Morgunblaðið - 13.09.2012, Síða 6

BAKSVIÐ
Viðar Guðjónsson
vidar@mbl.is
Gert er ráð fyrir niðurskurði um 1%
til reksturs háskóla og háskólastofn-
ana og um 1% niðurskurði til reksturs
framhaldsskóla á næsta ári sam-
kvæmt fjárlagafrumvarpinu sem
kynnt var í fyrradag.
Niðurskurður í fjárveitingum er
minni en undanfarin ár og aukið
framlag er veitt til rannsókna.
Ari Kristinn Jónsson, rektor HR,
bendir á að þótt fyrirhugaður niður-
skurður sé minni en undanfarin ár
komi hann ofan á niðurskurð fyrri
ára. „Við getum svo sett það í sam-
hengi við þá staðreynd að áður en
þessi niðurskurður hófst, þá vorum
við fyrir neðan meðaltal OECD-landa
í framlögum á hvern háskólanemanda
árið 2008,“ segir Ari.
Samdráttur um fjórðung
Í skýrslu frá árinu 2008 kemur
fram að meðalframlag á hvern nem-
anda í háskóla á Íslandi er 75% af því
sem það er í OECD-löndunum og
58% af framlagi á hvern nemanda
annars staðar á Norðurlöndum. Frá
árinu 2008 hefur dregið úr útgjöldum
á hvern nemanda um fjórðung að
raunvirði.
Samkvæmt frumvarpinu er hag-
ræðingarkrafa á Háskóla Íslands upp
á 108 milljónir. Kristín Ingólfsdóttir,
rektor Háskóla Íslands, segir að skól-
inn hafi þurft að mæta 18% niður-
skurði frá árinu 2008 og bætist 1% nú
ofan á. Á sama tíma hefur fjölgun
nemenda við skólann numið 20%.
„Miðað við þann mikla niðurskurð
sem á undan er genginn, þá segir það
sig sjálft að það er orðið mjög erfitt að
reka skólann með viðunandi hætti,“
segir Kristín. Hún fagnar auknu
framlagi í samkeppnissjóð auk fram-
lags til byggingar fyrir stofnun Vig-
dísar Finnbogadóttur í erlendum
tungumálum. „Hins vegar vantar
ennþá fjármagn sem er ígildi 350
nemenda og nemur um 200 milljónum
króna,“ segir Kristín.
Hún segir Háskóla Íslands þurfa
3,6 milljarða íslenskra króna til þess
að ná meðaltali framlaga til háskóla
annarra OECD-ríkja.
Þarf meiri skilning
Heildarútgjöld til reksturs fram-
haldsskóla lækka um rúmar 220 millj-
ónir króna. „Þegar skorið er niður í
menntun þarf ráðherra að fá meiri
skilning fyrir því í samfélaginu að það
er ekki farsæl leið. Niðurskurðurinn
mun ekki bíta okkur strax, heldur
mun hann koma í ljós að nokkrum ár-
um liðnum,“ segir Jón Már Héðins-
son, rektor Menntaskólans á Akur-
eyri.
Niðurskurðurinn mun bíta
okkur eftir nokkur ár
Morgunblaðið/Ernir
Háskólanám Fjárlagafrumvarpið fyrir árið 2013 gerir ráð fyrir niðurskurði á framlögum til háskólanna í landinu.
 Kemur ofan á niðurskurð fyrri ára í framhalds- og háskólum landsins
6 FRÉTTIRInnlent
MORGUNBLAÐIÐ FIMMTUDAGUR 13. SEPTEMBER 2012
Gert er ráð fyrir 815 þús-
und króna framlagi með
hverjum nemanda í fram-
haldsskóla í fjárlaga-
frumvarpinu. Að sögn Val-
gerðar Gunnarsdóttur,
formanns Skólameist-
arafélags Íslands, eru
framlög til hvers nem-
anda í framhaldsskóla að
meðaltali tæplega 400
þúsund kr. lægri en til handa nem-
endum í leikskólum,
grunnskólum og háskólum
á Íslandi. „Við höfum ekki
fjármagn til að endurnýja
búnað. Við erum búin að
skera niður allt sem hægt
er. Við spyrjum okkur hvað
það er á framhalds-
skólastigi sem gerir það að
verkum að það er hægt að
keyra framlögin svona
svakalega niður þar?“
Hvers vegna svo lágt framlag?
MUN LÆGRA FRAMLAG MEÐ FRAMHALDSSKÓLANEMENDUM
Valgerður
Gunnarsdóttir
Ómar Friðriksson
omfr@mbl.is
Niðurskurður á framlögum til
Vinnumálastofnunar í fjárlagafrum-
varpinu er langtum meiri en stjórn-
endur hennar áttu von á og ekki í
neinu samræmi við minnkandi at-
vinnuleysi í landinu, að mati Gissur-
ar Péturssonar, forstjóra Vinnu-
málastofnunar.
Haldinn var stjórnarfundur í
Vinnumálastofnun í gærmorgun þar
sem farið var yfir þessi tíðindi og
ætla forsvarsmenn stofnunarinnar
að bregðast strax við. „Við erum að
fá þessi tíðindi og eigum eftir að
ræða þetta við ráðuneytið,“ segir
Gissur. Niðurskurðurinn sé langt
umfram það sem eðlilegt megi telja
miðað við þá þjónustukröfu sem
Vinnumálastofnun þurfi að uppfylla.
Í fjárlagafrumvarpinu er boðaður
ríflega 36% niðurskurður rekstrar-
útgjalda hjá Vinnumálastofnun og
eiga gjöldin að dragast saman um
78,6 milljónir kr. á næsta ári að frá-
töldum verðlagshækkunum, sem
nema 4,6 milljónum. Gangi þetta eft-
ir verður fjárveit-
ing til stofnunar-
innar nálega
helmingi minni en
rekstur hennar
kostaði á árinu
2011. Útgjalda-
lækkunin er rök-
studd með því að
samhliða minnk-
andi atvinnuleysi
verði hægt að draga þetta mikið úr
starfsemi Vinnumálastofnunar.
„Þetta er alveg út í hött,“ segir
Gissur. Margt sé enn óútfært varð-
andi lengd bótatímabilsins og fjölda
skjólstæðinga Vinnumálastofnunar
með tilliti til þess. Um 150 manns
starfa á vegum Vinnumálastofnunar
og ef niðurskurðurinn gengi eftir
yrði mikill samdráttur á starfsem-
inni. „Ætli það myndi ekki jaðra við
að vera hópuppsögn. Ég trúi ekki að
það muni verða að veruleika,“ segir
Gissur. „Stofnunin stækkaði í kjölfar
hrunsins og að sjálfsögðu er ekki
óeðlilegt að hún minnki aftur þegar
ástandið batnar, en það verður þá
líka raunverulega að gera það.“
Niðurskurðurinn
myndi „jaðra við að
vera hópuppsögn“
 Skert framlög til Vinnumálastofnunar
í engu samræmi við minna atvinnuleysi
Gissur Pétursson
Góðri makrílvertíð lýkur senn, en
samkvæmt bráðabirgðatölum
Fiskistofu var í gær búið að veiða
144.700 tonn af makríl í ár. Kvóti
ársins er um 500 tonnum meiri, en
heimilt er að færa ákveðið hlutfall
milli ára. „Þetta hefur gengið mjög
vel, tíðarfarið verið gott og makríll
um allan sjó,“ sagði útgerðarmaður
sem rætt var við í gær.
Í fyrra var útflutningsverðmæti
makríls yfir 25 milljarðar en verð á
afurðum hefur eitthvað gefið eftir í
ár. Í fyrra voru veidd 159 þúsund
tonn af makríl.
Yfir 30 þúsund tonnum af makríl
hefur verið landað í Neskaupstað
og Vestmannaeyjum og Vopna-
fjörður er í þriðja sæti löndunar-
hafna með rúmlega 15 þúsund tonn.
aij@mbl.is
Góðri vertíð að ljúka
enda „makríll um
allan sjó“
Brot 70 ökumanna voru mynduð á
Fjallkonuvegi í Reykjavík við um-
ferðareftirlit lögreglunnar í gær.
Fylgst var með ökutækjum sem var
ekið Fjallkonuveg í austurátt, við
Foldaskóla. Á einni klukkustund,
eftir hádegi, fóru 134 ökutæki
þessa akstursleið og því ók meiri-
hluti ökumanna, eða 52%, of hratt
eða yfir afskiptahraða. Meðalhraði
hinna brotlegu var 43 km/klst en
þarna er 30 km hámarkshraði. Níu
óku á 50 km hraða eða meira en sá
sem hraðast ók mældist á 62.
Helmingur ók of
hratt á Fjallkonuvegi
Þær skerðingar
sem gerðar voru
á kjörum starfs-
manna Garða-
bæjar og Reykja-
nesbæjar í
kjölfar hrunsins
hafa gengið til
baka.
Í Garðabæ
kom launaskerð-
ing til fram-
kvæmda árið 2009 og var hún í
formi skertrar yfirvinnu og bifreið-
arstyrks. Tekjur þeirra sem höfðu
yfir 400.000 kr. á mánuði skertust
um 5-9,5% Starfsmenn á fastlauna-
samningi fengu enga launalækkun
nema í formi lækkaðs bílastyrks og
því lækkuðu laun þeirra mjög lítið.
Skerðingarnar hafa allar gengið til
baka á árinu en þó hefur bifreið-
arstyrkur ekki hækkað. Þá lækk-
uðu laun bæjarstjórnar, bæjarráðs
og laun fyrir setu í nefndum á veg-
um bæjarins um sama hlutfall og
þingfarakaup árið 2009 eða 7,5%.
Síðan hafa laun áðurnefndra hópa
hækkað aftur með ákvörðun-
um um hækkandi þingfarakaup.
Í Reykjanesbæ var samið við
starfsmenn á skrifstofum Reykja-
nesbæjar um skert starfshlutfall og
þar af leiðandi náðist sparnaður í
launakostnaði. Starfsmenn voru í
90% starfshlutfall tímabundið
þangað til í lok síðasta árs. Einnig
var afgreiðslutími skertur í ýmsum
stofnunum eins og í íþróttamiðstöð-
inni og bókasafni en starfshlutfalli
starfsmanna þar hefur nú verið
komið í fyrra horf, að sögn Árna
Sigfússonar bæjarstjóra.
heimirs@mbl.is
Launaskerð-
ingar hafa
gengið til baka
Gunnar
Einarsson
Smiðjuvegi 2, Kóp - S. 554 0400
Kynningarverð í september
Hágæða útiljós frá Svíþjóð
25 ára
ábyrgð
gegn ryði og tæringu
Skoðið úrvalið á
www.grillbudin.is
25 ára
ábyrgð
gegn ryði og tæringu
KYNNINGAR
VERÐ
14.900
KYNNINGAR
VERÐ
8.500