Morgunblaðið - 13.11.2012, Page 36
36 DÆGRADVÖL
MORGUNBLAÐIÐ ÞRIÐJUDAGUR 13. NÓVEMBER 2012
Stjörnuspá
21. mars - 19. apríl
Hrútur Geggjun og snilld fara saman. Hvers
kyns hópvinna færir þér gleði. Stígðu fyrsta
skrefið, ef þess þarf.
20. apríl - 20. maí
Naut Mikilvægt fólk heillast auðveldlega af
þér í dag. Finndu nýtt áhugamál svo þér
leiðist ekki, það er líka gott að eiga áhuga-
mál.
21. maí - 20. júní
Tvíburar Notaðu daginn í dag til þess að
bæta andrúmsloftið heima fyrir. Vissulega
hefur buddan orðið fyrir barðinu á dýrtíð-
inni, farðu varlega í verslunum.
21. júní - 22. júlí
Krabbi Vissir aðilar skilja þig hreinlega
ekki. Gerðu aðeins það sem þér þykir rétt
að gjöra. Leitaðu leiða til að stuðla að því
að allir fái að njóta sín.
23. júlí - 22. ágúst
Ljón Þú virðist hafa alla þræðina í hendi
þér svo þú getur ótrauð/ur haldið ætl-
unarverkinu áfram. Þú þarft að einfalda um-
hverfi þitt með því að fækka hlutunum í
kringum þig.
23. ágúst - 22. sept.
Meyja Þú elskar miklar áskoranir og eflist
við hverja þraut. Hvernig væri að hóa vinum
saman og efna til skammdegisveislu?
23. sept. - 22. okt.
Vog Það hefur mikið að segja að sam-
starfsmenn séu samhentur hópur. Skoðaðu
málin frá öllum hliðum og gerðu það upp
við þig hvort þú sért sátt/ur við að van-
rækja þína nánustu eins og þú hefur gert
undanfarið.
23. okt. - 21. nóv.
Sporðdreki Láttu þér í léttu rúmi liggja,
þótt einhverjir séu með stríðni í þinn garð.
Sérhlífni er mjög slæm svo þú þarft að
þræða hinn gullna meðalveg.
22. nóv. - 21. des.
Bogmaður Þú þarft fyrr eða síðar að horf-
ast í augu við staðreyndir. Mundu bara að
ábyrgð fylgir orði hverju og þá er þér ekk-
ert að vanbúnaði. Eitthvað kemur ánægju-
lega á óvart í kvöld.
22. des. - 19. janúar
Steingeit Þú kemst langt á smá kurteisi.
Gildismat þitt er ólíkt gildismati annarrar
manneskju og einhver þarf að gefa eftir.
20. jan. - 18. febr.
Vatnsberi Þú ættir að leggja þig fram um
að bæta samskiptin innan veggja heimilis-
ins í dag. Byrjaðu smátt og smátt að auka
hreyfingu úti við.
19. feb. - 20. mars
Fiskar Ýmis tækifæri standa þér opin í fjár-
málum en farðu gætilega og forðastu alla
óþarfa áhættu. Sýnið þolinmæði og sann-
girni.
Karl Ágúst Úlfsson hefur áreið-anlega ort fleiri bragi sem
sjónvarpað hefur verið til allra
landsmanna en flestir aðrir. Nú yrk-
ir hann á fésbók:
Ég þarf að annast um ýmsa hluti
sem eignast ég smátt og smátt,
þó orðað gæti ég eignarhaldið
á annan og réttari hátt:
Því alla daga ég sé þann sannleik
sveima í kringum mig
að eigirðu fleiri en átta hluti,
þá eiga hlutirnir þig.
Karl Ágúst á marga skemmtilega
vini, þar á meðal Hlyn Þór Magn-
ússon sem skrifar til hans: „Þetta
má syngja undir upphafslaginu í
Allra meina bót eftir Jónas og Jón
Múla:
Ég býð ykkur velkomin hingað í húsið
að horfa á sjónleik vorn,
sem fjallar um ýmis mannleg mein
og mörg þeirra ævaforn.“
Og Hlynur bætir sjálfur við vísur
Karls Ágústs:
Mig langar að eignast fleira og fleira,
fínustu málverk og hús.
Auðæfin heilla mig meira og meira
og moldríkur andast ég fús.
Olnbogavík nefnist ný skáldsaga
hagyrðingsins og góðvinar Vísna-
hornsins, Hermanns Jóhann-
essonar. Það er rafbók sem fjallar
um bókhald, glæpi, óhefðbundna
matargerðarlist og fleira. Sagan
gerist í byrjun þessarar aldar. Ung-
ur og dálítið lífsleiður endurskoð-
andi hefur vetursetu á Olnbogavík.
Hann hefur tekið að sér að leita or-
sakanna fyrir síversnandi tilvist-
arkreppu kaupfélagsins. Bókhalds-
rannsóknin dregst á langinn, tekur
ýmsar óvæntar stefnur.
Arnþór Helgason stóðst ekki mát-
ið og fjárfesti í Olnbogavík. Hann
skrifar á Leirinn, póstlista hagyrð-
inga: „Viti menn! Skjálesarinn minn
greiddi ágætlega úr bókinni.
Glæpasögu Hermann hefur
haganlega bangað saman.
Yfir henni enginn sefur,
er að henni mesta gaman.
Til hamingju, Hermann. Ef þú
skyldir gefa út annað bindi ævi-
minninga bókhaldarans mættirðu
fórna eins og nokkrum stökum af
munni hans eða séra Gunnars.“
Hermann var fljótur til svars:
Engar vísur eru kunnar
eftir séra Gunnar.
Hann er eins og aðrar bullur
oftast fullur.
Pétur Blöndal
pebl@mbl.is
Vísnahorn
Af eignarhaldi, sjónleik
og sögunni Olnbogavík
eftir Jim Unger
„MARGRÉT, ÉG SAGÐI ÞÉR Í MORGUN AÐ
ÉG KÆMI SEINT HEIM!“
HermannÍ klípu
„ÉG ER LÍKA LÆRÐUR NUDDARI.“
eftir Mike Baldwin
Ferdinand
Hrólfur hræðilegi
Grettir
... draumakvöldið.
VIÐ ÆTTUM AÐ
STOFNA BÓKAKLÚBB!
VIÐ GÆTUM SETIÐ OG
RÆTT UM BÆKUR ...
... SEM VIÐ
ÞYKJUMST
HAFA LESIÐ.
TIL ER
ÉG!
HAMLET, ÞEGAR ÞÚ
VERÐUR FULLORÐINN
MUNTU SJÁ AÐ ...
... PENINGAR
ERU EKKI ALLT!
ÞEIR ERU NÍUTÍU OG ÁTTA
PRÓSENT AF ÖLLU, EN ÞAÐ ER
EKKI ÞAÐ SAMA OG allt!
Víkverji hefur líklega sagt það áður,að hann er íhaldssamur að eðl-
isfari og illa við allar breytingar.
Þetta brýst vel fram þegar tækninýj-
ungar eru annars vegar. Víkverji rýk-
ur ekki út í búð sama dag og nýr iPad
kemur á markað eða snjallsími af ein-
hverri tegund. Óþarfi er að skipta um
síma, bara til að skipta um síma. Það
er ekki fyrr en græjan bilar að ástæða
er talin til að íhuga endurnýjun, að
vandlega athuguðu máli.
x x x
Þannig var með sjónvarpsmálin áheimili Víkverja. Fáir dagar eru
liðnir síðan gamla góða túbu-
sjónvarpið varð að víkja úr stofunni
fyrir flatskjá. Í góðærinu svokallaða
sat Víkverji sem fastast og sá enga
ástæðu til að kaupa nýtt sjónvarp,
bara til að eignast flatskjá eins og allir
hinir. „Eruði rugluð, það eru allir
komnir með flatskjá nema við,“ hróp-
aði unglingurinn á heimilinu nokkuð
reglulega. Víkverji lét þetta sem vind
um eyru þjóta, enda nákvæmlega
ekkert að túbunni. En svo gerðist það
að annað túbusjónvarp á heimilinu
bilaði, í sjálfu unglingaherberginu, og
þá fór af stað hringekja sem ekki var
ráðið við. Það voru þó kaldhæðni ör-
laganna að unglingurinn fékk túbuna
úr stofunni og virtist sætta sig við
það, vitandi að loksins kæmi eins og
einn flatskjár sem stofustáss heimilis-
ins.
x x x
En þar með er sagan ekki öll sögð.Víkverji veit betur núna af hverju
honum er svona illa við tækninýj-
ungar. Eftir á að hyggja var hann full
fljótur á sér að kaupa flatskjá og
stökk á eitthvað tilboð sem hljómaði
afar hagstætt. Flatskjár er greinilega
ekki það sama og flatskjár. Það þarf
að huga að myndskerpu, hljóði og
ýmsum atriðum og hvort skjárinn sé
plasma, LCD eða LED. Víkverji virð-
ist hafa keypt sér eitthvað drasl, þar
sem bæði mynd- og hljóðgæði eru
verri en í gömlu góðu túbunni, og allt
stefnir í að hann verði að punga út all-
nokkrum þúsundköllum í viðbót til að
fá sér betra tæki.
x x x
Af þessari sögu má m.a. læra aðíhaldssemi er dyggð og allt annað
er tómt helvítis vesen! víkverji@mbl.is
Víkverji
Kenn mér að gera vilja þinn því að þú
ert Guð minn, þinn góði andi leiði
mig um slétta braut. (Sálmarnir 143:10)