Morgunblaðið - 16.02.2012, Qupperneq 6

6 FRÉTTIRInnlent
MORGUNBLAÐIÐ FIMMTUDAGUR 16. FEBRÚAR 2012
Vel var mætt á opinn fund í Húsaskóla í Grafar-
vogi í gærkvöldi sem Oddný Sturludóttir, for-
maður menntaráðs Reykjavíkurborgar, boðaði
með foreldrum nemenda skólans. Umræðuefnið
var mikil óánægja foreldra með sameiningu ung-
lingadeildar Húsaskóla við Foldaskóla en auk
þess mun unglingadeild Hamraskóla færast í
skólann. Á íbúafundi hinn 9. febrúar var sam-
þykkt ályktun þess efnis að foreldrar og íbúar
Húsahverfis höfnuðu sameiningunni.
Fulltrúar foreldra nemenda í Hamraskóla og
Húsaskóla munu í dag afhenda Katrínu Jak-
obsdóttur menntamálaráðherra ákall um að-
komu ráðuneytisins að sameiningarmálum í
sunnanverðum Grafarvogi.
Óánægja foreldra rædd á fundi í Húsaskóla
Morgunblaðið/Golli
Guðni Einarsson
gudni@mbl.is
Félag flugmálastarfsmanna ríkisins
(FFR), Starfsmannafélag í almanna-
þjónustu (SFR) og Rafiðnaðarsam-
band Íslands hafa rætt við Iavia ohf.
vegna starfslokareglna sem Isavia
setti einhliða í fyrra.
Þá ákvað Isavia að starfsmenn
skyldu láta af störfum í þeim mánuði
sem þeir verða 67 ára. Fram að því
höfðu starfslok verið miðuð við 70 ára
aldur. Fundað var með Isavia í síð-
ustu viku vegna málsins.
„Þetta hefur verið mikið hags-
munamál hjá mínu félagi,“ sagði
Kristján Jóhannsson, formaður FFR.
Hann sagði málið mikið rætt á meðal
starfsmanna Isavia. „Við höfum haft
efasemdir um þessi starfslok og kom-
ið með hugmyndir að öðrum leiðum.“
Hann sagði félagsmenn FFR telja
að starfslok ættu að vera valkvæð.
Þeir hefðu einnig gagnrýnt að opin-
bert hlutafélag skyldi breyta einhliða
reglum um starfslokaaldur. Flestir
félagsmenn FFR, sem áður unnu hjá
Lögreglustjóranum á Keflavíkurflug-
velli eða Flugmálastjórn, töldu sig
mega vinna til sjötugs ef þeir vildu,
samkvæmt lögum um ríkisstarfs-
menn. Kristján sagði að FFR væri
stærsta stéttarfélagið innan Isavia.
„Við höfum aldrei lagt blessun okkar
yfir þetta kerfi og alla tíð gagnrýnt
það fyrir að vera ekki nógu sveigj-
anlegt.“ Ekki væri hægt að velja á
milli þess að hætta fyrir 67 ára aldur,
segja upp störfum eða vinna lengur.
Hann sagði þessa breytingu m.a.
þýða að starfsmenn fengju skertan
lífeyri samanborið við ef þeir ynnu til
sjötugs.
Kristján sagði að í hugmyndum
sem FFR lagði fram að breyttri
starfslokastefnu hefði m.a. verið tekið
mið af starfslokastefnu álvers Rio
Tinto Alcan í Straumsvík. Þar væri
bæði sveigjanleiki og komið til móts
við starfsmenn varðandi greiðslur í
séreignasjóð.
„Við erum ekkert búin að loka
þessu dæmi,“ sagði Árni Stefán Jóns-
son, formaður SFR, um málið.
Leitað var viðbragða hjá Isavia ohf.
og sendi félagið eftirfarandi svar:
„Fulltrúar Isavia áttu einn fund með
fulltrúum nokkurra stéttarfélaga að
þeirra ósk þar sem þeir óskuðu eftir
að taka upp viðræður við félagið
vegna starfslokaaldurs. Ósk um við-
ræður er í athugun hjá Isavia.“
Ósáttir við starfslokaaldur
 Fulltrúar stéttarfélaga margra starfsmanna Isavia ohf. vilja viðræður um
starfslokaaldur  Isavia er að kanna ósk stéttarfélaganna um viðræður
Morgunblaðið/Árni Sæberg
Isavia Sér um að flugið gangi vel
fyrir sig hér á landi.
Rúnar Pálmason
runarp@mbl.is
Seðlabanki Íslands hefur beint þeim
tilmælum til viðskiptabanka og spari-
sjóða að þeir haldi áfram að krefjast
kennitölu þegar einstaklingar selja
erlendan gjaldeyri fyrir íslenskar
krónur, jafnvel þótt upphæðin sé
lægri en 1.000 evrur. Í nýlegum úr-
skurði Persónuverndar var komist að
þeirri niðurstöðu að Arion banka væri
óheimilt að krefjast kennitölu vegna
gjaldeyrisviðskipta undir 1.000 evrum
og í kjölfarið hætti bankinn því. Seðla-
bankinn vill að kennitölusöfnuninni
verði haldið áfram.
Seðlabankinn byggir þessi tilmæli
sín, sem hann sendi á föstudaginn, á
lögum um gjaldeyrismál frá 1992 og á
reglugerð frá 1995. Í lögunum sé
kveðið á um að Seðlabankinn setji
reglur um upplýsingaskyldu vegna
gjaldeyrisviðskipta. Þær reglur komi
fram í reglugerðinni frá 1995 en hún
kveði m.a. á um að allir þeir sem eiga
milligöngu um gjaldeyrisviðskipti
skuli skrá niður kennitölu þeirra sem
viðskiptin eiga, skv. handbók Seðla-
bankans um gjaldeyrisviðskipti.
Seðlabankinn bendir á að í úr-
skurði Persónuverndar sé ekki fjallað
um þessa heimild í lögum um gjald-
eyrismál, enda hafi Arion banki ekki
vísað til hennar í málatilbúnaði sín-
um, heldur einungis til heimildar í
lögum um aðgerðir gegn peninga-
þvætti og varnir gegn hryðjuverkum.
Persónuvernd hafi því ekki tekið af-
stöðu til þess hvort lög um gjaldeyr-
ismál feli í sér heimild til að krefjast
kennitölu.
Seðlabankinn hefur sent Persónu-
vernd erindi og óskað eftir að Per-
sónuvernd taki afstöðu til kennitölu-
skráningarinnar á þessum grundvelli.
Náðu ekki í upplýsingar áður
Ingibjörg Guðbjartsdóttir, fram-
kvæmdastjóri gjaldeyriseftirlits
Seðlabankans, segir að Seðlabankinn
líti svo á að bönkum og sparisjóðum
beri skylda til að safna upplýsingum
um kennitölur þeirra sem kaupa eða
selja gjaldeyri, óháð upphæð. Hún
tekur skýrt fram að bankinn taki með
þessu áliti ekki afstöðu til úrskurðar
Persónuverndar enda fjalli hann ekki
um lög um gjaldeyrisviðskipti.
Ingibjörg segir að frá því lögin voru
sett hafi allar upplýsingar um gjald-
eyrisviðskipti farið í gagnagrunn
Seðlabankans. Áður en gjaldeyris-
höftum var komið á haustið 2008 hafi
Seðlabankinn á hinn bóginn ekki náð í
upplýsingar úr gagnagrunninum
nema vegna viðskipta sem voru yfir
700.000 krónur. Eftir að höftin voru
sett á hafi eftirlit verið hert og nú sé
fylgst með öllum gjaldeyrisviðskipt-
um.
Aðspurð hvort bankar og sparisjóð-
ir hafi, áður en höftunum var komið
á, skráð niður kennitölu vegna
gjaldeyrisviðskipta sem
námu lægri fjárhæð en
700.000 krónum, segir Ingi-
björg að skv. þeim upplýs-
ingum sem Seðlabankinn
búi yfir hafi framkvæmdin
verið sú að bankarnir hafi
skráð niður kennitölur.
Haldi áfram að safna kennitölum
Morgunblaðið/Ómar
Seðlabanki Tilmæli til banka
vegna gjaldeyrisviðskipta.
 Persónuvernd ekki fjallað um heimild
til söfnunar í lögum um gjaldeyrismál
Lögbirtingablaðið er að taka upp
nýtt útgáfukerfi og mun núverandi
kerfi liggja niðri frá því klukkan
14.00 á föstudag 17. febrúar og fram
á mánudag 20. febrúar vegna end-
urnýjunarinnar.
Anna Birna Þráinsdóttir, sýslu-
maður í Vík í Mýrdal, segir að gamla
útgáfukerfið hafi verið barn síns
tíma og um sé að ræða eðlilega end-
urnýjun. Til stóð að taka nýja út-
gáfukerfið í notkun á liðnu sumri en
vinnan við það dróst þar til nú.
Anna taldi að auglýsendur yrðu
aðallega varir við smábreytingu
vegna nýja kerfisins. Auk þess yrði
þægilegra að lesa blaðið og ýmsum
nýjum möguleikum bætt við. Leitin
yrði óbreytt. Svipað útlit yrði á
blaðinu og ekki stæði til að taka upp
myndbirtingar!
Tekið hefur verið fyrir leit í Lög-
birtingablaðinu í auglýsingaflokkum
sem varða fjárhagsmálefni ein-
staklinga og fyrirtækja, nema eftir
útgáfudagsetningum og útgáfu-
tímabilum. Þessu var breytt vegna
athugasemda Persónuverndar.
Anna sagði Persónuvernd telja að
bein leit í auglýsingum Lögbirt-
ingablaðsins sem varðaði fjárhags-
málefni fólks væri miðlun upplýs-
inga, sem bannað væri að miðla
samkvæmt reglugerð. Lögbirt-
ingablaðið hefur ekki leyfi til slíkrar
miðlunar og ekki stendur til að afla
þess, að sögn Önnu. Því hefur leitin
verið takmörkuð við útgáfudagsetn-
ingar og útgáfutímabil.
Þeir flokkar sem sæta þessari tak-
mörkuðu leit eru: Innkallanir,
greiðsluaðlögun, greiðsluáskorun,
nauðasamningar, nauðungarsala,
skiptafundur, veðhafafundur,
skiptalok, stefnur, svipting fjárræðis
og kaupmáli og framhald uppboðs,
að því er fram kemur á síðu Lögbirt-
ingablaðsins. gudni@mbl.is
Lögbirt-
ingur
yngir upp
 Nýtt útgáfukerfi
senn tekið í notkun
Lögreglan á höfuðborgarsvæðinu
stöðvaði kannabisræktun í fjölbýlis-
húsi í Garðabæ í vikunni. Við hús-
leit var lagt hald á 20 kannabis-
plöntur og nokkra tugi gramma af
marijúana. Karl á þrítugsaldri ját-
aði aðild sína að málinu. Af þessu
tilefni minnir lögreglan á fíkniefna-
símann, 800-5005, til að taka við
ábendingum.
Kannabisræktun
í Garðabæ
Seðlabankinn bendir á að hans
hlutverk sé að tryggja að gjald-
eyrishöftin séu virt. Því verði
hann að geta fylgst með öllum
gjaldeyrisviðskiptum. Þótt um
tiltölulega lágar fjárhæðir sé að
ræða í hvert skipti geti fjáhæð-
irnar orðið umtalsverðar ef um
röð viðskipta er að ræða.
Úrskurðar Persónu-
verndar sem nefndur er
hér til hliðar var vegna
kvörtunar frá manni
sem hafði verið kraf-
inn um kennitölu þegar
hann ætlaði að skipta
60 evrum í krónur.
Margt smátt
gerir eitt stórt
GJALDEYRISVIÐSKIPTI