Sveitarstjórnarmál - 01.04.1981, Page 54

STEFÁN EDELSTEIN, skólastjóri
Tónmenntaskóla Reykjavíkur:
HLUTVERK
OG TILGANGUR
TÓNLISTARSKÓLA
Tónlistarskólar hafa nú verið starfræktir á íslandi
í 50 ár. Að vísu voru þeir fáir framan af, enda þótti
tónlistarnám ekki sjálfsagt á þeim árum, og reyndar
ekki heldur fyrstu tvo áratugina, eftir að seinni
heimsstyrjöldinni lauk.
Fyrstu lögin
Nokkur skriður kemst á þróun þessara mála eftir
árið 1963, en þá voru samþykkt á Alþingi lög um
fjárhagslegan stuðning við tónlistarskóla. I þessum
lögum er skilgreint, hvaða lágmarksskilyrði tónlist-
arskóli þarf að uppfylla, ef hann á að teljast styrk-
hæfur, og ýmis önnur ákvæði tilgreind. Meginkjarni
laganna var sá, að tónlistarskólar skyldu fá allt að
1/3 hluta af rekstrarkostnaði greiddan úr ríkissjóði,
en þó aldrei hærri fjárhæð en næmi framlagi hlut-
aðeigandi sveitarfélags til skólans. Ætlazt var til, að
skólarnir legðu sjálfir fram 1/3 hluta kostnaðar, en
skólagjöld hrykkju fyrir 1/3 hluta. I reynd var oft
mjög erfitt að reka skólana eftir þessum lögum, því
orðalagið „allt að 1/3 hluta“ var túlkað mjög frjáls-
lega af yfirvöldunum. St ndum lagði rikið fram 25%
og sveitarfélagið sömu i pphæð, og sat þá skólinn
eftir með 50% af kostnaðinum, sem varð að ná inn
með hækkuðum skólagjöldum.
Á árunum 1964—1974 fjölgaði tónlistarskólum
ekki mjög ört. Á hinn bóginn tvöfaldaðist nem-
endafjöldinn þennan áratug, sem bendir til þess, að
skólarnir hafi vaxið og dafnað, þótt þeim hafi ekki
fjölgað mjög. Eftirfarandi tafla gefur yfirlit um þessa
þróun:
Heildarfjöldi nemenda í tónlistarskólum 1964—1974
Ar Fjöldi nemenda Fjöldi dei
1964-65 1617 22
1965—66 1828 23
1966-67 2082 24
1967-68 2311 26
1968-69 2554 26
1969-70 2860 31
1970-71 3005 30
1971—72 3056 28
1972-73 3129 26
1973-74 3196 26
Núgildandi lög
Hinn 23. maí 1975 voru samþykkt ný lög um
fjárhagslegan stuðning við tónlistarskóla. Megin-
breytingin frá eldri lögunum var sú, að allur launa-
kostnaður við skólana skyldi nú greiddur af riki og
hlutaðeigandi sveitarfélagi og þessum kostnaði skipt
til helminga milli þessara aðila. Auk þess var réttar-
staða kennaranna bætt og ýmsu öðru breytt til
batnaðar. Skólarnir höfðu nú rýmri fjárhag og gátu
betur sinnt því að byggja sig upp, hvað varðaði
hljóðfæri og ýmis kennslutæki.
SVEITARSTJÖRNARMÁL