Morgunblaðið - 01.11.2012, Page 24

S
íendurtekinn reiðilestur Jóhönnu
Sigurðardóttur um pólitíska nauð-
syn þess að einangra Sjálfstæð-
isflokkinn minnir helst á reglu-
bundnar bölbænir Katós gamla um
Karþagó. Stjórnmálaforingi sem hyggst setjast
í helgan stein á að kveðja með boðlegri hætti en
Jóhanna gerir.
Þetta raus Jóhönnu um illa andstæðinginn er
lítt skiljanlegt þar sem Sjálfstæðisflokkurinn
er borgaralegur flokkur sem stendur vörð um
réttindi einstaklingsins og styður atvinnu-
uppbyggingu. Það er einkennilegt ef pólitísk
stefna af þeirri gerð jafngildir því að flokkur sé
stimplaður sem þjóðhættulegur. Öfgafullt tal,
eins og það sem núverandi formaður Samfylk-
ingarinnar tíðkar, minnir á hversu mikilvægt
það er að næsti formaður Samfylkingarinnar
sé öfgalaus, sjái ekki óvini í atvinnurekendum og gefi fjár-
magni ekki stöðugt illt auga. Það er sem sagt nokkuð mik-
ilvægt að Árni Páll Árnason verði næsti formaður Sam-
fylkingarinnar. Þótt maður sárvorkenni honum reyndar
að þurfa að vinna með megninu af þingflokki Samfylking-
arinnar. Þar virðist ekki ætla að verða nauðsynleg end-
urnýjun. En góðar óskir fylgja Árna Páli í erfiðu og lítt öf-
undsverðu verkefni.
Heppilegast væri fyrir þjóðarhag að Samfylking og
Sjálfstæðisflokkur mynduðu næstu ríkisstjórn, en því mið-
ur ríkir næsta sjúkleg tortryggni á milli þessara flokka,
sem Jóhanna Sigurðardóttir hefur átt stóran þátt í að
skapa. Þetta er synd því þessir flokkar gætu
átt svo ljómandi vel saman. Evrópusambandið
þarf allavega ekki að verða að ágreiningsefni
því þjóðin mun leiða það mál til lykta í þjóð-
aratkvæðagreiðslu. Þess vegna þarf ekki allan
þennan trylling.
Þótt þjóðin hafi ekki nennt að mæta í kosn-
ingar um tillögur stjórnlagaráðs mun hún
mæta í atkvæðagreiðslu um Evrópusam-
bandið. Og þar sem við erum þrjóskir eyj-
arskeggjar og einangrunarsinnar í eðli okkar
munum við hafna aðild. Samfylkingin getur
haldið áfram að vona annað og við hin sem er-
um einnig stuðningsmenn Evrópusambands-
ins munum sömuleiðis halda áfram að vona að
þjóðin skipti um skoðun. Óskin um inngöngu
Íslands í Evrópusambandið mun samt ekki
rætast. Þetta eiga sjálfstæðismenn að vita –
því ekki eru þeir vitlausir – og því er algjör óþarfi af þeim
að æsa sig og krefjast þess að viðræðum við Evrópusam-
bandið verði slitið.
Næsti formaður Samfylkingarinnar, sem vonandi verð-
ur Árni Páll, ætti að velta því fyrir sér hvort ekki væri
heppilegt að mynda stjórn með Sjálfstæðisflokknum, stað-
föstum flokki sem hefur skýra stefnu, í stað þess að
mynda þriggja flokka óróleikastjórn Samfylkingar, Fram-
sóknarflokks og Vinstri grænna. Það er vonandi ekki
þannig að Árni Páll þrífist á spennu og óróa og horfi áfjáð-
ur í átt að villta vinstrinu þar sem Vinstri grænir slást svo
rösklega. kolbrun@mbl.is
Kolbrún
Bergþórsdóttir
Pistill
Næsti formaður í nýrri ríkisstjórn
24
MORGUNBLAÐIÐ FIMMTUDAGUR 1. NÓVEMBER 2012
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Stefán HaukurJóhannesson,
sem titlaður er
aðal-
samningamaður Ís-
lands í viðræðum
við Evrópusam-
bandið, ræddi stöðu viðræðn-
anna í útvarpsviðtali í fyrradag.
Hann sagði að búið væri að opna
um 2⁄3 kaflanna 33 sem viðræð-
urnar snúast um og innihalda
þær reglur sem Ísland þarf að
taka upp til að gerast aðili að
Evrópusambandinu.
Stefán Haukur sagði að af
þessum 33 köflum hefðum við í
raun tekið yfir 21 í gegnum
EES-samninginn og sagði það
skýra „af hverju það hefur geng-
ið tiltölulega vel með marga af
þessum köflum.“ Hann sagði
ennfremur, sem áður hefur
komið fram, að útilokað væri að
viðræðum allra kafla yrði lokið
fyrir kosningar
næsta vor.
Athyglisverðara
var að hann virtist
telja ólíklegt að við-
ræður um alla kafla
yrðu hafnar fyrir
kosningar.
Þingmenn vinstri grænna
hafa sagt að þeir vilji ekki að
þetta mál dragist fram yfir
kosningar og einhverjir þeirra
vilja að þessu ljúki nú þegar.
Eftir að „aðalsamningamaður
Íslands“ hefur tjáð sig með þeim
hætti að ólíklegt sé að viðræður
hefjist um alla kafla fyrir kosn-
ingar, hvað þá að þeim ljúki, eft-
ir hverju eru þessir þingmenn
þá að bíða? Ef það sem þeir
segja um viðræðurnar er annað
en orðin tóm þá stöðva þeir
þessu endaleysu nú þegar. Þeir
geta gert það hvenær sem er sé
viljinn fyrir hendi.
Aðlögunarviðræð-
urnar ganga svo vel
að þær dragast sí-
fellt meira á langinn}
Nú reynir á þingmennina
Þá er nýskýrsla umgamla málið
loksins komin. Hún
er um kostnað rík-
isins af fjárhags-
og mannauðskerf-
inu Orra. („Mann-
auðskerfi“ er eitt af
þessum sovésku
1984 glans-
hugtökum og tekur
til starfsmanna og starfs-
mannahalds). Glaðastur allra er
sjálfsagt gamli þingforsetinn,
Halldór Blöndal, en það var
einmitt hann sem nefndi það í
framhjáhlaupi við gamla ríkis-
endurskoðandann árið 2004 að
Jóhanna hefði verið með eitt-
hvert suð í þingsalnum um
þetta mannauðskerfi og hvort
mannauðurinn hjá „renda“
gæti ekki gert um suðið
skýrslu, en það var og er þekkt
að skýrslur virka vel á suð af
flestum tegundum.
Svo var það einum átta árum
síðar að VG taldi sig hafa
ástæður til að þrengja að nú-
verandi „renda“. Var Kastljós
Ríkisútvarpsins sett í það verk-
efni og lekið til þess uppkasti að
skýrslu sem mannauður hafði
haft með sér úr húsi er hann
hætti hjá Ríkisendurskoðun.
Eftir fullkomlega óskiljan-
lega umfjöllun í nokkrum þátt-
um Kastljóssins lýsti Björn
Valur Gíslason því yfir, eins og
stóð til frá upphafi, að núver-
andi „rendi“ nyti ekki lengur
trausts þingsins. Björn Valur
hafði að vísu ekki aðra mælingu
á því trausti en mælingu sem
hann hafði gert á sínum innri
manni, með þeim búnaði sem
var við höndina.
En Björn Valur er tengdur
Steingrími J. mjög
traustum böndum,
þar með töldum
raddböndum, og
koma því jafnan
sömu hljóð út úr
báðum og mun eina
dæmið sem þekkt
er um tvíraddaðan
einsöng. Því þótti
sumum vantraust
Björns Vals á
„renda“ ígildi algjörs van-
trausts þingheimsins.
En einn af einum fjórum
þingforsetum, sem gegnt hafa
hinu háa embætti síðan Hall-
dóri varð á að nefna skýrslu við
þáverandi „renda“ Ásta Ragn-
heiður Jóhannesdóttir, lítur
málið öðrum augum en þeir
Björn og Steingrímur. Hún veit
sem er að þótt Ríkisendur-
skoðun „sorteri“ undir Alþingi
þá hafa einstakir þingmenn eða
nefndir þingsins ekkert boð-
vald yfir þeirri stofnun. Hún
var flutt „undir“ þingið frá fjár-
málaráðuneytinu gagngert til
að tryggja sjálfstæði hennar,
en ekki til að fá enn duttl-
ungafyllri húsbónda til að
hringla í henni. Og síst af öllu
var það skref til sjálfstæðis
stigið til þess að Ríkisendur-
skoðun dansaði framvegis eftir
pípum pótintáta á borð við
Björn Val Gíslason eða annarra
sömu gerðar.
Glati Ríkisendurskoðun
trausti Björns Vals Gíslasonar
fyrir fullt og allt, sem er rétt að
binda vonir við, er meira en lík-
legt að stofnunin bæti sér þann
missi upp og ríflega það, með
vaxandi virðingu þjóðarinnar
upp frá því. Ríkisendurskoðun
gæti vel við þau skipti unað.
Það gæti þjóðin líka.
Það er allt annað
andrúmsloft í land-
inu eftir að skýrsla
um mannauðskerf-
isútboð árið 2001
var birt í tæka tíð,
sem miðuð var við
lok október 2012}
Nú getum við loksins
gleymt gleymda málinu
STOFNAÐ 1913
Útgáfufélag: Árvakur hf., Reykjavík.
Ritstjórar:
Davíð Oddsson Haraldur Johannessen
Aðstoðarritstjóri:
Karl Blöndal
Útgefandi:
Óskar Magnússon
BAKSVIÐ
Helgi Bjarnason
helgi@mbl.is
V
elferðarhópur Lands-
sambands hestamanna-
félaga fjallar um mögu-
leika á breytingum til að
draga úr meiðslum sem
verða á hrossum í keppni. Dýra-
læknir hrossasjúkdóma birtir síðar í
vikunni niðurstöður heilbrigðisskoð-
unar frá landsmóti og Íslandsmóti í
sumar.
Upplýsingar sem Félag hrossa-
bænda birti nýlega sýna að fleiri
hross hafa meiðst í kynbótasýn-
ingum í ár en undanfarin ár. 44
knapar sýndu tíu sinnum eða oftar á
árinu. Af þeim voru sautján með
meidd hross í 25% tilvika eða meira.
Þar er yfirleitt um að ræða svokallað
ágrip þar sem afturfætur rekast í
framfætur vegna þess að meira er
ætlast til af hrossinu en það getur.
Fagráð í hrossarækt ræðir hug-
myndir um að herða reglur þannig
að dómur falli niður ef áverkar sjást.
Það myndi væntanlega leiða til
þess að eigendur kynbótahrossa
myndu frekar leita til knapa sem
skila hrossunum heilum í gegnum
sýningar. Þá koma knapar hrossa
sem fengu áverka ekki til greina við
tilnefningar kynbótaknapa vegna
komandi uppskeruhátíða. Það varð
til þess að menn sem hafa náð góðum
árangri á kynbótasýningum eru ekki
gjaldgengir.
Ekki tekist að bæta úr
Sigríður Björnsdóttir, dýra-
læknir hrossasjúkdóma, skipuleggur
skoðun á heilbrigði keppnishrossa á
landsmóti og Íslandsmóti. Í ár voru
kynbótahrossin á LM einnig skoðuð
með sama hætti, fyrir fyrstu sýn-
ingu.
Niðurstöður skoðunar á síðasta
ári leiddu í ljós að áverkar voru í
munni fjórðungs hrossa sem kepptu
á þessum mótum, sem er svipað
hlutfall og árin á undan. Neðri kjálki
var sérstaklega skoðaður og reynd-
ust bólgur og sár hjá um 15%
hrossanna. Leiddar voru líkur að því
að þessir áverkar væru vegna óvar-
legrar notkunar stangaméla með
tunguboga.
Sigríður mun í vikunni birta
niðurstöður skoðunar sinnar fyrir
þetta ár. Hún segir að ástandið nú sé
öllu verra en var á árinu 2011. Knap-
arnir hafi almennt ekki náð að takast
á við munnáverkana sem séu býsna
alvarlegir út frá sjónarmiði velferðar
dýra. Hins vegar hafi tekist að draga
úr áverkum á olnbogum framfóta.
Þegar skýrsla dýralæknis
hrossasjúkdóma kom út fyrir ári
ákvað stjórn Landssambands hesta-
mannafélaga að skipa velferðarhóp
til að taka á þessum málum. Hóp-
urinn hefur tekið til starfa og meðal
annars fengið upplýsingar frá Sig-
ríði. „Við erum að vinna að þessu
með velferð hestsins í huga,“ segir
Haraldur Þórarinsson, formaður
LH.
„Þetta er ákveðið vandamál sem
við erum að fást við og ætlum okkur
að vinna okkur út úr. Alls staðar þar
sem keppni er hleypur mönnum
kapp í kinn og ganga eins langt og
hægt er og sumir of langt. Það þarf
að leiðrétta,“ segir Haraldur. Hann
telur það best gert með upplýsingum
og fræðslu, frekar en að banna
ákveðinn búnað.
„Greinin verður að líta heild-
stætt á allt keppnisformið og taka á
því á breiðum grundvelli,“ segir Sig-
ríður um mögulegar úrbætur. Hún
segir að þetta sé langtímaverkefni
og telur mikilvægt að hestamenn
komi sjálfir með tillögur til úrbóta.
Endurskoða þarf
keppnisfyrirkomulag
Morgunblaðið/Styrmir Kári
Heilbrigðisskoðun Sigríður Björnsdóttir dýralæknir skoðar í munn hests á
Landsmóti hestamanna sem haldið var í Víðidal í Reykjavík í sumar.
Öll hross sem keppa í helstu
flokkum á Landsmóti hesta-
manna undirgangast dýralækn-
isskoðun þar sem metið er
hvort þau séu hæf til keppni.
Þau fá ekki að keppa ef dýra-
læknir úrskurðar þau óhæf til
þess.
Skoðunin fer fram samkvæmt
forskrift sem Sigríður Björns-
dóttir, dýralæknir hrossa-
sjúkdóma hjá Matvælastofnun,
hefur þróað í samvinnu við LH,
og nefnd er „Klár í keppni“.
Hrossin eru skoðuð fyrir
hverja keppnisgrein í und-
ankeppni, milliriðlum og úrslit-
um. Hrossin sem komast lengst
eru því skoðuð nokkrum sinn-
um.
Athugað er almennt ástand
hrossins, fætur sérstaklega
þreifaðir og munnur skoðaður.
Hrossin „klár
í keppni“
HEILBRIGÐISSKOÐUN