Morgunblaðið - 25.06.2013, Side 4

Árni Grétar Finnsson
agf@mbl.is
„Starfrækt var sérstök barna- og
unglingageðdeild sem sjálfstæð ein-
ing innan FSA en hún var færð undir
barnasvið sjúkrahússins. Sérfræð-
ingar deildarinnar töldu þetta vera
afturför í þjónustu,“ segir Ólafur Ó.
Guðmundsson, formaður Barnageð-
læknafélags Íslands (BGFÍ) og yfir-
læknir á Landspítalanum, en félagið
sendi frá sér ályktun í gær þar sem
skorað er á Kristján Þór Júlíusson,
heilbrigðisráðherra, að beita sér fyr-
ir bættri stöðu barna- og unglinga-
geðlækninga. Ólafur vill að Kristján
aðstoði sérfræðimiðstöðvar geð-
lækninga, á BUGL og á FSA, með að
tengja þjónustuna saman.
Ósætti um skipulagsbreytingar
Sérfræðingar geðdeildarinnar,
barnageðlæknir og sálfræðingur,
sögðu störfum sínum lausum vegna
skipulagsbreytinga á sjúkrahúsinu
Breytingarnar komu til vegna út-
tektar sem Ríkisendurskoðun gerði
á stofnuninni, en lagt var til að end-
urskoðun yrði gerð á skipuriti starf-
seminnar. „Meginniðurstaðan var sú
að þeim stjórnendastöðum innan
sjúkrahússins sem voru með svokall-
aða þríþætta stjórnunarábyrgð var
fækkað,“ segir Sigurður E. Einars-
son, framkvæmdastjóri lækninga á
FSA. Hann bætir við að breytingin
hafi ekki einskorðast við barna- og
unglingageðdeildina.
Starfsemin ekki lögð niður
Hann er ekki sammála ályktun
BGFÍ sem segir að starfsemin hafi
verið lögð niður heldur segir hann að
breytt hugmyndafræði á bak við
starfsemi lækna og hjúkrunarfræð-
inga hafi leitt til breytinga á nöfnum
deilda. „Með nafnabreytingu lögðum
við því í raun niður nafnið á deildinni
en ekki þá þjónustu sem deildin veit-
ir,“ segir Sigurður. Ekki hefur verið
ráðinn annar geðlæknir á sjúkrahús-
ið.
Sigurður segir að þjónustustig
sjúkrahússins sé ekki minna nema
að því leyti að umræddur læknir
starfar ekki lengur við stofnunina.
„Ekki má gleyma því að þessi þjón-
usta hefur lítið verið bundin við
sjúkrahús. Það hefur ekki verið lagð-
ur sjúklingur inn af geðlækni hjá
okkur í fjölda ára heldur hefur þessi
þjónusta verið stofuþjónusta eða
göngudeildarþjónusta, ef svo má
kalla. Það er vel hægt að reka þessa
þjónustu utan sjúkrahússins á jafn-
góðan hátt,“ segir Sigurður.
Geðlæknar skora á ráðherra
 Barnageðlæknafélagið vill endurskoðun á skipulagsbreytingum
 Framkvæmdastjóri á sjúkrahúsinu segir þjónustustigið það sama og áður
Ólafur Ó.
Guðmundsson
Sigurður E.
Einarsson
4 FRÉTTIRInnlent
MORGUNBLAÐIÐ ÞRIÐJUDAGUR 25. JÚNÍ 2013
Sunna Sæmundsdóttir
sunnasaem@mbl.is
Aðsókn í þyrluflug hefur aukist
mjög á undanförnum árum. 60%
aukning var á þyrluflugi á vegum
einkaaðila á fyrstu fimm mánuðum
ársins og þyrluferðir Landhelgis-
gæslunnar juk-
ust um 179% á
fyrstu sex mán-
uðum ársins að
sögn Guðna
Sigurðssonar,
talsmanns
Isavia. Tölurn-
ar miðast við
ferðir frá
Reykjavíkur-
flugvelli, en
þaðan eru flest-
ar þyrluferðir farnar.
„Fjölgun útkalla hjá Gæslunni
má rekja til gríðarlegar fjölgunar
ferðamanna og því fylgir að oftar
þarf að koma þeim til aðstoðar,“
segir Guðni.
Aðsóknin stigvaxandi
Birgir Ómar Haraldsson, fram-
kvæmdastjóri Norðurflugs, tekur í
sama streng og segir fjölgun flug-
ferða á þeirra vegum koma til
vegna aukins fjölda ferðamanna.
Norðurflug er stærsta þyrluflug-
félagið á Íslandi, með um 65%
markaðshlutdeild. Félagið rekur
þrjár þyrlur, en sú stærsta er af
gerðinni Dauphin og tekur allt að
átta farþega. Birgir segir 1700
flugstundir hafa verið farnar í
fyrra og að aðsóknin fari stigvax-
andi. Árið 2012 var metár hjá fé-
laginu.
„Við byrjuðum með reksturinn á
örlagaárinu 2008 og erum alltaf að
auka ferðaúrvalið. Árið 2009 fórum
við að pakka saman ferðum og
bjóða fólki upp á þann kost að geta
valið á milli mismunandi pakka-
ferða.“
Vinsælt að skoða eldgosin
Reynt er að elta það sem vinsælt
þykir á hverjum tíma. „Vinsælasta
leiðin núna er yfir Eyjafjallajökul.
Við ættum eiginlega að vera með
árlegt gos á mismunandi stöðum,“
segir Birgir kíminn.
Þá er alltaf vinsælt að fljúga yfir
Gullfoss og Geysi og fá þannig
öðruvísi sjónarhorn á okkar helstu
náttúruperlur.
Margir sækja í þjónustuna og
markhópurinn dreifist nokkuð
jafnt. Ferðirnar eru ekki einungis
fyrir efnafólk, enda á breiðu verð-
bili. Birgir segir bæði fjölskyldur
og einstaklinga nýta sér þennan
ferðakost. Flestar ferðir eru þó
farnar á sumrin þar sem birtuskil-
yrðin eru verri yfir vetrartímann.
Margar ferðir eru þá farnar á
hverjum degi.
Fljúga fyrir kvikmyndir
Töluverð viðskipti hafa einnig
fylgt þeim fjölda stórmynda sem
tekinn hefur verið upp á Íslandi
undanfarið. „Við erum með stærst-
an hlut þeirra verkefna. Það skiptir
þessa aðila miklu máli að hér séu
reyndir menn hvað varðar nýtingu
þyrlna í kvikmyndaverkefnum.“
Birgir segir gríðarlega land-
kynningu vera fólgna í slíkum
verkefnum. Norðurflug sá meðal
annars um þyrluflug fyrir hasar-
myndina Oblivion með Tom Cruise
í aðalhlutverki, ævintýramyndina
Prometheus og The Secret life of
Walter Mitty þar sem Ben Stiller
er í aðalhlutverki.
Í þeirri síðastnefndu var náttúra
Íslands í stóru hlutverki og var
meðal annars farið í þyrluflug yfir
Svínadalsjökul. Þegar slík verkefni
eru unnin stýrir flugmaður á veg-
um Norðurflugs þyrlunni á meðan
tökur fara fram, en það skiptir því
miklu máli að vandað sé vel til
verka.
Jökullinn logar Það getur verið mögnuð lífsreynsla og eftirminnilegt að sjá náttúru Íslands og einstaka birtu frá öðru sjónarhorni en vanalegt er.
Margir sækja í þyrlurnar
 Bæði fjölskyldur og einstaklingar fara í þyrluferðir um landið  Vinsælt er að
skoða Eyjafjallajökul að ofan  „Ættum eiginlega að vera með árlegt gos“
„Afar gott er að hafa þyrlur sem komast á staði þar
sem björgunarsveitir komast ekki,“ segir Hrafnhildur
Stefánsdóttir, upplýsingafulltrúi Landhelgisgæslunnar.
Hún segir óvenjumikið hafa verið um þyrluútköll það
sem af er ári, en það megi líklega rekja til aukins ferða-
mannastraums.
Hún segir ferðamennskuna dreifast meira yfir árið
en áður var, nú sé hún einnig mikil á fyrstu mánuðum
ársins. Fólk er því að fara á staði sem ekki eru öruggir
veðurfarslega á þessum tíma árs. Flest útköllin segir
hún vera vegna ferðamanna á eigin vegum sem ekki
eru nógu vel búnir fyrir íslenskt veðurfar og fjallamennsku.
Illa búnir á hálendinu
MÖRG ÞYRLUÚTKÖLL HJÁ LANDHELGISGÆSLUNNI
Hrafnhildur
Stefánsdóttir
Birgir Haraldsson
Forsætisráðherra, Sigmundur Dav-
íð Gunnlaugsson, fundaði síðdegis í
gær með lögmanni Færeyja, Kaj
Leo Johannesen, í Þórshöfn. Á
fundinum var rætt um ýmis sameig-
inleg hagsmunamál landanna og
kynnti forsætisráðherra lögmanni
stefnu íslensku ríkisstjórnarinnar
um aukna áherslu á samstarf við
Norðurlönd. Meðal annars var rætt
um þá þýðingu sem olíuleit hefur
haft fyrir efnahagslíf Færeyinga.
„Við ræddum einnig stöðu fisk-
veiðisamninga vegna sameig-
inlegra stofna, einkum makríls og
norsk-íslensku síldarinnar. Jafn-
framt var rætt um mikilvægi þess
að fundnar séu lausnir í slíkum mál-
um með samningum, en ekki ein-
hliða aðgerðum eða yfirgangi
stærri samningsaðila gagnvart
þeim minni“ er haft eftir forsætis-
ráðherra í tilkynningu
Forsætisráðherra
fundaði með lög-
manni Færeyja
„Varpið er svona þokkalegt en tóf-
an er alltaf að hrekkja okkur,“ seg-
ir Eiríkur Snæbjörnsson, bóndi á
Stað í Reykhóla-
sveit, um æðar-
varp á svæðinu í
sumar. Eiríkur
segir varpið hafa
farið rólega af
stað, á sumum
svæðum virðist
sem fuglinn hafi
verið seinna á
ferðinni en ella,
e.t.v. vegna veð-
urs, og þá sé
nokkuð um að hann sé að verpa í
annað sinn eftir að hafa rifist upp
af vargi.
„Ég hef heyrt í þónokkrum og
það er talsvert skemmt eftir tófuna
sums staðar í landi, þar sem hún
kemst, en úti á eyjunum á Breiða-
firði, þaðan sem ég hef heyrt, þá er
þetta svipað og hefur verið,“ segir
hann.
Eiríkur segir að þrátt fyrir
dugnað grenjavinnslumanna, sem
Reykhólahreppur greiðir fyrir,
hafi ekki tekist að halda tófunni
niðri þannig að friður sé í varpinu.
Eitt greni hafi verið unnið í ná-
grenni Staðar í sumar en þá séu
gelddýr á ferðinni og nýrra dýra
verði vart jafnharðan og önnur eru
skotin.
Auk þess að deila hlunnindum
með bænum Árbæ nytjar Eiríkur
æðarvarpið á Svínanesi í Múla-
hreppi og rekur eigin dúnhreinsi-
stöð á Stað. Hann segir afar gott
verð hafa verið að fást fyrir dúninn
síðustu misseri, eða í kringum 160-
170 þúsund krónur fyrir kílóið.
holmfridur@mbl.is
Morgunblaðið/Einar Falur
Hreiður Æðarfuglinn verpir gjarn-
an fjórum til fimm eggjum.
Enginn frið-
ur í varpinu
fyrir tófu
 Æðarfuglinn sums
staðar seint á ferðinni
Eiríkur
Snæbjörnsson