Morgunblaðið - 12.06.2012, Blaðsíða 23

UMRÆÐAN 23
MORGUNBLAÐIÐ ÞRIÐJUDAGUR 12. JÚNÍ 2012
Tilvalið fyrir heimilið og sumarbústaðinn
PLÍ-SÓL
GARDÍNUR
Álnabær
Allt fyrir gluggann… úrval, gæði og þjónusta.
Síðumúla 32, Reykjavík ▪ Tjarnargötu 17, Keflavík ▪ Glerárgötu 32, Akureyri
alnabaer.is ▪ Opnunartími: mán -fös 11-18
Ef þú staðg
reiðir
sendum vi
ð frítt
hvert á lan
d sem er
VELKOMIN Á BIFRÖST
Opið fyrir umsóknir
til 15. júní á bifrost.is
• HHS: Heimspeki, hagfræði
og stjórnmálafræði, í fjar-
og staðnámi
• Viðskiptafræði, alhliða
viðskiptanám, í fjar- og staðnámi
• Viðskiptafræði með áherslu á
markaðssamskipti, í fjarnámi
• Viðskiptalögfræði, laganám með
tengingu við rekstur, í staðnámi
• Frumgreinanám
í fjar- og staðnámi
• MA í menningarstjórnun
• MA í menningarfræðum
• ML í lögfræði
• MS í alþjóðaviðskiptum
Frumgreinanám Grunnnám Meistaranám
Umsóknarfrestur
rennur út 15. júní
Háskólinn á Bifröst er framsækinn skóli í viðskiptum, lögfræði
og hugvísindum og háskólasamfélagið er frábært umhverfi fyrir börn
og fullorðna. Á Bifröst vinnum við saman í hópum, getum unnið allt
árið og erum í sterkum tengslum við atvinnulífið.
Skoðunarferð um
háskólaþorpið
hefst á Bifrost.is
Enn eru uppi hávær-
ar raddir um að reisa
forljótt ferlíki í túninu í
Skálholti, sem menn
vilja nefna mið-
aldadómkirkju. Að
ætla að fara að troða
slíku ferlíki niður í við-
kvæmt Skálholts-
landið, þar sem úir og
grúir af ókönnuðum
fornminjum í jörðu,
nálgast helgispjöll.
Þingvellir og Skálholt eru helgustu
staðir þjóðarinnar, perlur Árnessýslu.
Engum er sama, hvernig uppbygg-
ingu þeirra er háttað, ef ekki á að
verða sjónmengun af.
Þorláksbúð er eitt, þótt það hefði
vel mátt sleppa þeirri framkvæmd, og
sömuleiðis að setja steypu í götin í
stað smásteina, sem lýtir mjög verkið,
en að fara að eyða mörgum milljónum
í að grafa niður þetta ferlíki, gælu-
verkefni Flugleiðafólks, svokallaða
miðaldadómkirkju, með öllu því jarð-
raski, sem því fylgir, er annað og
verra mál. Ég veit ekki, hvaða til-
gangi það á að þjóna að fara að gera
Skálholt að einhverju kirkjulegu Le-
golandi eða Disneylandi Íslands í boði
Flugleiða með þessu móti. Það er svo-
leiðis út í hött, að engu tali tekur, þótt
þetta kunni kannske að líta vel út á
teikniborðinu.
Ég get ekki annað en mótmælt
slíkri ósvinnu á helgri jörð, enda á
hvorki þessi svokallaða miðaldakirkja
né nein önnur kirkja frá fyrri öldum
heima í Skálholti í dag, þó að þær hafi
sómt sér vel á staðnum á sínum tíma.
Ég hygg líka, að erlendir ferðamenn
leiti eftir öðru hér á landi en mið-
aldadómkirkju, þótt stærst timb-
urkirkna hafi verið á Norðurlöndum á
sinni tíð, en nóg er til af erlendis, hvað
sem Flugleiðamenn segja. Þessi arfa-
vitlausa hugmynd þeirra sýnir ein-
ungis, að þeir virðast ekki hafa hug-
mynd um, eftir hverju erlendir
ferðamenn leita helst hérlendis.
Frændi minn, dr. Sigurbjörn Ein-
arsson, biskup, bar mikla umhyggju
fyrir þessum stað, og sýndi það svo
um munaði um sína daga, m.a. með
því að reisa staðinn myndarlega við
eftir langt niðurlægingartímabil. Svo
vel þekki ég til hugsjóna hans um
staðinn, að honum hefði engan veginn
litist á hugmyndina um þetta timb-
urferlíki í Skálholtslandinu, sem
myndi stangast á við allt annað á
staðnum, enda sá hann heldur aldrei
Skálholt fyrir sér sem áfangastað
Flugleiða í Íslandsferðum. Hann
hefði trúlega reynt að fá menn ofan af
svona vitleysu, og fundist þeir heldur
betur vera að fara fram úr sér þar.
Þjóðkirkjan er líka alveg einfær um
að ráða framtíð Skálholtsstaðar sjálf
án íhlutunar annarra, og hefur sýnt
það til þessa. Flugleiðum kemur það
mál ekkert við. Þeir geta fundið sér
annan stað til að byggja sín tilgátuhús
en helgasta stað íslenskrar kirkju.
Þess utan á dýrmætum fjármunum
kirkjunnar að vera betur varið í ann-
að en svona vitleysu á þeim tíma, sem
þjóðkirkjan þarf að skera útgjöldin
svo niður við trog og söfnuðir landsins
þurfa að herða sultarólina og berjast
svo mjög í bökkum, að það kemur illi-
lega niður á nauðsynlegasta safn-
aðarstarfi þeirra. Ég er sannfærð um,
að Sigurbirni biskupi hefði ekki hugn-
ast sú forgangsröðun í peninga-
málum, eins og honum var annt um
kirkjustarfið í landinu.
Nær væri að styrkja og styðja bet-
ur við það starf, sem nú er við lýði í
Skálholti, og hlúa að þeim gestum og
gangandi, sem þangað sækja, heldur
en að fara að ana blindandi út í svona
margra milljón króna gæluverkefni
Flugleiðafólks, og á eftir að draga
slæman dilk á eftir sér. Það veitti t.d.
ekki af að bæta aðgengi fatlaðra og
fótafúinna í þeim húsum, sem fyrir
eru, eins og í skólanum og kirkjunni,
svo að þessir hópar geti séð sýn-
inguna í kjallara kirkj-
unnar, svo eitthvað sé
nefnt. Hvers vegna hef-
ur aldrei nokkrum
manni dottið í hug að
koma bókasafni stað-
arins fyrir í bókastofu í
skólanum, þar sem
fræðimenn gætu setið
við skriftir og fræði-
rannsóknir? Það mætti
gera með litlum til-
kostnaði.
Hvernig væri nú að
gera betur í að heiðra
minningu Sigurbjörns biskups þarna
á staðnum, og framkvæma hugsjónir
hans um framtíð staðarins? Ég leyfi
mér að segja, að það, sem nú á að fara
að gera í Skálholti, samrýmist engan
veginn við þær hugmyndir, sem hann
hafði um staðinn, þ.e. aðsetur
mennta, fræða og lista. Það má líka
alveg markaðssetja Skálholt þannig
og til ráðstefnu- og námskeiðahalds,
því að hvar væri betra að halda ráð-
stefnur og námskeið eða stunda
fræðistörf en í kyrrð og unaði hins
forna mennta- og menningarseturs,
enda finnst mér vanta fleiri slíka staði
hér á landi, a.m.k. hér sunnanlands.
Ég er því hjartanlega sammála
þjóðminjaverði og skoðunum hennar
í þessu máli, og hvet hæstvirtan
mennta- og menningamálaráðherra
eindregið til að friða staðinn og forða
okkur frá þeirri hneisu, sem nú er í
bígerð.
Frænda minn, núverandi biskup,
svo og nýkjörinn biskup, hvet ég líka
eindregið til að standa dyggan vörð
um þennan helga mennta- og menn-
ingarstað, og láta ekki svona slys
verða að veruleika, heldur byggja
upp og styrkja starfsemina á staðn-
um í anda þess, sem verið hefur til
þessa, og Sigurbjörn biskup sá fyrir
sér.
Með því að gera þetta að einhverju
kirkjulegu Legolandi Íslands í boði
Flugleiða fyndist mér staðnum og
helgi hans engan veginn vera sú virð-
ing og reisn sýnd, sem honum sæmir.
Mál er að linni.
Um uppbygg-
inguna í Skálholti
Eftir Guðbjörgu
Snót Jónsdóttur
Guðbjörg Snót
Jónsdóttir
»Ég hvet hæstvirtan
mennta- og menn-
ingarmálaráðherra ein-
dregið til að friða stað-
inn og forða okkur frá
þeirri hneisu, sem nú er
í bígerð.
Höfundur er guðfræðingur
og fræðimaður.