Morgunblaðið - 18.12.2012, Blaðsíða 4

4 FRÉTTIRInnlent
MORGUNBLAÐIÐ ÞRIÐJUDAGUR 18. DESEMBER 2012
Egill Ólafsson
egol@mbl.is
„Við munum ekki hafa frumkvæði
að því að segja upp kjarasamning-
um,“ segir Vilmundur Jósefsson,
formaður Samtaka atvinnulífsins.
Hann segir að samtökin séu tilbúin
til að ræða við verkalýðshreyf-
inguna um kjarabætur án beinna
launahækkana. ASÍ hefur hins veg-
ar enga ákvörðun tekið enn um
hvort samningum verði sagt upp.
Í janúar verða forsendur gildandi
kjarasamninga á almennum vinnu-
markaði metnar, en verði þeim ekki
sagt upp hækka laun um 3,25%
þann 1. febrúar nk. og gilda þá
samningarnir sem ritað var undir í
maí 2011 til loka janúar 2014.
Samninganefnd ASÍ átti í gær
fund með framkvæmdastjórn SA
þar sem rætt var um endurskoðun
kjarasamninga. Engar ákvarðanir
voru teknar á fundinum, en end-
anleg ákvörðun um endurskoðun
samninga þarf að liggja fyrir eigi
síðar en 20. janúar.
Markmið um hagvöxt
náðist ekki
Vilhjálmur Egilsson, fram-
kvæmdastjóri Samtaka atvinnulífs-
ins, sagði að meginmarkmið kjara-
samninga um aukinn kaupmátt
hefði náðst . Hann sagði hins
vegar markmið um hagvöxt
Gylfi Arnbjörnsson, forseti ASÍ, segir að á fundinum hafi verið farið yfir
ólíka sýn og áherslur. „Það er ljóst að við teljum halla á okkar launamenn,
því þó að kaupmáttarforsendur hafi staðist þá hefur verðbólguforsendan
ekki gert það. Því er það svo að þó almennir launamenn hafi fengið launa-
hækkanir, þá hefur það ekki leitt til aukins kaupmáttar. Það var sjálfstæð
forsenda í samningum að verðbólgan yrði 2,5% en ekki 4,3%,“
segir Gylfi. Hann segir fyrirtækin í landinu ásamt sveit-
arfélögum og ríkinu bera ábyrgð á aukinni verðbólgu. „Þeir
telja að meginforsendan hafi verið kaupmáttur en verðbólgan
hafi verið væntingum háð. SA hafa lagt áherslu á að fyrirtækin
tryggi sinn hag með hækkuðu verði. Það er eins og fyrirtækin
eigi hreinlega að velta hækkunum á launamenn, en
þá er verið að brjóta kjarasamninga,“ segir Gylfi.
Teljum halla á launamenn
FORSETI ASÍ SEGIR KAUPMÁTT EKKI EINU FORSENDUNA
Gylfi
Arnbjörnsson
ekki hafa gengið eftir. Hagvöxtur
væri 8,3% á tímabilinu 2011-2013 en
hefði þurft að vera 14%. Það vanti
því um 100 milljarða inn í hagkerfið.
Vilhjálmur sagði að markmið um
2,5% verðbólgu og markmið um
hækkandi gengi hefði hins vegar
ekki náðst og ennfremur vantaði
talsvert á að stjórnvöld hefðu staðið
við skuldbindingar sínar.
Vilhjálmur sagði varðandi hlut
stjórnvalda að það væri alveg skýrt
að stjórnvöld hefðu ekki staðið við
fyrirheit um lækkun trygginga-
gjalds. Ástæðan fyrir því að hag-
vöxtur væri minni en vonast hefði
verið eftir og verðbólgan væri
meiri, væri sú að ekki hefði orðið
hér það innstreymi fjármagns til
fjárfestinga sem menn hefðu reikn-
að með þegar kjarasamningarnir
voru gerðir. Þetta hefði stuðlað að
hærra gengi og það hefðu ekki orðið
til þau nýju störf sem vonast var
eftir.
Hann sagði að erfiðleikar á út-
flutningsmörkuðum hjálpuðu ekki
til, sérstaklega þegar búið væri að
skattleggja sjávarútveginn alveg
undir drep.
Morgunblaðið/Árni Sæberg
Miklar hækkanir Vilhjálmur Egilsson framkvæmdastjóri SA bendir á miklar hækkanir á fundinum í gær.
Ætla ekki að segja
upp samningum
 Meginmarkmið samninga um aukinn kaupmátt náðist
Stefán Gunnar Sveinsson
sgs@mbl.is
„Það er ef til vill engin sérstök
ástæða til þess að stjórnarskrárbinda
íslensku sem þjóðtungu Íslands á
meðan enginn vafi leikur á því að hún
sé opinbert tungumál í landinu, en
það virðist vera hægt að sjá merki
þess núna á síðustu árum að það sé
ekki sjálfsagt mál að íslenskan sé að-
altungumálið á Íslandi,“ segir Ari
Páll Kristinsson, rannsóknaprófess-
or við Árnastofnun, en hann er einn
af fjórum umsagnaraðilum sem vilja
að nýtt frumvarp til stjórnskipunar-
laga innihaldi grein þar sem kveðið
er á um stöðu íslensku sem opinbers
tungumáls Íslands. Þá verði íslenskt
táknmál staðfest sem fyrsta mál
þeirra sem reiði sig á það.
Í aðfaraorðum stjórnarskrárfrum-
varpsins er minnst á tungu og menn-
ingu en ekki tekið fram hvaða tungu-
mál átt sé við og í 6. grein
frumvarpsins er tekið fram að ekki
megi mismuna fólki á grundvelli
tungumála. Ekkert er hins vegar
minnst á stöðu íslenskunnar í frum-
varpinu. Ari Páll segir að fyrst verið
sé að eiga við stjórnarskrána á annað
borð og nefna tungumál í henni sé
komin ástæða til að nefna það berum
orðum í stjórnarskránni að íslenskan
og íslenskt táknmál séu tungumál Ís-
lendinga. „Hafi verið einhver vafi á
að það væri þörf á því er enginn vafi á
því lengur úr því að hugtakið tungu-
mál er í frumvarpinu.“
Vilji löggjafans skýr
Ari Páll ritaði grein í Morgun-
blaðið um stöðu íslenskunnar árið
2002 þar sem hann spurði hvort staða
íslenskrar tungu væri nógu trygg
samkvæmt hefð eða hvort það væri
nauðsynlegt að kveða sérstaklega á
um stöðu hennar berum orðum í lög-
gjöf. Alþingi samþykkti svo lög sum-
arið 2011 þar sem staða íslenskunnar
og íslensks táknmáls sem
tungumála Íslands var stað-
fest.
„Það er því ekki nokkur
vafi á því hver vilji löggjafans
er í þessum málum og því
virðist það vera eðlilegt
skref að segja það berum
orðum í stjórnarskránni,
fyrst það stendur til að
breyta henni.“
Vilja fá íslensku
sem þjóðtungu
í stjórnarskrá
 Telja þörf á því að stjórnarskrár-
binda íslensku og íslenskt táknmál
Morgunblaðið/Golli
Stjórnlagaráð Fjórir umsagnarað-
ilar vilja íslensku í stjórnarskrá.
Alls bárust stjórnskipunar- og
eftirlitsnefnd Alþingis fjórar
umsagnir þar sem lagt var til að
íslenskan yrði gerð að formlegri
þjóðtungu í stjórnarskrá. Auk
Ara Páls sendu þær Guðrún
Kvaran, formaður íslenskrar
málnefndar, og Guðrún Nordal,
forstöðumaður Árnastofnunar,
báðar inn umsagnir fyrir hönd
sinna stofnana.
Guðrún Nordal sendi einnig
inn, ásamt Júlíusi Sólnes, fyrrv.
ráðherra, og Vigdísi Finn-
bogadóttur, fyrrv. forseta
lýðveldisins, umsögn þar
sem lagt er til að 2. grein
stjórnarskrárinnar
hljóði svo: „Íslenska
er þjóðtunga Íslend-
inga. Hana ber að
vernda og varð-
veita.“
Vilja vernda
og varðveita
UMSAGNIR UM ÍSLENSKU
Vigdís
Finnbogadóttir
Skákfélag Vinjar, í samstarfi við Hrókinn, hélt jóla-
skákmót í Vin í gær og var góð stemning. Vin er at-
hvarf Rauða krossins fyrir fólk með geðraskanir og
Hrókurinn hefur komið að skákiðkun þar í fjögur ár.
Morgunblaðið/Styrmir Kári
Hugaríþrótt iðkuð af miklum móð