SunnudagsMogginn - 12.02.2012, Blaðsíða 27

12. febrúar 2012 27
Sýningin er líka góður staður til að
drekka í sig strauma og stefnur. „Það er
margt í gangi, mikið af litum,“ segir
Árný sem var til dæmis hrifin af danska
fyrirtækinu Hay.
Jóhanna Sigurðardóttir forsætisráð-
herra heimsótti íslenska básinn. „For-
sætisráðherra kom hingað í gær og
skoðaði og spjallaði við okkur. Það er
mikill heiður að hún hafi gefið sér tíma
til þess.“
Hún segir Íslendingana standa saman.
„Það er mjög góð stemning hérna og
allir hjálpast að, eins og að setja upp
básinn.“
Mikilvægt að hitta fólk í eigin persónu
Berglind Steindórsdóttir frá Íslandsstofu
er með hópnum þarna úti. „Það er mjög
gaman að forsætisráðherra mætti og gott
að fá tækifæri til að gefa henni innsýn í
þennan hönnunarheim á sýningunni,“
segir Berglind og ítrekar mikilvægi sýn-
inga sem þessara.
„Ef þú ætlar á annað borð að fara í út-
flutning af einhverri alvöru er þetta
staður til að hitta rétta fólkið. Allur
undirbúningur er líka mikilvægur. Það
eru þessar sýningar sem gilda til að
komast í sambönd. Þær gera það ennþá,
þrátt fyrir tilkomu netsins. Að hitta fólk
í eigin persónu er svo mikilvægt. Það
stendur alltaf fyrir sínu. Þetta er helsta
sýningin á Norðurlöndunum og hún er
mjög mikilvæg fyrir þetta svæði,“ segir
Berglind.
„Aðsókn minnkaði á allar sýningar
eftir hrun en það eru þeir sem taka
ákvarðanirnar sem mæta á svæðið og
það er það sem skiptir máli.“
Íslensku hönnunarfyrirtækin voru með sameiginlegan sýningarbás.
Brot af vörunum sem Netagerðin var að kynna.
Hópurinn saman kominn þegar forsætisráðherra kom í heimsókn. Efri röð frá vinstri: Helga G. Vilmundardóttir (Netagerðin/Stáss), Árný Þórarinsdóttir (Netagerðin/Stáss),
Reynir Sýrusson (Sýrusson), Eiríkur Helgason (Lighthouse), Bryndís Bolladóttir (Netagerðin), Guðmundur Ásgeirsson (Á. Guðmundsson). Neðri röð frá vinstri: Jónína Leós-
dóttir, Olga Hrafnsdóttir (Netagerðin/Volki), Jóhanna Sigurðardóttir, Berglind Steindórsdóttir (fulltrúi Íslandsstofu).
Ljósmyndir/Ólafur Þórisson
’
Ef þú ætlar á annað
borð að fara í útflutn-
ing af einhverri al-
vöru er þetta staður til að
hitta rétta fólkið. Það eru
þessar sýningar sem gilda
til að komast í sambönd.
Þær gera það ennþá, þrátt
fyrir tilkomu netsins. Að
hitta fólk í eigin persónu er
svo mikilvægt. Það stendur
alltaf fyrir sínu.