Morgunblaðið - 18.01.2012, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 18. JANÚAR 2012
ÞORRI
NN 201
2
Þorrahlaðborð
Nóatúns
Sendum um land allt
Gerum verðtilboð fyrir stærri
þorrablót (50-500 manna)
Upplýsingar í síma 822-7005
eða veislur@noatun.is
ÞJÓÐLEG
Á ÞORRA
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti vidsk@mbl.is
Agnes Bragadóttir, fréttastjóri, agnes@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is Víðir Sigurðsson,
vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Marta María Jónasdóttir fréttastjóri dægurmála martamaria@mbl.is Prentun Landsprent ehf.
Ingveldur Geirsdóttir
ingveldur@mbl.is
Enginn þeirra íslensku lýtalækna, sem framkvæma
brjóstastækkunaraðgerðir, hefur sent upplýsingar um
umfang slíkra aðgerða hjá sér til landlæknisembættis-
ins eins og óskað hefur verið eftir. Ein aðgerð heil-
brigðisyfirvalda í PIP-brjóstapúðamálinu er að rann-
saka umfang brjóstastækkunaraðgerða hér á landi frá
árinu 2000 og afla upplýsinga um tíðni leka, hversu
margar fyllingar hafi verið fjarlægðar og fjölda endur-
ísetninga. Óskað var eftir þessum upplýsingum frá
lýtalæknum og áttu þær að berast til embættis land-
læknis eigi síðar en 13. janúar síðastliðinn.
„Ég get staðfest að enginn lýtalæknir hefur skilað
því sem beðið var um. Það hafa nokkrir haft samband
við okkur, sumir eru erlendis og geta ekki skilað gögn-
um í tíma og aðrir segja verkið í skoðun. Svo er því ekki
að neita að menn eru að ræða hvort þetta séu upplýs-
ingar sem þeir vilja láta frá sér,“ segir Geir Gunnlaugs-
son landlæknir. „Við erum að skoða stöðuna og hver
verða næstu skref. Þessar upplýsingar þurfa að koma
frá öllum því það er ekki samræmd skráning og fólk fer
á milli lækna.“
Ljóst er að þetta tefur PIP-brjóstapúðamálið svokall-
aða því upplýsingarnar átti að nota til að varpa ljósi á
umfang slíkra aðgerða hér á landi og leggja grunn fyr-
ir upplýsta ákvarðanatöku í framhaldinu.
Lýtalæknar sitja á upplýs-
ingum um sílíkonaðgerðir
Púðar Lýtalæknar tefja vinnslu í PIP-brjóstapúðamál-
inu með því að gefa ekki upplýsingar um aðgerðir.
 Enginn hefur skilað
gögnum til landlæknis
Helgi Bjarnason
helgi@mbl.is
Ekki er talið að mikið bensín hafi
komist í jarðveg og sjó eftir að olíu-
flutningabíll frá Skeljungi valt í
Hestfirði í Ísafjarðardjúpi í fyrra-
kvöld. 24 þúsund lítrar af bensíni
láku úr tanki í vegrás en í gær var
það hreinsað upp sem hægt var að
ná.
Bíllinn valt upp fyrir veg og hafn-
aði í vegrás sem er sprengd inn í
klöppina. Bensín náði að leka um
ræsi sem liggur úr vegrásinni og út
í sjó. Sást brák á sjónum. Anton
Helgason, framkvæmdastjóri Heil-
brigðiseftirlits Vestfjarða, fylgdi
brákinni eftir út með firðinum og
segir að hún hafi minnkað stöðugt
og verið horfin þegar komið var út
hálfan fjörð. Bensín gufar fljótt upp
og þynnist í vatni. Ekki hafa borist
fregnir af fugla- eða fiskadauða
enda lífríkið í lágmarki á þessum
tíma árs.
Sú olía sem sást í vegrásinni var
sogin upp ásamt vatni og hreinsi-
efnum. Segir Anton að um 30 þús-
und tonn hafi náðst upp. Svo má bú-
ast við að eitthvað af bensíninu hafi
gufað upp. Anton segir að ekki
komi í ljós hvað mikið hafi í raun og
veru farið út í umhverfið fyrr en
starfsmenn Skeljungs hafi skilið
bensínið frá vatninu. Það taki ein-
hvern tíma.
Anton telur að ekki hafi orðið al-
varlegt mengunarslys en segir að
fylgst verði með staðnum áfram.
„Aðstæður eru góðar þar sem bíll-
inn fór út af og ekkert þar í hættu.“
Skammvinn eituráhrif
Kristján Geirsson, deildarstjóri
sviðs umhverfisgæða hjá Umhverf-
isstofnun, tekur undir orð Antons
um að umhverfið hafi ekki orðið fyr-
ir skaða. Hann segir að bensín sé
afar hættulegt mönnum og lífríki
þegar svona óhöpp verða. Áhrifin
séu hins vegar skammvinn vegna
þess að það gufi fljótt upp og leysist
upp í vatni og það sé að því leyti
ólíkt öðrum olíutegundum.
Bílstjórinn missti stjórn á bílnum
þegar hann kom af þurrum kafla
inn á svellbunka. Bíllinn er ónýtur
sem og tankurinn. Tjónið hleypur á
tugum milljóna.
„Við höfum verið að skoða það í
dag og munum skoða betur en við
höfum ekkert fundið sem stendur
upp úr,“ segir Einar Örn Ólafsson,
forstjóri Skeljungs, þegar hann er
spurður hvort tilefni sé til að breyta
vinnulagi við eldsneytisflutninga af
þessu tilefni.
Hann segir að ekkert hafi komið
fram sem bendi til annars en að all-
ur búnaður hafi verið í lagi og bíl-
stjórinn reyndur og með öll réttindi.
Megnið af bensín-
inu náðist upp
 Ekki alvarleg mengun í umhverfi eftir að olíubíll valt
Ljósmynd/Hafþór Gunnarsson
Hestfjörður Olíubíllinn valt ofan í vegrás, ofan við Djúpveg. Ekki var hægt að hefja dælingu úr tanknum fyrr en í
gærmorgun vegna eldhættu en krani var notaður til að aftengja rafgeyma bílsins. Vegurinn var lokaður á meðan.
Gjöld fyrir þjónustu Reykjavíkur-
borgar við eldri borgara hafa
hækkað um tugi prósenta á tveimur
árum. Borgarfulltrúar Sjálfstæðis-
flokksins gagnrýndu það á fundi
borgarstjórnar í gær.
Þannig hefur akstur hækkað úr
350 í 1000 kr. eða nærri þrefaldast.
Heimaþjónusta hefur hækkað úr
530 í 1000 krónur sem svarar til
89% hækkunar. Gjald fyrir opið
félagsstarf hefur hækkað úr 690 í
1100 krónur, eða um 59%. Önnur
gjöld hafa hækkað frá 16 og upp í
40%.
Hanna Birna Kristjánsdóttir,
oddviti sjálfstæðismanna, segir að
hækkanir á þjónustu við eldri borg-
ara komi til viðbótar almennum
gjaldskrárhækkunum sem leggjast
á alla borgarbúa. „Þessar hækkanir
eru allt of miklar
og ósanngjarnar
gagnvart því
fólki sem byggði
þessa borg upp.“
Hún segir að
skort hafi á um-
ræðu um málefni
eldri borgara á
þessu kjörtíma-
bili og kominn sé
tími til að gefa
henni meiri gaum. „Við teljum að
það sé lykilatriði að auka lífsgæði
eldri borgara. Við eigum að vera
óhrædd við aukið val um hvert fólk
sækir þjónustuna. Hið opinbera á
ekki að einoka þessa þjónustu. Aðr-
ir geta allt eins veitt hana þótt fjár-
hagslegur stuðningur komi frá
borginni,“ segir Hanna Birna.
Gagnrýna gjald-
töku af öldruðum
Hanna Birna
Kristjánsdóttir
„Ég er ekki bjartsýn á að þetta verði
dregið til baka en við höfum ekki
gefist upp,“ segir Ingibjörg Hulda
Björnsdóttir, trúnaðarmaður
sjúkraliða á öldrunarlækningadeild
(E-deild) Heilbrigðisstofnunar Vest-
urlands á Akranesi. Ákveðið hefur
verið að loka deildinni í vor vegna
niðurskurðar fjárframlaga og eiga
26 starfsmenn hennar von á upp-
sagnarbréfi um næstu mánaðamót.
Ingibjörg segir að Guðbjartur
Hannesson velferðarráðherra hafi
sagt á fundi um málið að aldraðir
ættu ekki að vera í langtímaplássum
á sjúkrahúsum. Hún segir að ein-
hvers staðar verði fólkið að vera.
Ekki séu að skapast ný hjúkrunar-
pláss á dvalarheimilum aldraðra á
Akranesi eða í Borgarnesi og fjöldi
fólks bíði eftir að komast á deild eins
og þá sem nú eigi að loka. Og ekki
hætti aldrað fólk að veikjast. Þessi
deild sé því nauðsynleg.
Þá segist hún ekki sjá hvað verði
um þá skjólstæðinga sem nú séu í
langtímaplássi. Þeir eigi að fara á
lyflækningadeild sjúkrahússins eða
á dvalarheimilin.
„Mér finnst ekki hægt að bjóða
fólki upp á þetta,“ segir Ingibjörg.
„Útlitið er slæmt. Við höfum enga
von um vinnu,“ segir Ingibjörg um
stöðuna á vinnumarkaði. „Við erum
allar með langan starfsaldur og
héldum að við værum öruggar í
starfi.“
Hún segist finna fyrir miklum
stuðningi í samfélaginu við baráttu
fyrir því að halda deildinni opinni.
„Aðstandendur styðja okkur. Félag
eldri borgara styður okkur.“
helgi@mbl.is
Ekki hægt að bjóða
fólki upp á þetta
 E-deild sjúkrahússins á Akranesi lokað
Morgunblaðið/Ómar
Frá Akranesi Blikur eru á lofti í at-
vinnumálum á staðnum.