Sveitarstjórnarmál - 01.03.2012, Síða 10

Landsþing sambandsins
Ríkið stendur gegn leiðréttingu
Halldór Halldórsson, formaður Sambands
íslenskra sveitarfélaga, gagnrýndi ríkis-
valdið harðlega í setningarræðu sinni á XXVI.
landsþingi sambandsins 23. mars sl. Tilefni
gagnrýni Halldórs var samningur ríkisins og
sveitarfélaganna um tónlistarkennslu. Hann
sagði málið í óásættanlegri stöðu og í dag
vantaði um 121 milljón króna af ríkisins hálfu
vegna þessa máls. „Við einfaldlega krefjumst
þess án nokkurs afsláttar að ríkið greiði þær
121 milljónir sem vantar, og það nú þegar,
en fljóti ekki sofandi að feigðarósi og ranki
svo e.t.v. við sér þegar það er um seinan og
skólahaldi hefur verið hætt og nemendur
sendir heim úr ákveðnum skólum, eins og við
blasir um þessar mundir. Það hlýtur að teljast
sögulegt framlag ríkisstjórnarinnar til eflingar
tónlistarnáms."
Halldór rakti aðdraganda þessa máls og
sagði að eftír margra ára viðræður og mikinn
ágreining milli ríkis og sveitarfélaga hafi verið
ákveðið á fyrri hluta síðasta árs að vinna að
gerð samnings milli ríkisins og sambandsins
sem grundvallaðist á því að ríkið tæki að sér
að standa undir útgjöldum vegna framhalds-
náms í söng og hljóðfæraleik auk miðstigs í
söngnámi. Þá hafi verið hafinn vandað-
ur undirbúningur að greiningu málsins af
hálfu sambandsins og fulltrúa ráðuneyta svo
unnt yrði að byggja samninginn á traustum
grunni.
Asi vegna opnunar Hörpu
Halldór sagði að skyndilega hefði hlaupið
mikill asi í málið af hálfu ráðherra sem þrýstu
á um að skrifað yrði undir einfaldan samning
milli aðila þann 13. maí 2011, á sama tíma
og ein opnunarhátíðin af nokkrum var haldin
í Hörpu. „Ríkið sagði að kostnaðurinn á árs-
grundvelli myndi nema 480 milljónum króna
miðað við forsendur um 711 nemendur sem
það gaf upp og að það væri tilbúið að standa
undir þeim kostnaði. Það var þó með því
skilyrði að sveitarfélögin tækju að sér önnur
verkefni frá ríkinu að verðmæti 230 milljónir.
Nettógreiðsla ríkisins var því 250 milljónir
miðað við þessar forsendur."
Halldór sagði að því miður hafi verið látið
Halldór Halldórsson.
undan þessum ótímabæra þrýstingi enda hafi
ráðherrum legið mikið á að sýna þjóðinni að
nú skyldi efla tónlistarfræðslu í landinu.
„Hvorki meira né minna en þrír fagráðherrar
mættu við undirritunina auk forsætisráðherra
sem var í broddi fylkingar. Tilkynnt var að nú
skyldu átthagafjötrar í tónlistarnámi heyra
sögunni til og allt yrði í blóma í tónlistar-
fræðslumálum á (slandi."
Algjör neitun fjármála-
ráðuneytisins
Halldór sagði að síðan hafi verið farið að
útfæra samninginn sem tekið hafi tíma og
oft hafi fulltrúar sambandsins ekki vitað hver
væri í raun viðsemjandi þess í málinu. Hann
sagði að í október í fyrra hafi verið skrifað
undir samkomulag um útfærsluna sem fól í
sér tímabundna breytingu á verkaskiptingu
ríkis og sveitarfélaga. Síðan sagði Halldór:
„Þá höfðu tónlistarskólarnir fyrir löngu lokið
við að innrita nemendur í skólana og kennsla
var hafin fyrir allnokkru. Þá þegar kom í Ijós
að forsendur ríkisins stóðust engan veginn.
Nemendur i þessu tiltekna námi voru 822
eða 111 fleiri en forsendur ríkisins sögðu til
um. Umframkostnaðurinn á ársgrundvelli
nemur 121 m.kr."
Halldór sagði að Jöfnunarsjóður sveitar-
félaga hafi „deilt út því takmarkaða fjár-
magni sem sýndarsamningurinn heimilaði.
Það hefur leitt til þess að nú eiga þrír virtir og
rótgrónir tónlistarskólar í verulegum fjár-
hagsvandræðum. (samningaviðræðum sam-
bandsins við ráðuneytin til að ná fram leið-
réttingu á þessu höfum við mætt algjörri
neitun af hálfu fjármálaráðuneytisins. Það
er eins og ríkisvaldið telji sig algjörlega
ábyrgðarlaust gagnvart þessum forsendu-
bresti í samningum aðila og gefur hinum
fögru fyrirheitum um eflingu tónlistarnáms
langt nef."
OFNASMIÐJAN
10