Morgunblaðið - 15.09.2012, Blaðsíða 48

48 MENNING
MORGUNBLAÐIÐ LAUGARDAGUR 15. SEPTEMBER 2012
Kolabrautin er á 4. hæð Hörpu
Borðapantanir í síma 519 9700
info@kolabrautin.is
www.kolabrautin.is
Besti kokteilbarinn 2012
að mati Reykjavík Grapevine
Hvort sem þú vilt kalla drykkinn þinn
hanastél eða kokteil þá er ljóst hvar best er
að njóta hans. Reykjavík Grapevine komst
að þeirri niðurstöðu í árlegri úttekt sinni að
Kolabrautin hefði að bjóða besta kokteilbar
borgarinnar árið 2012.
Komdu og bragðaðu á ógleymanlegu kvöldi.
GunnhildurÁsta Guðmundsdóttir
gunnhildur@mbl.is
Sýning Rúmenans Dan Perjovschi,
News from the Island, verður opnuð
í dag í Hafnarhúsinu. Perjovschi er
einn áhrifamesti graffítí- og teikni-
myndalistamaður samtímans. Leit-
ast hann við að vekja fólk til um-
hugsunar um viðteknar venjur og
gildi í verkum sínum og almenn við-
horf til samtímans nú á tímum vest-
rænnar markaðshyggju.
Til þessa notast hann við blöndu
almennra og pólitískra skopmynda
og graffítís, þar sem undirtónninn er
eftir sem áður alvarlegur þrátt fyrir
gamansamt samhengi oft á tíðum.
„Fólk getur brosað saman að mis-
munandi verkum og fundið sig þann-
ig í samfélagi við næsta mann en á
sama tíma gefur húmorinn einnig
færi á ákveðinni fjarlægð frá við-
fangsefninu, á sama tíma og fólk lít-
ur sér nær,“ segir listamaðurinn.
Sneri baki við hefðbundinni
myndlist eftir 12 ár
Perjovschi er klassískt menntaður
myndlistamaður og starfaði sem
slíkur fyrstu 12 ár ferils síns. Að eig-
in sögn spilaði margt inn í þá
ákvörðun hans að skipta algjörlega
um stíl eftir 12 ár í hefðbundinni
myndlist, þar ekki síst fall komm-
únismanns í Rúmeníu undir lok ní-
unda áratugarins. „Að mínu viti var
ekki hægt að endurspegla hinn nýja
raunveruleika sem við blasti við í
málverkinu,“ segir Perjovschi. „Ég
varð að teikna samtímann, raun-
veruleikann, og þurfti hraðvirkari
leið til að koma breytingunum til
skila. Þar kom teikningin sterk inn“.
Réð Perjovschi sig m.a. til póli-
tísks tímarits þar sem hann leitaðist
við að taka flóknar fréttir úr sam-
tímanum og færa yfir á einfalt og
háðskt myndmál, en engu að síður
þýðingarmikið.
„Frá byrjun leitaðist ég við að
hafa stílinn einfaldan eins og til að
bæta aðeins upp fyrir ringulreiðina
og flækjustigið sem annars var
ríkjandi,“ segir hann.
Aðrir litir trufla
Verk sín í dag vinnur Perjovschi
beint á veggi sýningarrýmanna sem
þau sýna.
Um er að ræða einfaldar en beitt-
ar teikningar og orð sem listamað-
urinn skrifar með svörtum túss á
hvíta fletina. Sumar teikninganna
hefur hann teiknað áður en aðrar
sækir hann innblástur í á þeim og
þeim stað sem hann dvelur hverju
sinni. „Ég held mig við svarta og
hvíta litinn, þar sem andstæðurnar
eru sem mestar. Aðrir litir þýða svo
mismunandi hluti fyrir fólk,“ segir
hann.
Í upphafi mæltist þessi vinnuað-
ferð Perjovschis, að mála beint á
veggi sýningarrýma, miður vel fyrir.
Hefur þó orðið breyting á og var
hann til dæmis fyrsti listamaðurinn
til að nýta anddyri MOMA lista-
safnsins í New York sem sýning-
arrými árið 2007, semsafnið hefur
notað sem slíkt allar götur síðan. Áð-
ur hafði Perjovschi m.a. vakið mikla
athygli sem fulltrúi Rúmena á Fen-
eyjatvíæringnum árið 1999 en hann
hefur einnig teiknað verk sín á veggi
þekktra safna og gallería víða, m.a. í
Tate Modern í London, Centre Pom-
pidou í París o.s.frv.
Auk sýningaropnunarinnar í dag
tekur Perjovschi þátt í listamanns-
spjalli í Hafnarhúsinu á morgun,
sunnudag, kl. 16.
Morgunblaðið/Ómar
Samtímaspegill Perjovschi var í miðjum klíðum við að koma verkum sínum
á veggi D-salar í Hafnarhúsi þegar ljósmyndara blaðsins bar að garði.
Gagnrýnt graffítí
í svörtu og hvítu
 Dan Perjovschi sýnir í Hafnarhúsi
Helgi Snær Sigurðsson
helgisnaer@mbl.is
Síbreytileg sjónhverfing, máttur
tímans og pólitísk samfélagsádeila
eru efni þriggja sýninga sem opn-
aðar verða í Listasafni Reykjavíkur,
Hafnarhúsi, í dag kl. 16. Í D-sal
verður opnuð sýning rúmenska
listamannsins
Dan Perjovschi
(sjá umfjöllun til
hliðar) og í öðr-
um sölum safns-
ins sýningin HA
og Hreyfing
augnabliksins.
Hanna Styrm-
isdóttur er sýn-
ingarstjóri þeirr-
ar fyrrnefndu og
Hafþór Yngvason, forstöðumaður
safnsins, þeirrar síðarnefndu. Í
Hreyfingu augnabliksins eru könn-
uð umbreytingaröfl og tengjast
verkin á henni framvindu og breyt-
ingum. Verkin eru eftir listamenn-
ina Jóhann Eyfells, Þór Elís Páls-
son, Hörpu Árnadóttur, Guðrúnu
Einarsdóttur, Rögnu Róbertsdóttur
og Sólveigu Aðalsteinsdóttur.
Ástandsbreytingar
„Þetta eru málverk, ljósmyndir
og eitt verk sem er í hefðbundnum
skilningi tímatengt. Verkin eru
þannig gerð að listamennirnir
sleppa tökunum á þeim meðan þeir
eru að gera þau, lofa efnablönd-
unum að virka sjálfum. Til dæmis
blandar Guðrún Einarsdóttir mis-
munandi tegundir og magn af olíu
og olíulitum og olíublöndunarefn-
um. Hún blandar þetta allt upp á
nýtt, þynnir þetta út þannig að
þetta er lengri tíma að þorna. Svo
lætur hún þetta sitja kannski í 12-14
mánuði á meðan þetta er að þorna
og þá fara efnablöndurnar að
mynda sín eigin form og ráða form-
unum á verkunum. Það er eiginlega
sammerkt með öllum þessum verk-
um. Harpa Árnadóttir málar strig-
ann með litadufti og síðan með lími
og svo aftur með litadufti og lími,
mörg þunn lög og þetta hefur þau
áhrif að yfirborðið skreppur saman
og mýkist á víxl, það springur, allt
yfirborðið verður í sprungum án
þess að hún stjórni því. Hún leyfir
efnabreytingunum að skapa verk-
ið,“ segir Hafþór um Hreyfingu
augnabliksins.
Hafþór segir verk Jóhanns Ey-
fells á sýningunni mjög stórt en það
hefur aldrei verið sýnt áður. „Hann
tekur langan klæðisstranga, hvítt
léreft og leggur það í blauta mold,
leðju, og setur málm ofan á það og
leyfir því að vera í nokkrar vikur.
Þegar hann tekur það upp hefur
málmurinn stimplað eða prentað
ákveðin för í efnið og moldin hefur
sín áhrif líka. Þannig að hann vinn-
ur á svipuðum nótum.“
Hafþór segir innsetningu Söru
Björnsdóttur í A-sal safnsins helj-
armikla og að mikil vinna liggi að
baki því. „Hún tekur ljósmyndir af
rýminu sjálfu og innsetningin geng-
ur út á það að hún varpar myndum
af rýminu á veggi rýmisins og rugl-
ar sýnina. Þetta kemur mjög sterkt
út,“ segir Hafþór. Sara noti hvorki
meira né minna en tíu skjávarpa í
verkinu og safnið hafi þurft að end-
urnýja skjávarpaflota sinn fyrir
það.
Tökunum sleppt og gest-
ir „ruglaðir í rýminu“
 Þrjár sýningar
verða opnaðar í
Hafnarhúsi í dag
Morgunblaðið/Ómar
Umbreyting Verk Jóhanns Eyfells á sýningunni Hreyfingu augnabliksins.
Rými Sara Björnsdóttir varpar myndum af sýningarrýminu á veggi þess í Hafnarhúsi.
Hafþór Yngvason
Myndlistarkonan Ásdís Kalman
opnar sýninguna Ljóseindir í sal fé-
lagsins Íslensk grafík í dag kl. 15.
Sýningarsalurinn er í Hafnarhúsi,
hafnarmegin, Tryggvagötu 17.
Á sýningunni má sjá abstrakt ol-
íumálverk eftir Ásdísi en í þeim
dregur hún fram ljósaminningar og
upplifanir og hvernig þær geta
birst í málverkinu, eins og segir í
tilkynningu.
Sýningin í sal grafíkfélagsins er
áttunda einkasýning Ásdísar en
hún hefur sýnt víða, m.a. í Listasal
Mosfellsbæjar, Ásmundarsal, Nor-
ræna húsinu og tekið þátt í samsýn-
ingum hér á landi sem og erlendis,
m.a. í Frakklandi og Danmörku.
Ásdís nam myndlist við Mynd-
lista- og handíðaskóla Íslands og
hlaut kennsluréttindi frá Listahá-
skóla Íslands árið 2004.
Sýningin Ljóseindir verður opin
miðvikudaga til sunnudaga frá kl.
14-18. Henni lýkur sunnudaginn 30.
september.
Ljóseindir í
grafíksal
Ljóseindir Ásdís við eitt verka
sinna í sal Íslenskrar grafíkur.