Morgunblaðið - 14.05.2012, Blaðsíða 9

FRÉTTIR 9Innlent
MORGUNBLAÐIÐ MÁNUDAGUR 14. MAÍ 2012
Svarið við spurningu dagsins
HVAÐ ER Í MATINN?
Suðurlandsbraut 10, 108 Rvk - Sími 533 1300 - fylgifiskar@fylgifiskar.is - fylgifiskar.is
Tilbúnir fiskréttir · Ferskur fiskur
Heitur matur í hádeginu · Veisluþjónusta
Meyjarnar Austurveri, Háaleitisbraut 68, sími 553 3305Opið virka daga kl. 11-18
Dúndurvorútsala
40-80% afsláttur
af völdum vörum 14.-18. maí
FRÉTTASKÝRING
Guðrún Sóley Gestsdóttir
gudrunsoley@mbl.is
Ársreikningur Hafnarfjarðarbæjar
fyrir árið 2011 sýnir að bærinn er
talsvert skuldsettari en hin stærstu
sveitarfélög landsins. Þau eru öll rek-
in með halla, en í einhverjum til-
fellum eru þau þó
rekin með betri
afkomu en gert
var ráð fyrir í árs-
reikningum.
Þetta á þó ekki
við um Hafnar-
fjörð sem skilaði
halla upp á 824
milljónir eftir
fjármagnsliði og
skatta, þótt
rekstrarnið-
urstaða fyrir fjármagnsliði í A-hluta
hafi verið jákvæð um 1,2 milljarða.
„Við í minnihlutanum höfum haft
þungar áhyggjur af þróun fjárhags-
stöðu bæjarins undanfarin ár,“ segir
Rósa Guðbjartsdóttir, bæjarfulltrúi
Sjálfstæðisflokksins. „Þessi nið-
urstaða sýnir svart á hvítu hver stað-
an er raunverulega.“ Hún segir lána-
afborganir bæjarins of háar.
Áætlanaskortur
„Við borgum tæpa þrjá milljarða
af lánum Hafnarfjarðar á hverju ári,
og það sér hver maður að gengur ein-
faldlega ekki upp,“ segir Rósa. Að-
spurð um áætlanir um að bregðast
við þessu segir hún þær ekki fyrir
hendi. „Ekki liggja fyrir nein raun-
veruleg plön um hvernig þetta eigi að
geta gengið. Við teljum að menn séu
enn í afneitun á ástandinu, og verið
að ýta vandamálunum á undan sér
fram yfir næstu sveitarstjórnarkosn-
ingar.“
Rósa nefnir að minnihlutinn hafi
lagt til á síðasta bæjarstjórnarfundi
að verð á atvinnulóðum yrði lækkað.
„Það var hugsað sem hvatning inn í
ríkjandi ástand og aðdráttarafl fyrir
fyrirtæki sem vonandi eru í starthol-
unum, en meirihlutinn greiddi at-
kvæði gegn því. Og allt er í þessa átt-
ina.“
Rósa telur lausnina á skuldavanda
bæjarfélagsins meðal annars felast í
eflingu atvinnulífs. „Það er eins og í
samfélaginu almennt; ef hjólin eiga
að snúast þarf að örva atvinnulífið.
Vinna þarf að því með markvissum
hætti.“
Stórtækar niðurgreiðslur
Rósa segir aðalvandamálið í augna-
blikinu vera sitjandi ríkisstjórn. „Það
verður gott fyrir Hafnarfjörð eins og
alla aðra þegar áherslur í ríkisfjár-
málunum breytast.“
Hafnarfjörður hefur ekki farið var-
hluta af landlægum samdrætti. „Hér
var mjög sársaukafullur nið-
urskurður og við komumst ekki
lengra í því að skera niður þjónustu.
Engu að síður er þessi uppsafnaði
skuldavandi síðustu ára að segja
mjög harkalega til sín.“
Hafnarfjarðarbær þarf að greiða
niður umtalsverðar upphæðir til að
standast viðmið um skuldahlutfall
sveitarfélaga, nú nemur hlutfallið
250% en þarf innan tíu ára að lækka í
150%. Að sögn Rósu liggur ekki fyrir
hvernig það verður gert.
„Mér finnst bæjarstjórinn tala á
léttúðugum nótum um þessi viðmið,
hann hefur látið hafa eftir sér að það
verði léttur leikur, og ég er ekki viss
um að íbúar og stofnanir í Hafnarfirði
skilji hvað hann meinar með þessum
orðum, á sama tíma og öllum er sagt
að spara hverja krónu.“
Hún gagnrýnir vinnubrögð meiri-
hlutans undanfarin misseri. „Á síð-
astliðnu ári var farið í stjórnsýslu-
breytingar sem ekki skiluðu
tilætlaðri fjárhagslegri hagræðingu,
auk endurbóta á húsnæði stjórnsýsl-
unnar fyrir tugi milljarða sem ekki
sér fyrir endann á. Við höfum fyrst og
fremst gagnrýnt þessar áherslur, og
þá sérstaklega endurfjármögnunina
sem átti sér stað í desember síðast-
liðnum.“
Rósa er ómyrk í máli þegar kemur
að skuldastöðunni. „Við erum föst í
djúpu skuldafeni og menn slá vand-
anum endalaust á frest.“
Aukinn skuldavandi
í Hafnarfjarðarbæ
 Skuldir bæjarins nema 38 milljörðum króna
Morgunblaðið/Eggert
Skuldir Fjármagnskostnaður á stóran þátt í skuldum Hafnarfjarðar, en
hann nam 2,8 milljörðum króna á árinu, eða 100.000 krónum á hvern íbúa.
Rósa
Guðbjartsdóttir