Morgunblaðið - 20.07.2012, Blaðsíða 38

38 MENNING
MORGUNBLAÐIÐ FÖSTUDAGUR 20. JÚLÍ 2012
Við leysum málin á einfaldan hátt
www.iss.is
Þórunn Kristjánsdóttir
thorunn@mbl.is
„Þetta er voðalega spennandi og
verður alltaf raunverulegra með degi
hverjum,“ segir Halldór Smárason
sem sest á skólabekk í New York í
haust, nánar tiltekið í Manhattan
School of Music, að nema tónsmíðar
á meistarastigi.
Halldór er 23 ára gamall Ísfirð-
ingur og er nýútskrifaður úr
Listaháskólanum með BA-próf í tón-
smíðum.
Stórborgin New York heillar unga
tónlistarmanninn, að sjá og upplifa
eitthvað allt annað og meira en á litla
Íslandi.
Ísafjörður - New York
Á ísfirsku tónlistarhátíðinni, Við
djúpið, kynntist hann Booklyn-
búanum og tónskáldinu Ellis Lud-
wig-Leone. Vinskapur tókst með
þeim og kom Ellis honum í samband
við kennara sinn, prófessor í Yale-
háskóla. Sú var að leita að leigjanda
að íbúð sinni í New York og voru því
Halldór og kærasta hans, Nadía, til-
valin. Íbúðin er steinsnar frá skóla
Halldórs.
„Þetta er skemmtileg tilviljun og
frábært að þekkja einhvern á staðn-
um. Hann hefur verið mjög hjálpleg-
ur. Þetta er mun auðveldara þegar
manni hefur verið bent á íbúð frá
fyrstu hendi.“
Kærasta hans, Karen Nadía Páls-
dóttir, hyggst stunda frekara söng-
nám úti en hún útskrifaðist í vor úr
klassískum söng frá Listaháskól-
anum.
„Nú er bara tilhlökkun og ég er
feginn að fara ekki einn út,“ segir
Halldór.
Dýr en góður skóli
„Það er hrikalega erfitt að fjár-
magna námið einn, og ég hefði aldrei
getað stundað það án stuðnings.“
Halldór hlaut Fulbright-styrk og
helming skólagjaldanna niður-
felldan, Lánasjóður íslenskra náms-
manna mun brúa bilið. „Svo verður
þetta bara að ráðast. Ég mun einnig
sækja um alla þá styrki sem hægt er
að fá.“
Skólinn er dýr, til að mynda eru
skólagjöldin fyrir eitt ár um 34.000
dollarar sem eru um fjórar og hálf
milljón íslenskra króna.
Honum reiknast til að fram-
færslan og samanlagður kostnaður
sé um 8 milljónir, þar af er hátt leigu-
verð auk framfærslukostnaðar.
„Maður virðist ætla að lifa fyrsta árið
af, miðað við fyrstu tölur að minnsta
kosti. Ég ætla ekki að hafa áhyggur
af öðru árinu fyrr en þar að kemur,
vona að þetta reddist. Ég hlakka
ótrúlega til að fara og upplifa þetta.“
Tónelsk fjöskylda
„Flest frændsystkinin eru spilandi
eða syngjandi,“ segir Halldór, að-
spurður hvort hann komi úr tónelsk-
ri fjölskyldu.
Frænka hans, Margrét Hannes-
dóttir, verður einnig stödd á sama
tíma í New York. Hún stundar meist-
aranám í söng í Princeton-háskóla í
New Jersey. Systkinabörnin eiga ef-
laust eftir að bralla eitthvað
skemmtilegt saman úti því um stutt-
an veg er að fara.
Föðursystur Halldórs eru flottar
fyrirmyndir og færar á sínu sviði.
Hólmfríður Sigurðardóttir er ein-
leikari á píanó og meðleikari í Söng-
skóla Reykjavíkur.
Rannveig Sif Sigurðardóttir er
barokksöngkona í Þýskalandi. Þær
systurnar hafa haldið ófáa tónleika
saman.
Nýkjörinn biskup Íslands, Agnes
Sigurðardóttir, er þriðja systirin sem
spilar á píanó og gott ef hún getur
ekki spreytt sig á orgelinu.
Smári, faðir Halldórs, er einlægur
tónlistarunnandi. Hann fékk tilsögn í
píanóleik hjá syni sínum Halldóri
þegar hann var 8 ára gamall og hefur
látið þar við sitja síðan.
Dúxinn að vestan
Halldór hefur spilað á píanó frá sjö
ára aldri. Sama ár hóf hann tónlist-
arnám við Tónlistarskóla Ísafjarðar
hjá Björk Sigurðardóttur sem
kveikti mikinn áhuga hjá unga
drengnum á tónlist og píanóleik.
Foreldrar Halldórs hafa einnig
veitt honum ómetanlegan stuðning.
„Það komu þær stundir á unglingsár-
unum eins og hjá flestum tónlistar-
unnendum, að ég var við það að gef-
ast upp og vildi hætta. En foreldrar
mínir hvöttu mig alltaf eindregið
áfram sem hefur komið mér á þann
stað sem ég er á í dag.“
Aðaltónlistarkennari Halldórs á
Ísafirði var Sigríður Ragnarsdóttir.
Á sama tíma og hann lauk fram-
haldsprófi í píanóleik varð hann dux
scholae frá Menntaskólanum á Ísa-
firði. Hann hélt útskriftartónleika
fyrir fullu húsi í Hömrum, tónleika-
sal Tónlistarskóla Ísafjarðar, við
góðan orðstír.
Allir tónlistarstílar heilla
Halldór er ekki einhamur tónlist-
armaður, allir stílar heilla hvort sem
það er djass, popp, klassík eða hrein-
lega það sem honum dettur í hug þá
stundina. „Ég spila oft dinnermúsík,
og þess háttar við mismunandi tæki-
færi, stutt er í djassinn og dægur-
lagamúsík. Ég hef einnig oft spilað á
böllum með mismunandi hljóm-
sveitum. Í ár á tónlistarhátíðinni Við
Djúpið spilaði ég í tríó þar sem ólíkir
stílar nutu sín, m.a. popp, latín, búgí,
blús og blúgrass/þjóðlagatónlist.“
Hann klykkir út með því að segja:
„Það er alltaf mjög erfitt að skil-
greina tónlist í stefnur og mér finnst
að maður þurfi ekki endilega að gera
það, hvorki sem flytjandi né neyt-
andi.“
Hann grípur einnig í harmóniku
og spilar með balkanhljómsveitinni,
Orphic Oxtra. Fjöldi meðlima þeirr-
ar hljómsveitar er á reiki þar sem
margir eru að mennta sig erlendis.
Tónsmíðar Halldórs heilla en hann
varð, ásamt tveimur öðrum, hlut-
skarpastur í verkefninu Leit að nýj-
um tónskáldum sem Við Djúpið stóð
fyrir vorið 2011 og var verk hans
Grunnavík fyrir óbókvartett frum-
flutt á hátíðinni.
Ljóst er að framúrskarandi tón-
listarmaður er þar á ferð. Ef til vill
kemur hann heim aftur með nýja
þekkingu í farteskinu og ferska
strauma inn í tónlistarlífið.
Tónsmíðar í stóra eplinu
 Ungur Ísfirðingur sest á skólabekk í virtum tónlistarskóla til að stunda meistaranám í tónsmíðum
Morgunblaðið/Árni Sæberg
Afslöppun Halldór slakar á í íslenskri náttúru með Míló áður en haldið er í ys og þys stórborgarinnar.
Halldór er fyrsti Íslendingurinn
sem stundar nám í tónsmíðum
við skólann í 25 ár. Þó nokkrir Ís-
lendingar hafa numið við skól-
ann; hljófæraleik, sönglist og
tónsmíðar.
Skólinn var stofnaður 1917 og
býður upp á nám til BA-, MA- og
doktorsgráðu í tónlistarflutningi
og tónsmíðum.
Síðasti íslenski nemandinn í
tónsmíðadeildinni var Ríkharður
H. Friðriksson, raftónlistarmaður og kennari við Listaháskólann. Hann
stundaði mastersnám í tónsmíðum árin 1985-87 og útskrifaðist fyrir 25
árum.
Gréta Guðnadóttir, fiðluleikari með Sinfóníuhljómsveit Íslands, út-
skrifaðist úr skólanum með mastersgráðu á sama tíma, 1987. Um svipað
leyti var Sigurlaug Eðvaldsdóttir, fiðluleikari, einnig í mastersnámi.
Ingveldur Ýr Jónsdóttir messósópran stundaði þar mastersnám í
sönglist.
Sigurður Bjarki Gunnarsson sellóleikari lauk BA-gráðu frá skólanum
árið 1998.
Fyrsti Íslendingurinn í tón-
smíðum í skólanum í 25 ár
THE MANHATTAN SCHOOL OF MUSIC
Skólinn The Manhattan School of Music.
Í dag stígur hljómsveitin Múgsefjun
á svið á Bar 11. Hljómsveitin gaf út
sína fyrstu plötu árið 2008 sem
nefndist Skiptar skoðanir og nú í ár
gáfu þau út plötuna Múgsefjun. Á
þeirri hljómplötu var m.a. lagið
Fékkst ekki nóg sem hefur setið
nærri toppnum á vinsældalista Rás-
ar 2 undanfarnar vikur.
Þá spilar hljómsveitin Kiriyama
Family á laugardagskvöldið á Bar
11 en sú hljómsveit er „kvintett af
suðurströnd Íslands,“ eins og segir
í tilkynningu. Þau gáfu út sína
fyrstu plötu í vor þetta ár sem var
samnefnd hljómsveitinni.
Húsið verður opnað kl. 21 bæði
kvöldin og aðgangur er ókeypis.
Herlegheit á Bar 11
Kiriyama Family Á Bar 11 um helgina.