Morgunblaðið - 14.05.2012, Blaðsíða 34

34 MENNING
MORGUNBLAÐIÐ MÁNUDAGUR 14. MAÍ 2012
VIÐTAL
Kolbrún Bergþórsdóttir
kolbrun@mbl.is
Músin tónelska, Maxímús Músíkús,
hefur notið mikilla vinsælda meðal
barna. Fyrsta bókin um Maxa var
Maxímús Músíkús heimsækir hljóm-
sveitina, síðan kom Maxímús Mús-
íkús trítlar í tónlistarskólann og nú
er komin út þriðja bókin og nefnist
hún Maxímús Músíkús bjargar ball-
ettinum. Eins og áður fylgir geisla-
diskur með bókinni en á honum er
sagan lesin með tónlistinni og þeim
umhverfishljóðum sem tengjast æv-
intýrinu. Auk þess má finna alla tón-
listina í heild sinni í flutningi Sinfón-
íuhljómsveitar Íslands á disknum.
Höfundar bókanna um Maxímús eru
Hallfríður Ólafsdóttir sem semur
textann og Þórarinn Már Bald-
ursson sem sér um myndskreyt-
ingar. Bæði eru þau hljóðfæraleik-
arar hjá Sinfóníuhljómsveit Íslands,
Hallfríður er flautuleikari og Þór-
arinn Már víóluleikari. Sinfón-
íuhljómsveitin hefur fyrir sið að
halda tónleika í tengslum við út-
komu bókanna og svo verður einnig
nú, nánar tiltekið laugardaginn 19.
maí í Hörpu.
105 börn á sviðinu
Þegar Hallfríður er spurð um vin-
sældir bókanna og hina miklu að-
sókn sem hefur verið að þeim tón-
leikum sem tengjast bókunum segir
hún: „Ég var nokkuð viss um að
þessi hugmynd um mús á sviðinu
myndi virka sæmilega vel annars
hefði ég ekki lagt í þetta en ég bjóst
ekki við að Maxi myndi slá svona
rækilega í gegn. Ég á minningar um
ógleymanleg augnablik á tónleikum
og einnig þegar ég hef séð börnin
mæta músinni. Þetta er búið að vera
ótrúlega gaman og oft og mörgum
sinnum hef ég orðið uppnumin af
viðbrögðum barnanna. Eins þykir
mér afar vænt um að heyra sögur af
börnum sem hlusta á diskinn okkar
á hverju kvöldi og frétta af leik-
skólum þar sem bókin er lesin nán-
ast daglega og skólabókasöfnum þar
sem bækurnar stoppa stutt inni.
Svona sögur eru ómetanlegur með-
byr.“
Hvenær fékkstu fyrst hugmynd-
ina um músina Maxímús?
„Það var haustið 2005 sem því sló
niður í huga minn að það væri snið-
ugt að veita innsýn í heim Sinfón-
íuhljómsveitarinnar og þeirrar frá-
bæru tónlistar sem hún leikur með
því að hleypa litlum karakter inn á
sviðið sem sæi hlutina frá sjónarhóli
barnsins. Maxímús hefur opinn
huga, finnst allt merkilegt og frá-
bært og heillast að sjálfsögðu af
þessari dásamlegu tónlist en sér líka
alla þá skrýtnu og sniðugu hluti sem
gerast á sviðinu. Ég leitaði til starfs-
félaga míns Þórarins en ég hafði séð
snilldarlegar grínmyndir hans af
hljóðfæraleikurum, og hann tók að
sér að myndskreyta bækurnar.
Þetta hefur verið afskaplega gott
samstarf.“
Nú er þriðja bókin komin út og
hún snýst um ballett. Af hverju ball-
ett?
„Alveg frá því ég byrjaði á fyrstu
bókinni hefur mig langað til að láta
Maxímús fylgjast með ballett. Bæði
er ég mikil áhugakona um listdans
og svo er balletttónlist svo ljómandi
skemmtileg. Öll tónlist kallar á
hreyfingu í manneskjunni og börn
eru alveg óheft í að njóta tónlistar
með öllum kroppnum. Það er gaman
að fá tækifæri til að sýna þeim ýms-
ar leiðir til þess, það bæði gleður sál-
ina að hreyfa sig við tónlistina og
dýpkar skynjunina á innihaldi tón-
listarinnar.
Það verður sannarlega nóg um
tónlist, börn og hreyfingu á útgáfu-
tónleikunum í Hörpu laugardaginn
19. maí en þá dansa 105 börn úr
Listdansskóla Íslands á sviðinu á
meðan Sinfóníuhljómsveit Íslands
spilar tónlist við ævintýrið um mús-
ina. Þarna verður Maxímús Músíkús
vitanlega, sögumaður er Valur
Freyr Einarsson og myndum Þór-
arins verður varpað á skjá. Um
þessa tónleikasýningu í Hörpu segir
Hallfríður: „Í þessari sýningu tekst
að gera einmitt það sem mig
dreymdi um að sýna sem er hvernig
tónlistin kallar á líkamlega tjáningu
á svo marga vegu. Þarna koma fram
bæði mjög ung börn og svo eldri
börn og unglingar sem eru komin
upp á táskó, lyfta hvert öðru og gera
flókna hluti í takt við tónlistina. Það
er búið að vera ótrúlega gaman að fá
að fylgjast með æfingum þeirra í
Listdansskólanum. Verkin sem ég
valdi segja öll sögur sem fléttast inn
í sögu músarinnar. Gæsam-
ömmusvítan eftir Ravel segir frá
nokkrum ævintýrum, til dæmis
heyrum við og sjáum Þyrnirós sofna
og Tuma þumal villast í skóginum.
Svo er þarna Veturinn eftir Glas-
únov en þar dansa Vetrarbörnin
Hrím, Ís, Hagl og Snjór hvert sinn
dans. Í lokin dansa elstu nemendur
Listdansskólans frjálslegan og mjög
tjáningarríkan dans við Eld eftir
Jórunni Viðar sem ég tel eitt besta
tónverk sem samið hefur verið á Ís-
landi.“
Maxímús í útrás
Hallfríður hefur búið til tónleika-
sýningar úr öllum þeim sögum sem
hún hefur skrifað um Maxímús og
þær standa erlendum hljómsveitum
til boða.
„Þegar Sinfóníuhljómsveitin var í
fyrsta sinn með tónleikasýningu
vegna útkomu bókarinnar Maxímús
Músíkús heimsækir hljómsveitina
þá fundum við öll í hljómsveitinni
kraftinn og einbeitinguna hjá þeim
sæg af börnum sem þá sátu í saln-
um,“ segir hún. „Þá áttaði ég mig á
því þetta var tónleikasýning sem ég
varð að leyfa öðrum að njóta. Mér er
ljúft en líka mjög skylt að koma
þessari tónleikasýningu á framfæri
við aðra og ég hef útbúið þetta efni
þannig að það er til reiðu fyrir aðrar
hljómsveitir.“
Forlagið sem gefur út bækurnar
um Maxímús kynnir þær erlendis og
þær eru komnar út í Þýskalandi,
Færeyjum, Ástralíu og Suður-Kóreu
og koma út í Bretlandi og Bandaríkj-
unum á þessu ári. „Við höfum líka
kynnt tónleikaprógrammið í gegn-
um okkar sambönd í tónlistarheim-
inum,“ segir Hallfríður. „Margir
hafa lagt hönd á plóginn þar og Út-
flutningsmiðstöð íslenskrar tónlistar
hefur sannarlega lagt sitt af mörk-
um og þetta hefur hjálpað hvað öðru.
Sem dæmi má nefna að í Melbourne
í Ástralíu fór vinkona mín með bók-
ina til fræðsludeildar hljómsveit-
arinnar sinnar og í kjölfarið tókust
samningar við bókaforlag. Tónleika-
sýningin um Maxímús var flutt tólf
sinnum í Melbourne í október 2010
og það tókst svo vel að nú, einungis
tveimur árum seinna, hefur hún ver-
ið sett aftur á dagskrá, sem er einn
Ómetanleg-
ur meðbyr
 Ný bók um Maxímús Músíkús
Hallfríður Ólafsdóttir Þetta er búið
að vera ótrúlega gaman og oft og
mörgum sinnum hef ég orðið upp-
numin af viðbrögðum barnanna.
Grallarar.is hefur hlotið styrki frá Mannréttindaráði Reykjavíkur, Menningarráði Suðurnesja og Þróunarsjóði námsgagna.
GRALLARAR.IS
Við erum á
Facebook
Nú eru bækurnar um kisurnar Glingló
og Dabba og hundinn Rex orðnar
fimm talsins. Ert þú áskrifandi?
www.grallarar.is