SunnudagsMogginn - 12.02.2012, Blaðsíða 15

12. febrúar 2012 15
sem við Hellisheiði og Þjórsá, og það ætti
að nýtast svæðinu beint og óbeint. Von-
andi fer eitthvað að gerast á því sviði – þar
hefur allt verið stopp.“
Eyrarbakki aldamótabær
Eyþór segir að Suðurstrandarvegurinn sé
tilbúinn og verði opnaður í vor, en það
mun verða lyftistöng fyrir sveitarfélagið
Árborg, sem nær einnig yfir þétt-
býliskjarnana Eyrarbakka og Stokkseyri.
„Við höfum verið í samvinnu við ferða-
þjónustuna og Markaðsstofu Suðurlands
um að virkja veginn strax og erum komin
með konseptið „blái hringurinn“ sem
viðbót við „gullna hringinn“, þar sem ek-
ið er beint frá Leifsstöð meðfram bláum
himni og bláum sæ,“ segir Eyþór.
„Við sjáum Eyrarbakka fyrir okkur sem
aldamótabæ, þar sem gömlu húsin skapa
sérstöðu. Það er eitt af því sem við setjum
fjármuni í, sem eru af skornum skammti,
að bæta ásýnd Eyrarbakka. Þar er einna
heillegasta götumynd landsins frá fyrri
tímum. Síðan er Stokkseyri með sína ein-
stöku fjöru, þar sem risið hafa veitinga-
staðir og ákveðin menningar- og sagna-
hefð hefur skapast með drauga- og
álfasafninu. Þetta eru klárlega góðar und-
irstöður að áfangastöðum fyrir ferða-
menn.“ Þessu fylgja sömuleiðis tækifæri
fyrir sveitirnar í kring. „Ég þekki þar vel
til, mamma er alin upp í Selvogi, sem var
með harðbýlli sveitum. Það var róið til
fiskjar, en ekki mikil tún. Nú er þessi sveit
tengd við Suðurstrandarveginn, sem gef-
ur alveg nýja vídd, nálægðin er orðin
meiri við höfuðborgina og því fylgja
spennandi tækifæri.“
Miðbæjarskipulag endurskoðað
Og tækifærin eru vannýtt á Selfossi, að
mati Eyþórs. „Selfoss hefur hingað til ekki
verið lokaáfangastaður ferðamanna,
heldur aka þeir oft í gegn, taka bensín, fá
sér pylsu og fara í sund. Það þarf að breyta
og styrkja ímynd Selfoss sem áfanga-
staðar.“
Hann segir eitt vandræðamálið sem þau
hafi tekið við vera miðbæjarskipulagið og
bendir blaðamanni á að líta út um
gluggann á bæjarstjórnarskrifstofunum,
þar sem stór óbyggður reitur blasir við
þeim sem koma akandi yfir Ölfusárbrú.
„Það stóð til að reisa 26 þúsund fermetra
byggingar, sem hefðu kallað á bílakjallara
og þéttleika eins og í Hamraborg og jafn-
vel í Skuggahverfinu,“ segir hann.
„Það sem verra var, sveitarfélagið var
bundið af samningi um lágmarksbygging-
armagn. Það sem við gerðum eftir kosn-
ingar, þó að ekki væru til fjármunir í bæj-
arsjóði, var að kaupa byggingarréttinn á
þessu svæði. Við kusum það frekar en að
geta ekki uppfyllt samninginn, sem hefði
getað þýtt að sveitarfélagið þyrfti að
greiða hærri upphæð í skaðabætur og
fengi þá ekkert land til eignar.“
Nú er unnið að hugmyndum um að
byggja miðbæinn upp í „klassískari stíl“
og voru Sigmundur Davíð Gunnlaugsson
skipulagshagfræðingur og Páll V. Bjarna-
son arkitekt fengnir til að draga upp hug-
myndir sem bornar verða undir íbúa á
Selfossi. „Við finnum að fólk hefur áhuga
á að búa í manneskjulegu umhverfi með
opnum rýmum,“ segir Eyþór.
„Tillögurnar fela í sér að þetta verði
bæjargarður með sögulegum húsum. Það
kemur heim og saman við þá áherslu að
skapa eitthvað áhugavert í miðbænum,
þannig að fólk sjái ástæðu til að staldra
við. Ef ekkert slíkt er í kjarnanum, þá
keyrir fólk bara í gegn. Þetta hefur tekist
vel á Akureyri, að fá ferðamenn til að gera
bæinn að ákvörðunarstað sínum.“
Hann segir að ekki sé um ákveðna
skipulagstillögu að ræða heldur hug-
myndir frá Sigmundi og Páli, sem bornar
séu undir íbúa. „Ég hugsa að þar verði
hóflegt byggingarmagn þegar upp verður
staðið.“
Eyðimörk og íþróttasvæði
Hjarta bæjarins er íþróttasvæðið, að sögn
Eyþórs. „Við getum sagt að það sé hjartað
eða lungun. Það stendur við Engjaveg eins
og annað svæði í Laugardal, íþrótta-
aðstaðan er inni og úti og þar er líka sund-
laug. Þetta er ekkert ósvipað því sem við
viljum gera í miðbænum, að hafa grænan
blett þar sem fólk getur komið saman, til
dæmis 17. júní.“
Það voru uppi hugmyndir um að flytja
íþróttasvæðið út fyrir bæinn á mestu upp-
Morgunblaðið/Kristinn
’
Pólitík er orðið nei-
kvætt orð, orð sem
þýðir fjölstjórnun og
er í eðli sínu ekkert ósvipað
lýðræði. Menn segjast vilja
meira lýðræði og minni
pólitík, en átta sig ekki á að
minni pólitík felur í sér
minna lýðræði í raun.