Morgunblaðið - 15.02.2013, Side 46

46 MENNING
MORGUNBLAÐIÐ FÖSTUDAGUR 15. FEBRÚAR 2013
Silja Björk Huldudóttir
silja@mbl.is
„Þetta eru stórstjörnur í heimi
blússins og því mikill fengur fyrir
okkur að fá þau hingað sem aðal-
gesti hátíðarinnar,“ segir Halldór
Bragason, listrænn stjórnandi
Blúshátíðar í Reykjavík 2013, um
komu hjónanna Luckys og Tamöru
Peterson og Guitar Shorty. Blús-
hátíð í Reykjavík verður haldin í tí-
unda sinn dagana 23. til 28. mars.
„Lucky Peterson er ein helsta
stórstjarna blússins um þessar
mundir, enda algjör snillingur og í
raun engum líkur. Honum er blús-
inn í blóð borið og er jafnvígur á
gítarinn og hammond-orgelið.
Hann er fyrrverandi undrabarn því
hann gaf út sína fyrstu plötu að-
eins fimm ára
gamall. Eig-
inkona hans,
Tamara Pet-
erson, er blús-
söngkona eins og
þær gerast best-
ar,“ segir Hall-
dór, en Peterson-
hjónin troða upp
á Hilton Reykja-
vík Nordica
þriðjudaginn 27. mars.
„Guitar Shorty er lifandi goð-
sögn, blúsmaður af gamla skól-
anum. Hann er fyrrverandi gít-
arleikari Willies Dixons, Sams
Cookes og Rays Charles. Hann er
einn af virtustu og vinsælustu blús-
mönnum heims, margverðlaunaður
og hefur spilað með flestum stór-
stjörnum blústónlistarinnar frá
upphafi, þ.á m. mági sínum Jimi
Hendrix, Muddy Waters, Koko
Taylor, Johnny Winter, Albert
King, Junior Wells og James Cott-
on, “ segir Halldór, en Guitar
Shorty kemur fram með The Blue
Ice Band á Hilton Reykjavík Nor-
dica miðvikudaginn 28. mars.
„Í tilefni þess að hátíðin er nú
haldin í tíunda sinn verða opn-
unartónleikar hennar haldnir í
Hörpu milli kl. 14 og 17 laugardag-
inn 23. mars þar sem við bjóðum
landsmönnum öllum að hlusta á
okkur, en aðgangur verður ókeyp-
is. Þennan sama dag fögnum við
Blúsdegi í miðborginni með uppá-
komum víðs vegar um borgina í
samstarfi við Krúser-bílaklúbbinn.
Félagar klúbbsins munu aðstoða
okkur við að færa blúsinn til fólks-
ins,“ segir Halldór og bætir við að
raunar verði borðið upp á urmul
óvæntra atriða alla hátíðardagana.
Að hans sögn mun auk stórstjarn-
anna koma fram úrval efnilegra
ungra blúsmanna frá Íslandi.
Á lokakvöldi hátíðarinnar verð-
ur haldið sérstaklega upp á að há-
tíðin er nú haldin í tíunda sinn.
„Þannig munum við fimmtudags-
kvöldið 28. mars, sem er skírdag-
ur, vera með stórtónleika þar sem
við bjóðum upp á það besta í ís-
lenskum blús. Þar koma fram Vinir
Dóra, Ragnheiður Gröndal, Björn
Thoroddsen, Langi Seli og Skugg-
arnir og fjöldi annarra sem hyggj-
ast láta blúsljós sitt skína,“ segir
Halldór og tekur fram að aðsóknin
að hátíðinni hafi aukist jafnt og
þétt síðustu árin. Þess má að lokum
geta að allar nánari upplýsingar
um hátíðina eru aðgengilegar á
blues.is, en miðasalan hefst í dag á
midi.is.
„Stórstjörnur
blússins koma“
 Blúshátíð
Reykjavíkur hald-
in í 10. sinn í mars
Halldór
Bragason
Stórstjarna Lucky Peterson
Goðsögn Guitar Shorty þykir lifandi goðsögn í blúsheiminum í dag.
Helgi Snær Sigurðsson
helgisnaer@mbl.is
Myndlistartvíeykið GÓMS, þeir
Georg Óskar Giannakoudakis og
Margeir Sigurðsson, beitir þeirri
óhefðbundnu aðferð að mála verk sín
í sameiningu. Georg og Margeir eru
ólíkir listamenn en hafa hins vegar
sömu skoðun á því hvað sé góð
myndlist og hvernig eigi að skapa
hana. Í dag kl. 17 opna þeir sýningu
á málverkum sínum, Overdose &
Underdose og vísar titillinn til fyrr-
nefndrar aðferðar. Stundum er
„overdose“ á ákveðnum svæðum í
verkunum, þ.e. of stór skammtur
eða ofhlæði, og stundum „under-
dose“, þ.e. of lítið og þá þarf að hlaða
á. Hvert verk á sýningunni hefur
farið í gegnum þetta ferli endurtekið
eða allt þar til jafnvægi næst, að
mati listamannanna sem segja sýn-
inguna einnig fjalla um það hvernig
áhorfandinn meðtaki verkin og gefi
rými fyrir þær blendnu tilfinningar
sem hann kunni að upplifa út frá
verkunum.
Eitthvað áhugavert að gerast
Blaðamaður sló á þráðinn til
Georgs í gær og spurði hann hvers
vegna þeir Margeir hefðu ákveðið að
vinna verk sín með þessum óvenju-
lega hætti. Georg segir þá Margeir
hafa verið með vinnuaðstöðu á Ak-
ureyri í Stúdíó Tímavél, húsnæði
sem áður hýsti flatbökufyrirtæki og
að þeir hafi verið að vinna að verkum
hvor í sínu lagi. Þetta var á árunum
2007 og 2008. Þeir hafi strekkt upp á
vegg stóran striga og málað á hann
af og til en þó ekki með það í huga að
gera eitthvað af viti. Striginn hafi
verið ætlaður hugmyndavinnu.
„Hægt og rólega á þessum mán-
uðum fórum við að sjá að striginn
var farinn að taka á sig mynd, að
stílarnir okkar væru þarna á sama
fleti. Okkur fannst eitthvað áhuga-
vert og spennandi að gerast og fór-
um markvisst að reyna að búa til
eitthvað saman,“ segir Georg.
Absorbismi og snjóbretti
En ef setja ætti verk þeirra í ein-
hvern flokk hvað stíl varðar, hver
væri hann? Georg svarar því til að
þeir kalli þetta absorbisma. „Við er-
um í rauninni að vinna með það sem
er að gerast á striganum. Við spáum
í hvað er á striganum og reynum að
draga það fram sem þegar er að ger-
ast. Striginn er eins og svampur sem
dregur í sig hugmyndir,“ segir
Georg. Ekkert sé fyrirfram ákveðið.
Ekki er þó allt upp talið því í fyrra
fengu GÓMS það verkefni að hanna
verk fyrir snjóbretti sem verða
framleidd af fyrirtækinu HEAD á
þessu ári og því næsta, fyrir snjó-
brettalínu næsta vetrar, 2013-14.
Tvö bretti eru skreytt verkum
GÓMS og má sjá þau hér til hliðar.
Brettin verða seld hér á landi frá og
með næsta hausti.
Mála til skiptis þar
til jafnvægi er náð
 Overdose & Underdose GÓMS í Reykjavík Art Gallery
Jafnvægi Eitt verkanna sem verða á sýningu GÓMS í Reykjavík Art Gallery. Hún verður opnuð í dag kl. 17.
Brettalist Snjóbrettin tvö sem
prýdd eru verkum GÓMS.
Samstarf Georg og Margeir vinna
listaverk sín í sameiningu.
Vefsíða GÓMS:
gomsduo.wix.com/goms
Tríó gítarleikarans Andrésar Þórs
Gunnlaugssonar leikur í kvöld á
Café Haítí og hefjast tónleikarnir
kl. 21.30. Á efnisskránni verða lög
eftir Andrés af nýjustu plötu hans
Mónókróm sem og eldra efni.
Tríó á Haítí
Tónleikar Andrés Þór með gítarinn.
Tríó Reykjavíkur heldur hádeg-
istónleika á Kjarvalsstöðum í dag
kl. 12.15 undir yfirskriftinni Vor og
rómantík. Á efnisskránni er Vorsó-
natan eftir L. van Beethovens og
ástarljóð eftir tékkneska tónskáldið
Joseph Suk. „Beethoven samdi 10
sónötur fyrir píanó og fiðlu og er
Vorsónatan sú 5. í röðinni. Hún var
samin um aldamótin 1800 og til-
heyrir því fyrsta tímabili í tón-
sköpun Beethovens, en þeim er
skipt niður í þrjú tímabil. Þótt hann
hafi lifað vel inn í 20 öldina þykir
tónlist Joseph Suk mjög rómantísk
en hann var tengdasonur Dvoráks,“
segir m.a. í tilkynningu. Flytjendur
eru Guðný Guðmundsdóttir fiðlu-
leikari og Peter Maté píanóleikari.
Aðgangur er ókeypis og allir vel-
komnir.
Vor og róm-
antík í lofti
Fiðluleikari Guðný Guðmundsdóttir.
Leikritið Hinn fullkomni jafningi
eftir Felix Bergsson verður sýnt í
Frystiklefanum í kvöld og annað
kvöld, laugardag, kl. 20 báða daga.
Uppfærslan er fyrsta sýning leik-
hópsins Artik sem þau Jenný Lára
Arnórsdóttir og Unnar Geir Unn-
arsson stofnuðu sl. haust, en þau
luku bæði námi í leiklist og leik-
stjórn við ASAD-leiklistarskólann í
London fyrir skemmstu.
Verkið, sem er einleikur, var
frumflutt árið 1999 en þá lék höf-
undurinn sjálfur í verkinu sem
fjallar um fimm menn sem taka
mismunandi á samkynhneigð sinni.
„Þeir tengjast allir innbyrðis á einn
eða annan hátt en samskipti þeirra
endurspegla ekki aðeins reynslu
samkynhneigðra af ástinni, heldur
fela þau í sér sammannlega
reynslu,“ segir Jenný Lára sem
leikstýrir.
Sýna í Frysti-
klefanum
Samhent Jenný Lára Arnórsdóttir
og Unnar Geir Unnarsson.