi Lundi í Fljótum hefur gefið
plöntur þaðan, og loks hefur Helgi Jónasson grasafræðingur á Gvendarstöðum gef-
ið safninu ýmsar sjaldgæfar tegundir.
Grasasafnið á Akureyri hefur vaxið mjög mikið á siðustu árum (1963—67), bæði
af áðurnefndum gjöfum, kaupum og söfnun. Nærri xnun láta, að meðalvöxtur safns-
ins árlega sé um þrjú þúsund eintök. — Því miður er safnið enn vanmáttugt til
mikilla plöntukaupa, og því mikilvægari eru gjafirnar fyrir þróun þess.
Safnið þakkar innilega fyrir gjafirnar, og væntir að gefendur megi síðar sjá
ávöxt þeirra.
H. Hg.
YFIRLIT UM TEGUNDIR HÁPLANTNA SEM
FUNDIZT HAFA SÍÐAN 1948.
Flóra íslands eftir Stefán Stefánsson, kom fyrst út árið 1901. Önnur útgáfa kom
út 1924, endurskoðuð af liöfundinum. Þriðja útgáfan kom svo árið 1948, og var hún
endurskoðuð af Steindóri Steindórssyni og fleirum. Nú eru bráðum liðin 20 ár frá
því að síðasta útgáfa flórunnar kom út, og margt getur breyzt á skemmri tíma. Fer
nú að verða mjög aðkallandi að hefjast handa unx nýja útgál'u, sem helzt þyrfti að
hlaupa af stokkunum fyrir árið 1975, en búast má við því, að endurskoðun taki
langan tíma, því margt þarf að atliuga og taka afstöðu til, fyrir nýja útgáfu, eigi
hún að vera áreiðanlegt heimildarrit.
Allmargar nafnbreytingar hafa verið gerðar á íslenzkum háplöntutegundum
síðan 1948. Sést það bezt ef athuguð eru nöfnin í hinni nýju Flora Europaea, og
borin saman við síðustu flóruútgáfu. Sumum kann að þykja þeir nýjungagjarnir í
Evrópuflórunni, en mjög er hætt við því, að nafngiftir þeirra beri sigur af hólmi
að lokum, enda þótt einstakar flórur reyni að streytast á móti breytingunum.
72 Flóra - tímarit um íslenzka grasafræði