Morgunblaðið - 16.02.2012, Side 19

FRÉTTIR 19Erlent
MORGUNBLAÐIÐ FIMMTUDAGUR 16. FEBRÚAR 2012
Komið hefur í ljós að minnst 65 lögregluþjónar, sem störfuðu á Ground
Zero, rústum World Trade Center í New York, hafa dáið af völdum
krabbameins, að sögn dagblaðsins The New York Times. Blaðið segir að
300 lögregluþjónar til viðbótar hafi greinst með krabbamein. Stétt-
arfélag lögregluþjónanna hefur hvatt borgarstjórann Michael R. Bloom-
berg til að láta afhenda sérstakri nefnd sjúkraskýrslur þeirra til að hún
geti rannsakað hvort þeir hafi fengið krabbameinið vegna heilsuspill-
andi efna sem menguðu andrúmsloftið eftir að tvíburaturnarnir hrundu
11. september 2001. Ljósmyndari Morgunblaðsins, Ómar Óskarsson, tók
myndina að ofan af Ground Zero. Í forgrunni sést aftan á minnisvarða
þar sem nöfn allra þeirra, sem biðu bana í árásinni á World Trade Cent-
er, eru áletruð.
Morgunblaðið/Ómar
65 lögregluþjónanna
dóu úr krabbameini
Forseti Sýrlands, Bashar al-Assad,
hefur boðað til þjóðaratkvæða-
greiðslu um nýja stjórnarskrá sem
sýrlenskir fjölmiðlar segja að eigi að
binda enda á fimm áratuga alræði
Baath-flokksins. Assad sagði að
þjóðaratkvæðagreiðslan ætti að fara
fram sunnudaginn 26. febrúar.
Í stjórnarskrártillögunni er sleppt
ákvæði þar sem því er lýst yfir að
Baath-flokkurinn sé „leiðtogi ríkis-
ins og samfélagsins“. Bætt er við
ákvæði um að frelsi sé „heilagur
réttur“ fólksins, auk þess sem „þjóð-
in á að stjórna þjóðinni“ í fjölflokka-
lýðræði, að sögn sýrlenska ríkissjón-
varpsins.
Sögð ófullnægjandi
Assad forseti hafði áður afnumið
neyðarlög, sem sett voru árið 1963
þegar Baath-flokkurinn komst til
valda, og hann hefur hvað eftir ann-
að lofað umbótum, sem ekki hefur
verið komið í framkvæmd, frá því að
uppreisn hófst gegn einræðisstjórn-
inni fyrir tæpu ári.
Líklegt þykir
að Sýrlenska
þjóðarráðið, sam-
tök stjórnarand-
stöðunnar, hafni
þjóðaratkvæða-
greiðslunni.
Þjóðarráðið hefur
sagt að það hafni
hvers konar til-
slökunum
stjórnarinnar á
meðan hersveitir hennar haldi áfram
mannskæðum árásum á óbreytta
borgara.
Fréttaveitan AFP hafði eftir
nokkrum fréttaskýrendum að til-
slökunin væri ófullnægjandi og
kæmi of seint. Talsmaður Banda-
ríkjaforseta sagði tilslökunina
„hlægilega“.
Sergej Lavrov, utanríkisráðherra
Rússlands, fagnaði þjóðaratkvæða-
greiðslunni. „Við teljum að ný
stjórnarskrá sem bindur enda á al-
ræði eins flokks sé skref í rétta átt,“
sagði hann. bogi@mbl.is
Ný stjórnarskrá
boðuð í Sýrlandi
 Sögð eiga að binda enda á alræðið
Bashar
al-Assad