Sveitarstjórnarmál - 01.10.2013, Page 30

Ný vatnsaflsvirkjun í Glerá
ofan Akureyrar
ann 24. september sl. undirrituðu bæjar-
stjórinn á Akureyri og framkvæmdastjóri
Fallorku ehf. samning um að Fallorka reisi og
reki 3,3 MW vatnsaflsvirkjun í Glerá ofan
bæjarins. Meginmarkmið með framkvæmd-
inni er að nýta endurnýjanlega náttúru-
auðlind til að framleiða raforku á hagstæðu
verði fyrir viðskiptavini Fallorku sem eru að
stórum hluta Akureyringar.
Um 5-6 metra há stífla og um 10.000 m2
lón verða í rúmlega 300 m hæð yfir sjávar-
máli skammt innan við vatnslindir Norðurorku
á Glerárdal. Frá stíflunni verður um 5.800
metra löng fallpípa grafin niður norðan við
ána og liggur niður í Réttarhvamm. Þar
verður um 50 m2 stöðvarhús. Raforka verður
send inn á dreifikerfi Norðurorku um jarð-
streng.
Akureyrarbær breytir aðalskipulagi og
deiliskipulagi eins og þörf krefur vegna fram-
kvæmdarinnar. Sá fyrirvari er settur að sam-
þykki Skipulagsstofnunar fáist fyrir skipulags-
breytingum og að mögulega þurfi að laga
áætlanir um fyrirkomulag og frágang að
kröfum Skipulagsstofnunar.
Náin samvinna um útlit
og staðsetningu
Fallorka og Akureyrarbær vinna náið saman
við að ákvarða endanlega staðsetningu og
hönnun mannvirkja, svo sem staðsetningu
og útlit á stöðvarhúsi, leið þrýstipípu, stað-
Andri Teitsson, framkvæmdastjóri Fallorku, og Erikur Björn Björgvinsson, bæjarstjóri á Akureyri, glaðir á svip að
lokinni undirritun samningsins. Mynd: Ragnar Hólm.
Verkfræðiráðgjöf
um land allt
VERKÍS er öflugt og framsækió ráögjafarfyrirtæki sem býöur þjónustu
á öllum sviðum verkfræði. Áratuga reynsla og þekking skilar sér til
viðskiptavina í traustri og faglegri ráðgjöf og fjölbreyttum lausnum.
Verkis Verkfræðistofa I Ármúla 4 I 108 Reykjavík I 422 8000 I www.verkis.is