Sveitarstjórnarmál - 01.10.2013, Síða 18

Fréttir
Strætó áfram norður
Strætó mun aka áfram norður í land en fyrir nokkru blasti við að
strætóferðir um Vestur- og Norðurland á milli Reykjavíkur og Akureyrar
legðust niður og að Eyþing yrði jafnvel gjaldþrota vegna skulda við
rekstraraðila sem landshlutasamtökin gátu ekki staðið skil á.
Fyrir eindaga skuldarinnar tókst að leysa þennan bráðavanda
þannig að strætóferðir á milli landshlutanna geta haldið áfram.
Leiðrétt var ákveðin skekkja í reiknilíkani auk þess sem ríkið lagði fram
tíu milljóna króna viðbótarframlag til þessara almenningssamgangna
og náði það að bjarga málum tímabundið.
Nú er unnið að því með innanríkisráðuneytinu og Vegagerðinni að
finna varanlega lausn á málinu. Ákveðið hefur verið að fara í endur-
skoðun á fyrirkomulaginu í Ijósi reynslunnar á þessu fyrsta ári og sníða
agnúa af kerfinu. Ljóst er þó að skera verður niður í strætókerfinu og
draga úr afsláttarkjörum á næstunni.
Þess má geta að mikil ánægja hefur verið á Eyjafjarðarsvæðinu
með starfsemi Strætó á svæðinu sem nú hefur verið tryggð.
Blár og gulur Reykjavíkurstrætó á stoppistöð viö Strandgötu á Akureyri.
Skólaþing sveitarfélaga 4. nóvember
Skólaþing sveitarfélaga verður haldið á Hilton Nordica hótelinu 4. nóv-
ember nk. og hefst kl. 8:30 með skráningu þátttakenda. Dagskrá
hefst kl. 9:00 með erindi Halldórs Halldórssonar, formanns sambands-
ins, og lýkur kl. 16:30.
Á þinginu verður sjónum beint til Danmerkur þar sem Anders Balle,
formaður danska skólastjórafélagsins, ræðir um þær umfangsmiklu
breytingar sem danski grunnskólinn er að ganga í gegnum í kjölfar
nýrrar menntastefnu stjórnvalda og verkbanns á kennslu á liðnu vori
sem leiddi til lagasetningar sem hafði breytingar á vinnutímaskipulagi
kennara í för með sér.
Illugi Gunnarsson, mennta- og menningarmálaráðherra, mun
einnig flytja erindi á skólaþinginu en að því loknu verður m.a. rætt um
kennaramenntun og áhrif sveitarstjórna á grunnskólann.
Ellefu bæjarfulltrúar í Garðabæ
Ákveðið hefur verið að fjölga bæjarfulltrúum í Garðabæ úr 7 í 11 við
bæjarstjórnarkosningarnar sem fram eiga að fara í maí 2014. Þetta
kemur fram í nýrri samþykkt um stjórn Garðabæjar sem samþykkt var
í lok ágúst.
Á vef Garðabæjar segir að fjölgunin komi til vegna fjölgunar íbúa í
sveitarfélaginu en í sveitarstjórnarlögum segir að í sveitarfélögum með
10.000 til 49.999 íbúa skuli aðalmenn í sveitarstjórn vera 11 til 15
talsins. 13.872 manns voru búsettir í Garðabæ þann 1. janúar síðast-
liðinn.
I samþykktinni er einnig gert ráð fyrir að á næsta kjörtímabili fjölgi
fulltrúum í bæjarráði úr 3 í 5. Skipan nefnda á næsta kjörtímabili
verður að mestu leyti óbreytt frá því sem nú er.
Frá Sjálandi, einu afyngri hverfum Garðabæjar.