Sveitarstjórnarmál - 01.04.2004, Qupperneq 30

Fréttir
Grunnstöðvanetið endurmælt
Ákvebið hefur verið að ráðast í end-
urmælingu grunnstöðvanets land-
mælinga hér á landi í sumar. Verkið
verður unnið af innlendum aðilum
og er það í fyrsta skipti sem erlendir
aðilar koma ekki að slíkri mælingu
að sögn Þórarins Sigurðssonar hjá
Landmælingum íslands.
Ellefu ár eru síðan grunn-
stöðvanetið var síðast mælt og því
kominn tími til að endurmæla alla
punkta að nýju. Ástæður þess
hversu oft þarf að mæla grunn-
stöðvanetið eru einkum hreyfing á
jarðaskorpunni en eins og kunnugt
er á ákveðin gliðnun hennar sér stað
á flekaskiptum sem veldur því að
vesturhluti landsins færist í vestur en
austurhlutinn í austur og nemur sú
gliðnum um 2 sentimetrum á ári að
sögn Halldórs Geirssonar hjáVeð-
urstofu íslands. Þessar upplýsingar
komu fram á kynningarfundi á veg-
um LÍSU samtakanna nýverið þar
sem farið var yfir hver staða þessara
mála er í dag. Árið 1993 var nýtt
grunnstöðvanet mæit með 119
mælistöðvum jafnt dreifðum um
landið. Með tilkomu þess var öllum
gert kleift að nota sama grunn við
allar framkvæmdir, til dæmis við
skipulagsvinnu og kortagerð. Ná-
kvæmar mælingar eru sveitarfélög-
unum mikilvægar þar sem öll
skipulagsvinna er í höndum þeirra
Frá kynningaríundi LÍSU-samtakanna um grunnstöðvanetið. og á þeirra ábyrgð.
Rafræn innheimta - pappírinn burt!
»
Sveitarfélög þurfa að innheimta margs konar gjöld af þegnum sínum. Innheimtuaðferðir sveitarfélag-
anna hafa batnað mikið undanfarin ár með bættu innheimtukerfi bankanna og rafrænni tengingu
þeirra við bókhaldskerfin.
Eitt vandamál við alla þessa innheimtu er
hið gríðarlega magn af pósti sem sveitar-
sjóðirnir þurfa að senda út í hverjum mán-
uði. KB banki býður nú fyrstur banka
lausn til þess að minnka pappírsflóðið. I
tengslum við nýtt innheimtukerfi, sem
nefnt hefur verið Kröfulína, býður bankinn
nú svokallað Birtingarkerfi þar sem reikn-
ingarnir birtast í netbönkum greiðenda í
því formi sem þeir þekkja. Það eina sem
þeir svo gera er að ýta á „Greiða". Reikn-
ingarnir vistast í kerfinu þannig að aldrei
þarf að prenta út reikninginn. Mörg stór
fyrirtæki og sveitarfélög bjóða nú þegar
upp á þessa þjónustu. Sveitarstjórnarmál
ræddu við Örn Valdimarsson á fyrirtækja-
sviði KB banka til að forvitnast nánar um
þessa nýju innheimtuþjónustu.
Kostir samtímabókunar
„Einn aðalkosturinn við Kröfulínuna er
samtímabókun inn á reikning kröfuhafa.
Nú þurfa sveitarfélög ekki að bíða í 1 til 2
daga eftir að greiðsla berist inn á reikning
þeirra heldur gerist það um leið og krafan
er greidd," segir Örn Valdimarsson.
En það eru fleiri kostir en samtímabókun
inn á reikning kröfuhafa sem kerfið býður
upp á. „Kröfulínan er mjög fullkomið inn-
heimtukerfi. Sveitarfélögin þekkja það að
ekki hentar alltaf að beita sömu inn-
heimtuaðferðum á alla greiðendur. í þessu
kerfi geta þau einmitt sérsniðið innheimtu-
ferlið að hverjum viðskiptavini," segir
Örn. „Þá hafa þau alveg frjálst val um út-
sendingu ítrekana og álagningu vanskila-
gjalds. Hægt er að fella niður kröfu,
breyta eða bakfæra dráttarvexti. En það
sem gerir þetta kerfi svo frábrugðið öðrum
kerfum, fyrir utan samtímabókunina, er að
krafan lifir áfram með vöxtum og kostnaði
í kerfinu yfir í það milliinnheimtufyrirtæki
sem kröfuhafi er í samstarfi við."
Greiðslugjald lækkar
En er ekki kostnaðarsamt fyrir sveitarfélög-
in að fara í þetta kerfi?
„Nei, það er nefnilega aðalpunkturinn í
þessu, þetta kerfi sparar sveitarfélögunum
mikinn kostnað því greiðslugjald lækkar
úr 75 krónum í 45 krónur fyrir hverja
greidda kröfu þegar greiðsla berst rafrænt.
Þá hefur reynslan leitt í Ijós að greiðendur
greiða mun fyrr þegar reikningurinn birtist
í netbanka viðkomandi. Þetta eru tveir að-
alkostir kerfisins. Þá spara sveitarfélögin
prentkostnað og póstburðargjöld og alla
umsýslu tengda því með því að birta
reikningana í netbönkum, en þeir birtast í
sama útliti og greiðendur þekkja þá,"
segir Örn.
Hafnarfjarðarbær fyrstur
með netlaunaseðla
Önnur nýjung sem KB banki hefur verið
að kynna er netlaunaseðlar. „Já, netlauna-
seðlar er nýjung sem við höfum verið að
kynna undanfarna mánuði. Hafnarfjarðar-
bær var fyrsta sveitarfélagið sem sendi
starfsmönnum sínum netlaunaseðla. En
það er eins með þá og netreikningana að
þeir birtast í netbönkum starfsmanna,
óháð því í hvaða viðskiptabanka þeir fá
launin sín lögð inn. Þetta eru mikil þæg-
indi fyrir starfsmenn því launaseðlarnir
geymast í rafrænni möppu í 7 ár og eru
því alltaf aðgengilegir þegar á þarf að
halda. Sveitarfélögin spara að sama skapi
allan kostnað við útprentun og umsýslu
auk þess sem þetta er mjög umhverfis-
vænt," segir Örn Valdimarsson.