Morgunblaðið - 13.03.2013, Blaðsíða 32

32 MINNINGAR
MORGUNBLAÐIÐ MIÐVIKUDAGUR 13. MARS 2013
Smáauglýsingar 569 1100 www.mbl.is/smaaugl
Dýrahald
Langhundahvolpar til sölu
4 langhundahvolpar til sölu, 2 tíkur og
2 rakkar, afhendast um miðjan mars
með ættbók frá HRFI, heilsufars-
skoðaðir og örmerktir.
Uppl. í síma 8673241, Lilja.
Snældu er saknað!
Snælda er 4 ára svört, fíngerð læða,
hún er örmerkt og var með rauða ól
með bjöllu og járnhólk þegar hún fór
að heiman (Barmahlíð). Hún er búin
að vera týnd síðan 21. desember og
er sárt saknað. Ef einhver dýravinur
hefur tekið hana að sér þá vil ég
gjarnan fá að vita það. Eins vil ég
biðja fólk í 105 og þar í kring að hafa
augun opin. Herdís, sími: 864 2109.
Gisting
Gisting Akureyri
Skógarhlíð 27, 601 Akureyri, 160 fm
einbýlishús, 4 svefnherbergi. Að-
staða fyrir ca. 13 manns. Leyfilegt að
hafa hund í Skógarhlíð. Er með fleiri
orlofshús við Akureyri og öll með
heitum potti.
orlofshus.is Leó 897 5300
Rafvirkjun
AH-Raf. Dyrasímakerfi, töfluskipti og
öll almenn raflagnavinna. Tilboð/
tímavinna. Vönduð vinnubrögð.
ahraf@ahraf.is - Hermann, sími
845 7711, og Arnar, sími 897 9845.
Til sölu
Ódýr blekhylki og tónerar
verslun í Hagkaup Smáralind og
Fjarðargötu 11, Hafnarfirði.
Blekhylki.is, sími 517-0150.
Saumavélar- saumavélaviðgerðir
Nýjar og notaðar saumavélar í úrvali.
Viðgerðir á flestum gerðum sauma-
véla. Skoðaðu úrvalið á saumavelar.is
eða hringdu í s. 892 3567 eftir
hádegi alla daga.
Óska eftir
Kaupi silfur
Vantar silfur til bræðslu og endur-
vinnslu. Fannar verðlaunagripir,
Smiðjuvegi 6, rauð gata, Kópavogi.
fannar@fannar.is - sími 551 6488.
KAUPUM GULL - JÓN & ÓSKAR
Kaupum allt gull. Kaupum silfur-
borðbúnað. Staðgreiðum. Heiðar-
leg viðskipti. Aðeins í verslun okk-
ar Laugavegi 61. Jón og Óskar,
jonogoskar.is - s. 552-4910.
KAUPI GULL!
Ég, Magnús Steinþórsson gullsmíða-
meistari, kaupi gull, gullpeninga og
gullskartgripi. Kaupi allt gull, nýlegt,
gamalt og illa farið.
Leitið til fagmanns og fáið góð ráð.
Uppl. á demantar.is, í síma 699 8000
eða komið í Pósthússtræti 13 (við
Austurvöll).
Verið velkomin.
Bókhald
Bókhald, launavinnsla, stofnun
fyrirtækja og framtöl fyrir einstakl-
inga og fyrirtæki. Sanngjarnt verð.
Fyrirtæki og samningar ehf.
Suðurlandsbraut 46,
108 Reykjavík.
S. 552 6688.
Síðumúli 31•105 Reykjavík
gaiusehf@gmail.com
BÓKHALDS
ÞJÓNUSTA
fyrir fyrirtæki,
einstaklinga og
félagasamtök
Bjóðum fagleg og
vönduð vinnubrögð á
sanngjörnu verði.
Sími 892 5784
Bílaþjónusta
mbl.is
Það eru liðin allmörg ár síðan
ég sem forráðamaður meistara-
flokks Fjölnis í knattspyrnu réð
27 ára gamlan KR-ing, Steinar
Ingimundarson, sem spilandi
þjálfara liðsins ásamt Magnúsi
Þorvaldssyni. Ég hafði hrifist af
baráttuanda og sigurvilja Stein-
ars sem leikmaður KR og varð
því himinlifandi þegar hann sótti
um þjálfarastarf hjá Fjölni.
Fljótlega kom í ljós að þar hafði
ég veðjað á „réttan hest“ því
Steinar lagði sig algjörlega fram
við verkefnið og hreif menn með
sér af ákafa. Þjálfararnir náðu
að byggja upp sterkan hóp og
allt var lagt í sölurnar til að liðið
næði sem bestum árangri.
Eitt sem einkenndi Steinar
alla tíð var hvað hann var fljótur
að hugsa og snöggur að ákveða
sig. Gott dæmi um það var þegar
hann skoraði sigurmark beint úr
aukaspyrnu rétt fyrir leikslok
gegn Sindra á Hornafirði. Allir
biðu eftir flauti dómarans nema
Steinar sem stillti boltanum upp
og skaut, því hann áttaði sig
fyrstur allra á að dómarinn hafði
ekki gefið skipun um að bíða eft-
ir flautunni og því var markið
löglegt.
Við Steinar ferðuðumst mikið
saman í sambandi við fótboltann,
bæði innanlands og utan, og um-
gengumst mikið hvor annan þar
fyrir utan þótt nokkur aldurs-
munur væri á okkur, en með
okkur tókst góð vinátta og vænt-
umþykja sem efldist með árun-
um. Þegar einhverjir erfiðleikar
urðu á veginum var tekist á við
þá en hugsunin um að gefast upp
var aldrei til staðar. Seinustu
dagana, þá fárveikur og þjáður,
var hann tilbúinn eftir bestu
getu að veita ráð og hjálpa til.
Einstakt var að sjá einhuginn
hjá „Ingimundarbræðrunum“.
Þeir stóðu saman í gegnum
þykkt og þunnt, allir sem einn
maður, og bökkuðu hver annan
upp og þá má ekki gleyma heið-
ursmanninum Ingimundi, föður
þeirra, sem gaf þeim seigluna og
þorið í vöggugjöf og hafa þeir
Steinar Örn
Ingimundarson
✝ Steinar ÖrnIngimundarson
fæddist í Reykjavík
27. janúar 1969.
Hann lést hinn 17.
febrúar á líkn-
ardeildinni í Kópa-
vogi.
Steinar var jarð-
sunginn frá Grafar-
vogskirkju 25. febr-
úar 2013.
notað það vel í
gegnum tíðina.
Þó var það eitt
sem einkenndi
Steinar umfram allt
annað, en það var
hvað hann var mik-
ill fjölskyldumaður
og af hvað mikilli
natni hann hugsaði
um fjölskylduna,
enda gekk hún fyrir
öllu hjá honum og
veit ég að fjölskyldumeðlimir
munu ylja sér við þær dýrmætu
minningar um ókomin ár.
Nú þegar ég kveð kæran vin
vil ég votta Jónu og börnunum,
ásamt allri fjölskyldunni, mína
dýpstu samúð.
Minningin um góðan dreng
mun lifa með mér alla tíð.
Kári Jónsson.
Fallinn er frá góður maður og
mikil fyrirmynd. Okkur langar
að minnast Steinars með nokkr-
um orðum enda hafði hann áhrif
á líf okkar allra. Steinari kynnt-
umst við þegar hann tók við 3.
flokki Fjölnis fyrir sumarið 2001.
Öðrum eins keppnismanni og
sigurvilja höfðum við ekki
kynnst áður. Steinar var þó ekki
einungis mikill keppnismaður,
heldur náði hann að nálgast okk-
ur sem félagi og með réttu
blöndunni af húmor, einstökum
frösum, óbilandi trú, sigur- og
baráttuvilja náði hann að búa til
einstaka liðsheild. Þetta sumar
mun ávallt vera einstakt í okkar
minnum enda gekk allt upp.
Hann gerði okkur að fyrstu Ís-
landsmeisturum Fjölnis í 11
manna bolta, bikarmeisturum,
Íslandsmeisturum innanhúss,
Reykjavíkurmeisturum og
haustmótsmeisturum. Þetta er
árangur sem seint verður jafn-
aður. Við munum þó ekki ein-
ungis minnast góðra stunda á
vellinum, æfingaferðar til Portú-
gals eða frábærs hóps stráka,
heldur þess heiðurs að fá að
kynnast einstökum karakter
sem Steinar hafði að geyma.
Erfið veikindi Steinars hafa
eflaust fengið að finna vel fyrir
sigurvilja, baráttu og þraut-
seigju. Því miður náum við ekki
að vinna alla leiki sem við þreyj-
um, en við efumst ekki um að
hann sé á stað þar sem þessir
miklu mannkostir fá að njóta sín
og hann muni vinna marga sigra
í viðbót.
Steinar, þín verður sárt sakn-
að en á sama tíma munt þú lifa
sem mikil fyrirmynd. Fyrir hönd
3. flokks Fjölnis 2001,
Einar Markús Einarsson og
Þorsteinn V. Einarsson.
Ég kynntist Steinari þegar
hann tók við þjálfun Knatt-
spyrnufélagsins Víðis í Garði
haustið 2006 en ég var þá fyr-
irliði liðsins. Strax við komu
Steinars í Garðinn urðu miklar
og góðar breytingar á liðinu og
umgjörð þess. Steinar hafði
nefnilega þennan ótrúlega kraft
og dugnað sem til þurfti til þess
að drífa hlutina áfram og koma
þeim í verk. „Er ekki hægt“ var
til dæmis ekki til í hans orðabók.
Steinar náði frábærum ár-
angri með Víðisliðið en við unn-
um meðal annars 3. deildina árið
2007, enduðum í þriðja sæti í 2.
deildinni árið 2008, aðeins hárs-
breidd frá því að komast upp.
Einnig komst liðið tvisvar í úr-
slitaleik futsal og varð fyrsta ís-
lenska liðið til þess að taka þátt í
Evrópukeppni í futsal árið 2008.
Þar sem ég bjó einnig í
Reykjavík keyrðum við alltaf
saman á æfingar í Garðinum, ég,
hann og Þór sonur hans sem
einnig spilaði með liðinu. Þessar
ferðir eru margar hverjar
ógleymanlegar en Steinar hafði
frábæran húmor og gat reytt af
sér sögurnar.
Einnig voru æfingaferðirnar
og keppnisferðirnar til Spánar
og Frakklands ógleymanlegar
en þær voru að miklu leyti knún-
ar áfram vegna dugnaðar hans.
Sem dæmi má nefna að þegar
við fórum í fyrstu æfingaferðina
til Spánar bónuðum við bíla alla
laugardaga þann veturinn.
Steinar lét sig sjálfur aldrei
vanta í bónið og var yfirleitt
mættur á bíl einhvers skyld-
mennis eða vinar.
Eftir að ég fór frá félaginu
haustið 2008 héldum við áfram
góðu sambandi og hittumst
stundum í kaffi í Innex en það
var alltaf gott að koma þangað
til þess að spjalla við hann og fá
góð ráð hjá honum varðandi
boltann.
Steinar var mikill Víðismaður
og ég veit að margir í Garðinum
eru honum ákaflega þakklátir
fyrir það sem hann gerði fyrir
félagið. Hann var mikill keppn-
ismaður sem gaf sig allan í það
sem hann tók sér fyrir hendur
og dreif þannig aðra með sér
með dugnaði sínum en umfram
allt var hann góður drengur,
traustur vinur og félagi.
Ég hugsa til baka með þakk-
læti fyrir góðar stundir og frá-
bærar minningar.
Ég sendi fjölskyldu Steinars
mínar innilegustu samúðar-
kveðjur á þessum erfiðu tímum.
Knútur Rúnar Jónsson.
Við sem þetta ritum áttum
þess kost að vinna með Knúti Ot-
terstedt um árabil hjá Lands-
virkjun. Hann gekk til liðs við
fyrirtækið árið 1983 þegar Akur-
eyrarbær gerðist meðeigandi í
Landsvirkjun og lagði inn í fyr-
irtækið aflstöðvarnar við Laxá og
tilheyrandi tengivirki og flutn-
ingslínur rafmagns. Verulegur
aldursmunur var á okkur því um
það leyti sem við komum í þenn-
an heim útskrifaðist Knútur sem
rafmagnsverkfræðingur frá hin-
um virta Chalmers tækniháskóla
í Gautaborg. Hann bjó því að um-
talsverðri reynslu bæði á sviði
verkfræðinnar og sem stjórn-
Knútur Otterstedt
✝ Knútur Otter-stedt, fyrrver-
andi rafveitustjóri
á Akureyri, fæddist
á Akureyri 13. des-
ember 1927. Hann
lést á dvalarheim-
ilinu Hlíð á Ak-
ureyri 12. febrúar
2013.
Útför Knúts fór
fram frá Akur-
eyrarkirkju 19.
febrúar 2013.
andi. Hann hafði ár-
in á undan verið
framkvæmdastjóri
Laxárvirkjunar og
rafveitustjóri á Ak-
ureyri allt frá árinu
1962 og tekið við
þeim störfum af föð-
ur sínum. Við sam-
runa fyrirtækjanna
tók Landsvirkjun
einnig yfir rekstur
Kröflustöðvar og
varð Knútur sjálfskipaður í stöðu
svæðisstjóra Landsvirkjunar á
Norðausturlandi. Knútur lét af
störfum árið 1997 þá sjötugur að
aldri.
Knútur er minnisstæður þeim
sem honum kynntust. Hann var
höfðinglegur ásýndum og var það
líka í raun og lund. Öflugur tals-
maður Norðurlands var hann og
gætti hagsmuna svæðisins í hví-
vetna. Hann var Akureyringur
og Norðlendingur í húð og hár.
Hann var skörulegur yfirmaður
en jafnframt vinsæll og virtur af
samstarfsmönnum og undir-
mönnum sínum enda talaði hann
ávallt máli þeirra ef á þurfti að
halda. Honum var lítt um það
gefið að leita lausna utan svæðis
ef hann sá þess nokkurn kost að
leysa mál innan svæðis. Þannig
leituðum við oft til hans þegar
leysa þurfti úr vandamálum, sem
gerðist endrum og sinnum. Þá
bauð hann gjarnan mönnum að
koma í heimsókn norður og ræða
málin, að finna lausn. Oftar en
ekki fylgdi því heimboð til hans
og Harriet, en oftast barst nafn
hennar í tal þegar rætt var um
Knút, svo samofin voru þau í
huga okkar.
Knútur var einstakur höfðingi
heim að sækja og þau Harriet
kunnu þá list öðrum betur að
taka á móti gestum. Þó Knútur
væri að öðru jöfnu alvörugefinn
maður kunni hann vel að slá á
létta strengi og lék þá á als oddi
og var hrókur alls fagnaðar í
góðra vina hópi. Söngmaður var
hann ágætur, hafði djúpa og fal-
lega bassarödd og söng í áratugi í
Karlakórnum Geysi og síðar
Karlakór Akureyrar – Geysi. Þá
var hann einnig framarlega og
gegndi forystu í félagsmálum
íþróttahreyfingarinnar á Akur-
eyri.
Við kveðjum nú með þakklæti
minnisstæðan samverkamann og
félaga, vottum honum virðingu
okkar og sendum Harriet og fjöl-
skyldunni allri samúðarkveðjur.
Þorgeir J. Andrésson og
Þórður Guðmundsson.
Eftir andlát Birgis Árna
Birgissonar fyrir ári síðan var
ég of sleginn til að geta skrifað
minningargrein. Kannski vegna
þess að ólíkt sjómanninum
Bigga þá hef ég aldrei migið í
saltan sjó.
Ég kynntist Bigga snemma á
gelgjunni. Gisti oft hjá bróður
hans og vandi komur mínar í
heimsókn til Bigga þar sem við
héldum vöku hvor fyrir öðrum
langt fram á nótt með blaðri.
Við pældum í pönki og nú einu
ári eftir andlát hans, nánast upp
á dag, gefur Bad Religion út
eina af sínum bestu plötum en
þeirra mesti aðdáandi missir af
Birgir Árni
Birgisson
✝ Birgir ÁrniBirgisson
fæddist í Lundi í
Svíþjóð hinn 4. jan-
úar 1980. Hann lést
á heimili sínu á Ísa-
firði 23. janúar
2012.
Birgir Árni var
jarðsunginn frá Ví-
dalínskirkju 3.
febrúar 2012.
henni. Að upplagi
var hann vel úr
garði gerður, hæfi-
leikaríkur og klár.
Fínn í boltaíþrótt-
um, pári og var
handlaginn.
Sumir menn eru
þannig að þegar
þeir fyrst finna fyr-
ir áhrifum hug-
breytandi efna þá
verða þeir ekki
samir eftir. Ég hef heyrt marga
þeirra lýsa því sem svo að þeir
passi ekki í eigið skinn. Eigi erf-
itt með að draga andann í hvers-
dagslegu hugarástandi. Biggi
var þannig maður.
Ég man það að snemma í
gagnfræðaskóla var það svo að
hann bætti á sig á sunnudags-
morgnum. Hann gat ekki annað.
Eftir skyldunám lifði hann mis-
munandi tímabil. Stormasöm og
blíð. Eitt þeirra var svo að hann
stundaði stífa sjálfskoðun á and-
legum nótum og var þá svo já-
kvæður og hress að það truflaði
fúlt fólk í kringum hann. Það
voru nokkur ár. Einhver ár fóru
svo í póker sem menn segja mér
að hann hafi verið ágætur í.
Stuttu fyrir andlát sitt sagði
Biggi mér allt af sér, öll sín
dýpstu leyndarmál. Við höfðum
gert það áður sem eins konar lið
í andlegri hreinsun. Ég treysti
því að hann sagði mér allt. Á
endanum birti yfir honum svo
hann hló að eigin breyskleika og
löstum því fólki léttir við svona
iðju og sér hversu óþarflega
kjánalegt það getur verið. En
þrátt fyrir lifnaðarhætti Bigga á
köflum var (að mínu mati) ekk-
ert krassandi leyndarmál. Brot
hans gagnvart öðrum voru smá-
vægileg og samviskubit hans
voru vegna hlægilega ómerki-
legra atvika. Hann stóð við sitt
og lét fátt bitna á öðrum.
En það er þannig með ein-
læga og heiðarlega menn að þeir
hljóta sjaldan upphefð. Manni
þykir það stundum ósanngjarnt
að breyskir menn sem troða sér
fram fái þann heiður. Þess
vegna fannst mér ég þurfa að
vélrita þessi orð. Ekki einungis
útaf því að menn eins og Biggi
eiga það skilið heldur einnig
vegna þess að okkur er hollt og
gott að minnast þeirra. Sannir,
heiðarlegir og tryggir menn eru
nefnilega engin meðalmenni.
Þeir eru eitthvað meira og mik-
ilvægara.
Axel Wilhelm Einarsson.