SunnudagsMogginn - 12.02.2012, Blaðsíða 14

14 12. febrúar 2012
Þ að setur óneitanlega svip áSelfoss að vatnsmesta fljótlandsins rennur um miðjanbæinn. Enda byggðist bær-inn upp í kringum brúna.„Selfoss er einn fárra þétt-
býlisstaða á Íslandi án útgerðar eða hafn-
ar,“ segir Eyþór Arnalds, formaður bæj-
arráðs Árborgar og oddviti sjálfstæðis-
manna, sem fengu meirihluta í
sveitarstjórnarkosningunum vorið 2010.
„Tryggvi Gunnarsson [bankastjóri
Landsbankans] stóð fyrir brúarsmíðinni,
enda er húsið við brúarsporðinn nefnt
Tryggvaskáli, ein af aðalgötum bæjarins
Tryggvagata og svo höfum við Tryggva-
garð.“
Í upphafi var Tryggvaskáli vinnustaður
við brúarsmíðina, en hann varð seinna
áningarstaður. „Selfoss byggðist upp sem
þjónustumiðstöð fyrir þá sem áttu leið um
þjóðveginn, það spratt upp kaupfélag og
verslun,“ segir Eyþór. „Fyrsta bylgjan
kom úr sveitunum, önnur bylgjan kom í
Vestmannaeyjagosinu og þriðja bylgjan
frá Reykjavík og Kópavogi eftir síðustu
aldamót af því að hér var hagkvæmt að
byggja.“
En skyndilega stöðvuðust fólksflutn-
ingarnir austur á Selfoss með banka-
hruninu haustið 2008. „Verkefnið hefur
verið að byggja samfélagið upp eftir það,“
segir Eyþór.
Nær náttúrunni
„Þá er spurningin í hverju styrkleikinn
liggur. Við erum auðvitað við mestu um-
ferðaræðina, hundruð þúsunda ferða-
manna fara hér um á hverju ári, og spurn-
ingin er hvernig við getum virkjað þennan
straum, jafnt innlenda sem erlenda ferða-
menn.
Og tækifærin liggja líka í sumar-
bústaðabyggðinni í grennd við Selfoss,
sem er orðin heilsársbyggð.“
Hann segir að Selfoss hafi tekið stökk í
uppsveiflunni; bærinn sé kominn langa
leið frá kaupfélaginu. „Hér eru sálfræð-
ingar og tattústofa og allt sem einkennir
þéttbýlið! Nú er spurning hvert við förum
inn í framtíðina. Ferðamennska er ein
stoðin, en líka landbúnaður og matur.
Fólk vill komast nær náttúrunni og upp-
runanum. Það er styrkur fyrir okkur að
það er að vakna til vitundar um að það
skiptir máli hvaðan maturinn er – eins og
við fengum að sjá í heimildarmyndinni
Food Inc. – við erum svo heppin að eiga
kost á íslenskum mat sem er hreinn og líf-
rænn. Svo er orkan víða hér í kring, svo
Fólk vill
komast nær
náttúrunni
Það er í mörg horn að líta hjá Eyþóri Arnalds
formanni bæjarráðs í Árborg. Með nýjum Suður-
landsvegi færist umferðin austar um Selfoss og „blái
hringurinn“ verður til með Suðurstrandarvegi. Hann
ræðir tiltektina í fjármálum bæjarins, skipulags-
málin, framtíðarsýnina, pólitíkina, frumkvöðla-
starfið, tónlistina og lexíu í auðmýkt.
Texti: Pétur Blöndal pebl@mbl.is Mynd: Kristinn Ingvarsson kring@mbl.is